Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 13:1 - ह्योल्‍मो

1 थार्पा छ्येपा लेप्‍कें म़ेदी तोहङले दि जाम्‍बुलीङला क्‍युर ज़्‍या़दी याहप्‍च्‍येन आबासाला फेप नाङगे मिहरोगी ती़हजी लेप सिहन्‍सीन माएँ स्‍याहल येशूला थुयी़ येहकें। ओहले जाम्‍बुलीङला येहकेन्‍गी राहङगी मिहया़ला चेवा जे-नाङदी मिहरोगी खुङया़ला तिङस्‍यो ती़हजी थुराङ चेवा जे नाङसीन।

အခန်းကိုကြည့်ပါ။ ကော်ပီ




यूहन्‍ना 13:1
44 ပူးပေါင်းရင်းမြစ်များ  

ओ़ह तिङले येशूगी स्‍याहप्‍च्‍यीया़साला लो़ह फेप्‍ती सुङ नाङसीन, “ख्‍याया़ तोहरोङॱआङ ङ्याहल्‍दी थाङ स़े तेहक्‍यो? त़ेदोङ, मिहगी स़ेबु तिहक्‍च्‍येम्‍बाया़गी लाहक्‍पाला चि क्‍याहप्‍केन्‍गी ती़हजी लेप सिहन्‍दी येह!


ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।


ङ्यिहमा-टाहङमाराङ ङाह ख्‍या ङ्याम्‍बुराङ छ्योखाङगी यिल्‍दोला तेहकेमुनी ख्‍यागी ङाहला माहजु़ङ ले! यिहॱनाङ ता़ह ख्‍याया़गी ल़ेह पेहकेन्‍गी ती़हजी लेप्‍सीन ओहले ता़ह ना़-जुबेगी ओङ पेहकें।”


ओहले येशू स्‍यिहङगामला फेप्‍कें ती़हजी लेप्‍च्‍ये पेह फान्‍ज्‍यो येशू यरूशलेम ङो़ले थाक-ताङदी फेप नाङसीन।


यहूदीया़की थार्पा छ्येपा लेप्‍च्‍ये पेहती येहकें। ओ़ह सोङबे युहल युहलगी मिहया़ माहङबुराङ राहङ-राहङला चाङमा ज़ोज्‍ये म़ेदी थार्पा छ्येपा छ़ूगे म़ेदी तोहङलेराङ यरूशलेमला काहल्‍सीन।


येशूगी खुङया़ला सुङ नाङसीन, “ता़ह मिहगी स़ेबुकी ज़िज्‍यिद ओहङगेन्‍गी ती़हजी लेप सिहन्‍दी येह।


टाङगाकी खुमा यहूदा ङ्याम्‍बु येहकें सोङबे लाहलागी येशूगी खोला छ्येपागी तेहन्‍दाला कोहकें से़हया़ च्‍यिरा ङ्योहज्‍येला ताङग्‍यो यिहन्‍डो म़ेदी ऩेसीन ओहले लाहलागीती प्राङबुया़ला च्‍यिरा तेर्च्‍येला ताङग्‍यो यिहन्‍डो म़ेदी ऩेसीन।


याहपगी थाम्‍ज्‍यीराङ से़हया़ मिहरोगी छ्या़ला नाङदी येह, ओहले मिहरो किन्‍ज्‍यो लाहमलेॱराङ फेप नाङग्‍यो यिहम्‍बा, ओहले किन्‍ज्‍यो सालाराङ फेप नाङगेराङ येह माएँ स्‍याहल येशूला थुयी़ येहकें।


ता़ह ङाह ख्‍याया़ला का साम्‍बा च्‍यी़ तेर्कें ख्‍याया़ च्‍यी़गी च्‍यी़ला चेवा पेहतोङ। ङाहगी ख्‍याया़ला काह-ठि पेहती चेवा पेहक्‍यो येहबा ओ़ह ल़ेहमुराङ पेहती ख्‍याया़गीॱआङ च्‍यी़गी च्‍यी़ला चेवा पेहतोङ।


ङाहगी ख्‍याया़ला ‘ङाह डोॱराङ येह, ओहले ख्‍यासाला ओहङगे’ म़ेदी माक्‍यो ख्‍याया़गी थ़े सिहन्‍दी येहबा। ख्‍याया़गी ङाहला चेवा पेहक्‍यो यिहनानी ङाह याहप्‍च्‍येन आबासाला डोॱराङ येह माएँ थे़गेमु ख्‍या क़ेहनाङ पेहच्‍ये येहकें, च्‍यिबेमाना याहप ङाह म़ेदी चा़ छ्यिम्‍बु ज़्‍य़ू नाङदी येह।


यिहॱनाङ ङाह याहपला चेवा पेहकें माएँ ताम मिह थाम्‍ज्‍यीगी ङोह स्‍य़े ख़ूज्‍यु म़ेदी ङाह याहपकी काया़ ची़गेनॱराङ येहबा। ता़ह लाहङदोङ, ओहराङ दि ग्‍या़ले डोएँ।”


