यूहन्‍ना 12:47 - ह्योल्‍मो

⁴⁷ सुगी ङाहती ताम ङ्यिहन्‍गे, ओहले ओ़ह मी़हचीगे, ङाह खोला ठिम मेहताङ। च्‍यिबेमाना ङाह जाम्‍बुलीङला ठिम ताङज्‍येला ओहङग्‍यो मिहन, यिहॱनाङ जाम्‍बुलीङला थार च्‍य़ूज्‍येला ओहङग्‍यो यिहम्‍बा।

यूहन्‍ना 12:47 ပူးပေါင်းရင်းမြစ်များ

मत्ती 18:10

“जेम्‍बु पेहतोङ, दि फेमा पेहजाया़ का़हन्‍दीॱलाङ ख्‍याया़गी ङ्येन्‍ज्‍येन माहबे। ङाह ख्‍याया़ला माएँ, खुङया़ला ताएँगी स्‍यिहङगामकी स्‍याहप्‍च्‍यीया़ स्‍यिहङगामला ज़्‍य़ू नाङगे ङाहगी किन्‍ज्‍यो याहपकी दिनलाराङ येह।

मत्ती 18:11

[च्‍यिबेमाना मिहगी स़ेबु तोरक्‍योया़ला थार च्‍य़ूज्‍येला ओहङग्‍यो यिहम्‍बा।”]

मत्ती 20:28

ओ़ह ल़ेहमुराङ मिहगी स़ेबुॱआङ लेहमेनलेगी स्‍याहप्‍तो ज्‍योर्च्‍येला मिहम्‍बा, यिहॱनाङ लेहमेनला स्‍याहप्‍तो स्‍य़ूहज्‍येला ओहले मिह माहङबुलाराङ थार्पा नाङज्‍ये दाङ राहङगी कुसोॱराङ नाङज्‍येला फेप नाङसीन।”

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

लूका 9:56

ओहले येशू स्‍याहप्‍च्‍यीया़ ङ्याम्‍बु लेहमेन युहलला फेप नाङसीन।

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

यूहन्‍ना 3:17

च्‍यिबेमाना किन्‍ज्‍योगी जाम्‍बुलीङला ङ्य़ेहबा फो़ च्‍य़ूज्‍ये म़ेदी स़ेबुला दि जाम्‍बुलीङला ताङ माहनाङ यिहॱनाङ जाम्‍बुलीङ मिहरो लाहमले थार ख़ूज्‍यु म़ेदी स़ेबुला दि जाम्‍बुलीङला ताङ नाङसीन।

यूहन्‍ना 5:45

ङाहगी ख्‍याया़ला याहपकी दिनला फातुर च़ूगे म़ेदी ख्‍याया़गी सेमला मा़हने। ख्‍याया़गी रेहवा पेहक्‍योगी मोशागीराङ ख्‍याया़ला फातुर च़ूज्‍ये येह।

यूहन्‍ना 8:26

ख्‍याया़गी तेहन्‍दाला ताम मा कोहच्‍ये दाङ ठिम ताङ कोहज्‍ये नि माहङबुराङ येह। यिहॱनाङ ङाहला ताङ नाङगेन्‍दी तेहम्‍बा ज़्‍य़ू नाङदी येह, ओहले मिहरो लाहमले ङाहगी च्‍यि थे़बा ओ़ह तामया़ॱराङ ङाह जाम्‍बुलीङला स्‍येकें।”

२ पत्रुस 3:15

चो़वोगी ख्‍येला तिहक्‍पालेगी थार्केन्‍गी लोहङ नाङगेमु मिहरोगी काहजे ना़स्‍यीङ छ्यिम्‍बु जे नाङबा ओ़ह टेहम्‍बा सोल। ओहराङगी ज्‍यिबुराङ च्‍याहम्‍बु नो़ह पावलगीॱआङ किन्‍ज्‍यो लाहमले ज्‍योरक्‍योकी रिहक्‍स्‍यी लाहमलेॱराङ दि थाम्‍ज्‍यी ख्‍याया़ला प्रुहक्‍यो येहकें।

१ यूहन्‍ना 4:14

किन्‍ज्‍यो याहपगी राहङगी स़ेबुला जाम्‍बुलीङला थार्पा नाङज्‍येला ताङ नाङग्‍यो ङ्यिहगी थोङसीन ओहले ताहन्‍दा ङ्यिह दिगी पाङबु तेर्के।