यूहन्‍ना 12:49 - ह्योल्‍मो

⁴⁹ च्‍यिबेमाना ङाहगी राहङ लाहमलेनी च्‍यिॱआङ ताम मा़हमे, यिहॱनाङ ङाहगी च्‍यि मा कोहकें यिहम्‍बा, ओहले काह-ठि पेहती मा कोहएँ यिहम्‍बा, ओ़ह ङाहला ताङ नाङगेन याहप राहङगीराङ ङाहला का नाङग्‍यो यिहम्‍बा।

यूहन्‍ना 12:49 ပူးပေါင်းရင်းမြစ်များ

यूहन्‍ना 14:10

ङाह याहप ङ्याम्‍बु येह, ओहले याहप ङाह ङ्याम्‍बु ज़्‍य़ू नाङदी येह म़ेदी च्‍यि ख्‍ये यिह मे़हछ्येगे? ख्‍याया़ला माक्‍यो ताम ङाहगी राहङगीराङ जे़दी माक्‍यो मिहन। ङाह ङ्याम्‍बु ज़्‍य़ू नाङगे याहपगी राहङगी छ्या़लेया़ ङाह लाहमले जे नाङगेराङ येह।

यूहन्‍ना 14:24

ङाहला चेवा मेहबेगेन्‍दीगी ङाहगी माक्‍योकी ताम मिहङ्यीहन्‍गे। ख्‍याया़गी थे़क्‍यो दि तामया़ ङाहती मिहन, यिहॱनाङ ङाहला ताङ नाङगे याहपती यिहम्‍बा।

यूहन्‍ना 14:31

यिहॱनाङ ङाह याहपला चेवा पेहकें माएँ ताम मिह थाम्‍ज्‍यीगी ङोह स्‍य़े ख़ूज्‍यु म़ेदी ङाह याहपकी काया़ ची़गेनॱराङ येहबा। ता़ह लाहङदोङ, ओहराङ दि ग्‍या़ले डोएँ।”

यूहन्‍ना 15:15

ता़ह यिहन्‍ज्‍यु ङाह ख्‍याया़ला योक्‍पु मेहमाएँ, च्‍यिबेमाना ताहक्‍पुगी च्‍यि पेहकें ओ़हदी योक्‍पुगी क्‍यी़ह मेहन्‍ज्‍योर्कें। यिहॱनाङ ङाहगी ख्‍याया़ला रो़ह मा सिहन्‍दी येह, च्‍यिबेमाना ङाहगी ङाहती याहप लाहमले थे़क्‍योगी थाम्‍ज्‍यीराङ तामया़ ख्‍याया़ला स्‍य़े सिहन्‍दी येह।

यूहन्‍ना 17:8

च्‍यिबेमाना राहङगी ङाहला नाङग्‍योकी सुङदेन ङाहगी खुङया़ला तेर्ती येह, ओहले खुङया़गी ओ़ह सुङदेन ची़दे येह। ङाह तेहम्‍बाराङ याहप-साले ओहङग्‍यो यिहन म़ेदी खुङया़गी या़हबु पेहती ङोह स्‍ये़दे येह। ओहले याहपगीॱराङ ङाहला ताङ नाङग्‍यो यिहन म़ेदी खुङया़गी यिह छ्य़ेदी येह।

यूहन्‍ना 3:11

तेहम्‍बाराङ ङाह ख्‍येला माएँ, ङ्यिहगी च्‍यि ङोह स्‍य़ेगे ओ़हदीॱराङ माएँ, ओहले ङ्यिहगी च्‍यि थोङग्‍यो येहबा ओ़हगी तेहन्‍दाला पाङबु तेर्के, यिहॱनाङ ख्‍याया़गी ङ्यिहगी तेरक्‍यो पाङबुला ची़नाङ मेहबेएँ दु।

यूहन्‍ना 3:32

मिहरोगी राहङगी ज़ी़क्‍यो दाङ सेन्‍ग्‍योगी स्‍याहलया़ॱराङ सुङ नाङगे। यिहॱनाङ मिहरोगी सुङ नाङग्‍यो स्‍याहलला सुज्‍यीगीॱआङ यिह मे़हछ्येएँ।