ङाह याहप लाहमले दि जाम्‍बुलीङला ओहङसीन, ओहले ता़ह येहपाराङ ङाह दि जाम्‍बुलीङला क्‍युर ज़्‍या़दी याहप्‍च्‍येन आबासाला डोॱराङ येह।”


दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।


ङाह दि जाम्‍बुलीङती मिहन ओ़हठीॱराङ पेहती खुङॱआङ दि जाम्‍बुलीङदी मिहन।


राहङगी ङाहला जे नाङग्‍योकी चेवा खुङ ङ्याम्‍बुॱआङ लिहच्‍यु ओहले ङाह खुङ ङ्याम्‍बु तेह ख़ूज्‍यु म़ेदी याहपला ङाहगी खुङया़गी पाहरक्‍यीला ङोह स्‍य़े च्‍य़ूदी येह ओहले तोहरोङॱआङ ङोह स्‍य़े च्‍य़ूगेनॱराङ येह।”


ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।


राहङ थो़ला बाप ओहङगेन केच्‍याया़गी तेहन्‍दाला येशूला तोहङलेराङ थुयी़ येहकें। ओ़ह सोङबे येशू तोहङले फेप्‍ती ओ़ह मिहया़ला टी़ह नाङसीन, “ख्‍यागी सुला छोल्‍ग्‍यो?”


ता़हनी ङाहती ल़ेह थाम्‍ज्‍यीराङ सिहन्‍सीन म़ेदी येशूला थुयी़ ओहङ फान्‍ज्‍यो सुङरापला सुङ नाङग्‍योकी स्‍याहलया़ ऱेह-ऱेह पेहती तेहन्‍दा डुप ख़ूज्‍यु म़ेदी येशूगी, “ङाह खा कोम्‍सीन” म़ेदी सुङ नाङसीन।


यहूदीया़गी थार्पा छ्येपा लेप्‍च्‍ये पेहती येहकें, ओहले येशू यरूशलेमला फेप नाङसीन।


ओहजे काहङला यहूदीया़की थार्पा छ्येपा लेप्‍च्‍ये पेहती येहकें।


ओ़ह सोङबे खुङया़गी येशूला ज़ुङज्‍ये छोल्‍सीन, यिहॱनाङ सुज्‍यीगीॱआङ येशूला लाहक्‍पा माहक्‍याहप, च्‍यिबेमाना येशूकी ती़हजी तोहरोङॱआङ लेप्‍ती म़ेहबा येहकें।


येशूगी खुङया़ला सुङ नाङसीन, “ङाहगी ती़हजी ताहन्‍दा लेप्‍ती म़ेह। यिहॱनाङ ख्‍याया़गी तेहन्‍दालानी का़हन्‍दी ती़हजी माॱनाङ ठाबेराङ येहबा।


दि स्‍याहल येशूगी छ्योखाङला डेल्‍बा फुल्‍गेन्‍गी काहम येहकेन ग्‍या़ला लोप नाङगेमु सुङ नाङसीन। ओहले येशूला सुज्‍यीगीॱआङ माहजु़ङ, च्‍यिबेमाना येशूगी ती़हजी तोहरोङॱआङ माहलेप येहकें।


यिहॱनाङ ङ्यिहला चेवा जे नाङगे मास्‍यीका लाहमले ङ्यिह दि थाम्‍ज्‍यीला क्‍याहल्‍दी येह।


ओहराङ चो़वो येशू मास्‍यीका फेप नाङगे ङ्यिहमु ख्‍या ङ्य़ेहबा-छ्यू़बा म़ेहबा ओहङज्‍यु म़ेदी मिहरोगीॱराङ ख्‍याला तिङस्‍यो ङ्यिहमा थु थिक-चि पेहती ज़्‍या़ नाङज्‍ये येह।


तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।


यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।


दि ल़ेहमु सेम्‍बा ख्‍याया़दी तिङ थुराङ ओहङज्‍यु ओहले ख्‍याया़गी रेहवा तेहन्‍दा डुप्‍च्‍ये येह दिराङ ङ्यिहती सेम्‍बा यिहम्‍बा।


ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।


तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।


ओहले यिह-छ्य़ेबु पाङबु दाङ टोहङग्‍योलेगी सोम्‍बो ज़्‍याङ नाङगेया़ला तोहङस्‍यो ज़्‍याङ नाङगे जाम्‍बुलीङकी क्‍याहल्‍बुया़गी क्‍याहल्‍बु, येशू मास्‍यीका लाहमलेॱआङ ख्‍याया़ला काटीन दाङ स्‍य़िहदे ओहङज्‍यु। ओहराङला चेवा जे नाङगे येशू मास्‍यीकागी मिहरो राहङगी ठा़ लाहमले ओहराङला तिहक्‍पालेगी खा फे़ नाङदी येह।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