यूहन्‍ना 13:13 - ह्योल्‍मो

¹³ ख्‍याया़गी ङाहला लोबेन दाङ चो़वो म़ेदी माएँ, ओ़ह ख्‍यागी ठाबेराङ माक्‍यो यिहम्‍बा च्‍यिबेमाना ङाह ओ़हदीॱराङ यिहन।

यूहन्‍ना 13:13 ပူးပေါင်းရင်းမြစ်များ

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

लूका 10:28

ओहले येशूगी, “यिहम्‍बा, ख्‍येगी ठाबेराङ मासीन। ओ़हठीॱराङ पेहतोङ ओहले ख्‍ये थार्च्‍ये येह” म़ेदी ल़ेहन क्‍याहप्‍नाङसीन।

लूका 6:46

“ङाहगी माक्‍यो ल़ेहमुराङ मेहबेसीमाना ख्‍यागी ङाहला च्‍यिबे ‘चो़वो छ्येवा, चो़वो छ्येवा’ म़े तेहकें?

लूका 7:43

ओहजेला सिमोनगी, “पेहलेन माहङबु च्‍याल कोहएँदीगी ला़ह” म़ेदी स्‍युहसीन। “यिहम्‍बा, ख्‍येगी ठाबेराङ मासीन” म़ेदी येशूगी सुङ नाङसीन।

यूहन्‍ना 11:2

ओ़ह मरियमगी लेहमा च्‍यी़ येशूगी स्‍याहपला टिहमा स्‍यिहम्‍बु खाएँगी नुम की़दी राहङगी टागी फी़क्‍यो येहकें, ओहले नेहपा काहल्‍ग्‍यो लाजरसती ओ़ह आज्‍यी-नुहमु ङ्यी़गी नो़ह यिहन्‍गे।

यूहन्‍ना 11:28

ओहजे म़ेदी मार्था खाङबाला लो़ह काहल्‍सीन ओहले मोहती नोहमो मरियमला खाजुम्‍बाला क़े क्‍याहप्‍ती मासीन, “लोबेन लेप नाङसीन, ओहले ख्‍येला लोबेनगी क़े क्‍याहप नाङगेराङ येह।”

यूहन्‍ना 11:3

ओ़ह आज्‍यी-नुहमु ङ्यी़गी येशूला दि ल़ेहमु म़ेदी लेहङगु ताङसीन, “चो़वो, राहङगी चेवा जे नाङग्‍योकी मिह, ताहन्‍दा ने़हदी येहबा।”

१ कोरिन्‍थी 12:3

ओ़ह सोङबे ख्‍याया़गी दि ताम ङोह स्‍ये़ज्‍यु माएँ ङाहगी सेम्‍बा येहबा, किन्‍ज्‍योगी थु लाहमले स्‍याहल सुङगे सुज्‍यीगीॱआङ येशूला मे़मु मेहक्‍याहप्‍कें, ओहले नाम्‍पार-ताहक्‍पा थु लाहमले च्‍यी़राङ “येशूॱराङ चो़वो यिहन” म़ेदी मा ख़ूएँ।

१ कोरिन्‍थी 8:6

यिहॱनाङ ओहराङगी तेहन्‍दालानी किन्‍ज्‍यो याहप च्‍यी़राङ ज़्‍य़ू नाङदी येहबा। मिहरोगीॱराङ थाम्‍ज्‍यीराङ से़हया़ ज़ो नाङसीन। ङ्यिह किन्‍ज्‍योगी तेहन्‍दालाराङ थार्के। ङ्यिहती च्‍यिमे च्‍यी़राङ चो़वो येशू मास्‍यीका ज़्‍य़ू नाङदी येहबा। मिहरो लाहमलेॱराङ थाम्‍ज्‍यी से़हया़ छ्या़सीन। मिहरो लाहमलेॱराङ ङ्यिह थार्के यिहम्‍बा।

एफिसी 6:9

ए ताहक्‍पुया़, ओ़हठीॱराङ पेहती ख्‍याया़गीॱआङ राहङगी योक्‍पुया़ला या़हबु पेहतोङ, ओहले खुङया़ला ज्‍यी़-ङोर माहतेन च्‍यिबेमाना ख्‍या ङ्यिकाराङगी ताहक्‍पु स्‍यिहङगामला ज़्‍य़ू नाङदी येह, ओहले मिहरोगी सुॱलाङ ङ्येम्‍बा-ङ्य़ेहरी जे मेहनाङ।

फिलिप्‍पी 2:11

किन्‍ज्‍योकी ज़िज्‍यिदगी तेहन्‍दाला थाम्‍ज्‍यीगी येशू मास्‍यीकाॱराङ चो़वो यिहन म़ेदी खागी माज्‍ये येह।

फिलिप्‍पी 3:8

तेहम्‍बाराङ माज्‍ये माना मास्‍यीका येशू ङाहती चो़वोला ङोह स्‍य़े ङ्युहङगेन मेलाम तादाङलानी ना थाम्‍ज्‍यीराङ से़हया़ ङाहगी स्‍यिती काम्‍बुलाराङ थोङसीन। मास्‍यीकाला ज्‍योर ख़ूज्‍यु म़ेदी मिहरोगी तेहन्‍दाला ङाहगी रेबेॱराङ से़हया़दी क्‍यी़ह खुर्ती येहबा, ओ़ह रेबेॱराङ से़हया़ ङाहगी तेहन्‍दाला ङ्योहक्‍तोङ यिहम्‍बा।

याकूब 2:19

किन्‍ज्‍योनी च्‍यी़मे च्‍यी़राङ येह म़ेदी ख्‍यागी यिह छ्य़ेगे। ओ़ह या़हबु यिहम्‍बा। ओ़हदीनी ल्‍हेन्‍डीया़गीॱआङ यिह छ्य़ेगे, ओहले ज्‍यी़दी दार्कें!