यूहन्‍ना 5:19

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, स़ेबु राहङगीनी च्‍यिॱआङ पेह मी़हखुएँ, यिहॱनाङ याहपगी च्‍यि जे नाङग्‍यो थोङगे ओ़ह च्‍यी़राङ पेहकें, च्‍यिबेमाना याहपगी च्‍यि जे नाङगे, स़ेबुगीॱआङ ओहराङ पेहकें।

यूहन्‍ना 5:30

“ङाह राहङगीनी च्‍यिॱआङ पेह मी़हखु, काह-ठि ङाहगी थे़गे, ओ़हठीॱराङ ङाह ठिम ताङगे, ओहले ङाहगी ताङग्‍यो ठिम ठाबे सी़हजे येह, च्‍यिबेमाना ङाह राहङगी सेमला ने़क्‍यो ल़ेहमु मिहम्‍बा, यिहॱनाङ ङाहला ताङ नाङगेन याहपकी थुला ठुङग्‍यो ल़ेहमुराङ ल़ेह पेहकें।”

यूहन्‍ना 6:68

ओहजेला सिमोन-पत्रुसकी मासीन, “ओ़ चो़वो ला़ह, ङ्यिह सु साला डोज्‍ये? था़ म़ेहबागी मिहली ज़ाङबु नाङगेन्‍गी सुङनी राहङ ङ्याम्‍बुराङ येहबा।

यूहन्‍ना 7:16

ओहले येशूगी खुङया़ला ल़ेहन क्‍याहप्‍ती सुङ नाङसीन, “ङाहगी सुङदेन ङाहती मिहन, यिहॱनाङ दि सुङदेन ङाहला ताङ नाङगेन किन्‍ज्‍योदी यिहम्‍बा।

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”

यूहन्‍ना 8:28

ओ़ह सोङबे येशूगी सुङ नाङसीन, “ख्‍याया़गी मिहगी स़ेबुला क्‍या़दी क्‍याहङस्‍यीङला च्‍याङ फान्‍ज्‍यो, ङाह ओ़हदीॱराङ यिहन म़ेदी ख्‍याया़गी ह्‍अ कोहज्‍ये येह, ओहले ङाह राहङ ओङगी नि च्‍यिॱआङ पेह मी़हखु, यिहॱनाङ याहपगी लोप नाङग्‍योकी स्‍याहलया़ च्‍यी़राङ माएँ म़ेदी ख्‍याया़गी ङोह स्‍ये़ज्‍ये येह।

यूहन्‍ना 8:42

येशूगी खुङया़ला सुङ नाङसीन, “तेहम्‍बाराङ, ख्‍यागी याहप किन्‍ज्‍यो यिहन्‍गे यिहनानी ख्‍याया़गी ङाहला चेवा पेहच्‍ये येहकें, च्‍यिबेमाना ङाह किन्‍ज्‍यो लाहमले थेन्‍दी ओहङसीन ओहले ङाह ताहन्‍दा देला येहबा। ङाहला ओहङज्‍ये सेम क़ेदी ङाह ओहङग्‍यो मिहन, यिहॱनाङ याहपगी ङाहला ताङ नाङसीन।

ज्‍याल्‍गा 1:1

दि छ्य़ेकी केच्‍या येशू मास्‍यीकागी तेन नाङग्‍यो यिहम्‍बा। राहङ स्‍याहप्‍च्‍यीया़गी ग्‍यो़बाराङ बाप ओहङज्‍ये पेहक्‍यो केच्‍याया़गी तेहन्‍दाला ङोह स्‍य़े ख़ूज्‍यु म़ेदी किन्‍ज्‍योगी येशूला दि ज्‍याल्‍गा नाङग्‍यो येहकें। येशूगी दि केच्‍या प्रा साल नाङज्‍येला स्‍यिहङगामकी स्‍याहप्‍च्‍यी च्‍यी़ला राहङला स्‍याहप्‍तो स्‍युएँगी यूहन्‍नासाला ताङ नाङसीन।