यूहन्‍ना 13:14 - ह्योल्‍मो

¹⁴ ङाह ख्‍याया़गी चो़वो दाङ लोबेन यिहन्‍देॱआङ ङाहगी ख्‍याया़गी काङबा ठी़ तेर फान्‍ज्‍योनी ख्‍याया़गीॱआङ च्‍यी़गी च्‍यी़ला काङबा ठी़ तेर कोहएँ।

यूहन्‍ना 13:14 ပူးပေါင်းရင်းမြစ်များ

यूहन्‍ना 11:2

ओ़ह मरियमगी लेहमा च्‍यी़ येशूगी स्‍याहपला टिहमा स्‍यिहम्‍बु खाएँगी नुम की़दी राहङगी टागी फी़क्‍यो येहकें, ओहले नेहपा काहल्‍ग्‍यो लाजरसती ओ़ह आज्‍यी-नुहमु ङ्यी़गी नो़ह यिहन्‍गे।

ल़ेह-पेन 20:35

ङाहगी थाम्‍ज्‍यी तामला राहङ फे़बेया़ला पे तेन सिहन्‍दी येह, राहङ फे़बेया़गीॱआङ दि ल़ेहमुराङ तुहक्‍पु पेहती ला़ मेहखाएँया़ला रो़ह पेह कोहएँ। चो़वो छ्येवा येशूगी सुङ नाङग्‍योकी दि स्‍याहल टेहम्‍बा साल्‍दी तेहतोङ, ‘लेहन्‍गे म़ेदी तेर्के सोनाम-साक्‍पु’!” म़ेदी पावलगी एफिससकी छो़बाया़गी गोबाया़ला मासीन।

रोमी 12:10

यिह छ्य़ेबा काहल्‍ग्‍यो सोङबे च्‍यी़गी च्‍यी़ला राहङ आदा-नो़हया़ला ल़ेहमुराङ चेवा पेहतोङ ओहले राहङला म़ेदी माहङबु च्‍यी़गी च्‍यी़ला ची़नाङ पेहतोङ।

रोमी 12:16

थाम्‍ज्‍यी ङ्याम्‍बु थिम्‍बु पेह। ठासक माहतेन, यिहॱनाङ मिह ङ्येम्‍बुया़ ङ्याम्‍बु च्‍याम्‍दोङ। ओहले ङाहराङ स्‍य़ेगे यिहन मा़हने।

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

१ कोरिन्‍थी 8:13

का़हलेॱआङ साहएँ से़हया़गी ङाहती किन्‍ज्‍योला यिह-छ्य़े पेहक्‍यो नो़हया़ला तिहक्‍पाला छ्यिच्‍युगे यिहन्‍सीमानानी ङाह नाहमॱआङ स्‍या साहज्‍ये म़ेह।

२ कोरिन्‍थी 10:1

ङाह पावल, ख्‍याया़गी दिनलाती स्‍यिहवा पेहकु दु लो, ओहले था़-रिहङबु येहकेमुती ख्‍याया़ ङ्याम्‍बु सोहम्‍ग्‍याङ तेन्‍गु दु म़ेदी ख्‍या नाहङला ताम च्‍येहकु दु लो। यिहॱनाङ मास्‍यीकाकी स्‍यिहवा दाङ थुज्‍यी लाहमले ङाह ख्‍याया़ला ओहर-छ्य़े स्‍युहउ येह।

२ कोरिन्‍थी 8:9

च्‍यिबेमाना ओहराङ चो़वो येशू मास्‍यीकागी काटीन ख्‍याया़ला क्‍यी़हराङ येह। मिहरो छ्युक्‍पु येहकें यिहॱनाङ ख्‍याया़गी तेहन्‍दाला मिहरो प्राङबु काहल्‍सीन च्‍यिबेमाना मिहरो प्राङबु काहल्‍दे ख्‍याया़ छ्युक्‍पु डो ख़ूज्‍यु म़ेदी यिहम्‍बा।

गलाती 5:13

आदा-नो़ह दाङ आज्‍यी-नुहमुया़, ख्‍यानी राहङवाङगी तेहन्‍दाला क़े क्‍याहप्‍क्‍यो यिहम्‍बा। यिहॱनाङ दि राहङवाङला तिहक्‍पाकी ल़ेहया़की तेहन्‍दाला चाल माहती। यिहॱनाङ चेवा पेहती च्‍यी़गी च्‍यी़ला या़हबु स्‍याहप्‍तो स्‍यी़हदोङ।

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

हिब्रू 12:2

ओहराङ यिह-छ्य़ेला छ़ू नाङगे दाङ छाङबु जे नाङगेन्‍गी येशूला ओहराङगी त़ेदी तेहतोङ। राहङ आब्रु डोएँगी तामला येशूगी च्‍यिॱआङ नाङदा जे माहनाङ यिहॱनाङ मिहरोगी तिहङला ओहङगेन्‍गी सेम काहसोगी तेहन्‍दाला क्‍याहङस्‍यीङगी तुहक्‍पु खुर नाङसीन, ओहले मिहरो किन्‍ज्‍योगी ज़्‍य़ू-ठिकी योबा ङो़ले ज़्‍य़ू नाङसीन।

१ पत्रुस 4:1

काह-ठि जेती मास्‍यीकागी राहङगी कुसोला तुहक्‍पु खुर नाङबा, ओ़ह ल़ेहमुराङ पेहती ख्‍याया़गीॱआङ ओ़ह ल़ेहमुराङ छ्याप्‍स्‍यीगी सेम्‍बाया़ थो़दोङ, च्‍यिबेमाना का़हन्‍दीगी ज़ुबुला तुहक्‍पु खुर्के, खोगी तिहक्‍पा पेहच्‍ये क्‍युर सिहन्‍ग्‍यो ओहङगे।

१ पत्रुस 5:5

ओ़ह ल़ेहमुराङ पेहती स्‍यारा स्‍यार्माया़, राहङ म़ेदी छ्यिम्‍बु मिहया़गी ओङ चो़ला तेहतोङ। ख्‍या मिह थाम्‍ज्‍यी ङ्याम्‍बु स्‍यिहवा पेहती च्‍यी़गी च्‍यी़ला रो़हराम पेहतोङ। च्‍यिबेमाना छ्य़ेला दि ल़ेहमु सुङ नाङदी येह, “किन्‍ज्‍योगी छ्य़ेन्‍दो तेन्‍गे मिहया़ला टाह जे नाङगे, यिहॱनाङ स्‍यिहवा पेहकें मिहया़ला काटीन नाङगे।”