यूहन्‍ना 13:11 - ह्योल्‍मो

¹¹ च्‍यिबेमाना राहङला सुगी ज़ुङ च्‍य़ूज्‍ये पेहक्‍यो यिहम्‍बा म़ेदी येशूला थुयी़ येहकें। ओ़ह सोङबे येशूगी “ख्‍या थाम्‍ज्‍यीनी चाङमा म़ेहबा” म़ेदी सुङ नाङग्‍यो येहकें।

यूहन्‍ना 13:11 ပူးပေါင်းရင်းမြစ်များ

यूहन्‍ना 13:18

ङाहगी ख्‍या थाम्‍ज्‍यीगी तेहन्‍दाला माक्‍यो मिहम्‍बा, ङाहगी दाम्‍ग्‍योया़ला ङाह ङोह स्‍य़ेएँ। यिहॱनाङ सुङरापगी स्‍याहल तेहन्‍दा डुप च्‍य़ू म़ेदीराङ दि काहल्‍ग्‍यो यिहम्‍बा, ‘ङाह ङ्याम्‍बु खुरा साहएँ मिहराङ ङाहती टा़ह काहल्‍सीन’।

यूहन्‍ना 13:2

ओहले कुहङॱसेगी सोल छ्येकेन्‍गी ती़हजीला ती़ह गो-छ्येवागी सिमोनकी पुह यहूदा इस्‍करियोतकी सेमला येशूला ज़ुङ तेर्केन्‍गी साम्‍लु तोहङलेराङ ल़ू सिहन्‍दी येहकें।

यूहन्‍ना 13:21

दि स्‍याहल सुङ छर फान्‍ज्‍यो येशू ज्‍यिबुराङ थु ङ्युङसीन। ओहले राहङगी स्‍याहप्‍च्‍यीया़ला प्रा साल्‍दी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङले मेहन्‍दा च्‍यी़गी ङाहला ज़ुङ च्‍य़ूज्‍ये येह।”

यूहन्‍ना 13:26

ओहले येशूगी सुङ नाङसीन, “ङाहगी खुरा पा़दी का़हन्‍दीला तेर्कें ओ़हदीॱराङ यिहम्‍बा।” ओहले येशूगी खुरा फेमाज्‍यी पा़दी सिमोनगी पुह यहूदा इस्‍करियोतला नाङसीन।

यूहन्‍ना 17:12

ङाह खुङ ङ्याम्‍बु येहकें थु राहङगी ङाहला नाङग्‍योकी राहङगी छेनला ङाहगी खुङया़ला तेम्‍बु पेहती ज़्‍या़सीन ओहले थार च्‍य़ूसीन। खुङया़ नाहङला तोङदी डो कोहएँगी पुह च्‍यी़ले ल्‍हाक्‍पु लेहमेन सुॱआङ तोङदी माहकाहल, च्‍यिबेमाना सुङरापला प्रुहक्‍योकी स्‍याहल तेहन्‍दा डुपॱराङ कोहच्‍ये येहकें।

यूहन्‍ना 18:4

राहङ थो़ला बाप ओहङगेन केच्‍याया़गी तेहन्‍दाला येशूला तोहङलेराङ थुयी़ येहकें। ओ़ह सोङबे येशू तोहङले फेप्‍ती ओ़ह मिहया़ला टी़ह नाङसीन, “ख्‍यागी सुला छोल्‍ग्‍यो?”

यूहन्‍ना 2:25

मिहरोला मिहगी खोक्‍पा नाहङगी केच्‍याया़ या़हबु पेहती थुयी़ येहकें सोङबे सुज्‍यीगीॱआङ येशूला का़हन्‍दीॱआङ मिहगी तेहन्‍दाला मा कोहबा म़ेहबा येहकें।