यूहन्‍ना 12:43 - ह्योल्‍मो

⁴³ खुङया़गी किन्‍ज्‍यो लाहमले म़ेदीॱआङ मिहया़गी क्‍या़क्‍योदी या़हबु ने़उ येहकें।

यूहन्‍ना 12:43 ပူးပေါင်းရင်းမြစ်များ

मत्ती 6:2

“ओ़ह सोङबे ख्‍याया़गी मिहया़ला च्‍यिॱआङ तेर्केमु रोहवा-लीङ माहफु, दि ल़ेहमुनी यिहन्‍दो तेन्‍गे मिहया़गी गा छो़खाङ दाङ लाहमया़ला मिहया़गी या़हबु माज्‍यु म़ेदी पेहकें। तेहम्‍बाराङ ङाह ख्‍याया़ला माएँ, खुङया़गी राहङगी च्‍याहगा ज्‍योर सिहन्‍दी येह।

लूका 16:15

ओहले येशूगी सुङ नाङसीन, “ख्‍याया़ मिहगी दिनला टाहङबु तेन्‍ज्‍येनी छोल्‍गु दु, यिहॱनाङ किन्‍ज्‍योगी ख्‍याया़गी सेम ङोह ख्‍येन्‍गे। मिहगी चा़ पेहक्‍यो से़हया़ला किन्‍ज्‍योगी नाम्‍दो जे नाङगे।

लूका 19:17

ओहले क्‍याहल्‍बुगी, ‘ख्‍येगी या़हबु पेहसीन ख्‍ये ज्‍यिबुराङ या़हबु योक्‍पु दुबा! ख्‍ये ल़ेह फेमाज्‍यीॱलाङ यिह-छ्य़ेबु ओहङ ख़ूसीन, ता़ह ख्‍येगी क्‍याहसा च्‍यु थो़ला ओङ छ्य़े ङ्युहङज्‍ये येह’ म़ेदी मासीन।

यूहन्‍ना 12:26

ङाहला स्‍याहप्‍तो स्‍युहज्‍ये छोल्‍गेन्‍दी ङाहला तिङ ङ्या़ कोहएँ। ओहले ङाह का़हला येहबा, ओ़हला ङाहला स्‍याहप्‍तो स्‍युहएँया़ॱआङ ओहङज्‍ये येह। ङाहती याहपगी ङाहला स्‍याहप्‍तो स्‍युहएँया़ला चा़ जे नाङज्‍ये येह।”

यूहन्‍ना 5:41

“ङाहला मिहया़गी ची़नाङ पेहच्‍यु माएँ ङाहती सेम्‍बा म़ेह।

यूहन्‍ना 5:44

ओहले ख्‍या राहङ नाहङदोङराङ च्‍यी़गी च्‍यी़ ङ्याम्‍बु ची़नाङ छोल्‍गु दु यिहॱनाङ च्‍यिमे च्‍यी़राङ ज़्‍य़ू नाङगेन किन्‍ज्‍यो लाहमले ओहङगेन्‍गी ची़नाङला मेहछोल्‍सीमाना ख्‍यागी काह-ठि पेहती यिह-छ्य़े ख़ूज्‍ये ले?

यूहन्‍ना 7:18

का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

यूहन्‍ना 8:54

ओहले येशूगी सुङ नाङसीन, “का़हलेॱआङ ङाहगी राहङगी राहङलाराङ क्‍या़ज्‍ये छोल्‍सीन माना ओ़ह स्‍यिती काम्‍बु डोएँ। ङाहला क्‍या़ नाङगेन्‍दीनी याहपॱराङ यिहन। ओहले ओ़ह याहपलाराङ ख्‍यागी ‘ङ्यिहती किन्‍ज्‍यो’ म़ेदी माएँ।

रोमी 2:29

नाहङ ज़ोप्‍तागी च्‍यी़राङ तेहन्‍दामकी यहूदी ओहङ ख़ूएँ, ओहले तेहन्‍दामकी स्‍या-ताकती सेम नाहङगी ताम यिहम्‍बा, दि यिहक्‍तेन ताम यिहम्‍बा, प्रुहक्‍यो छ्य़े-ठिमकी ताम मिहम्‍बा। दि ल़ेहमु मिहला मिहया़गी मिहम्‍बा किन्‍ज्‍योगी च्‍यी़राङ या़हबु सुङदी क्‍या़ नाङगे।

रोमी 2:7

या़हबु ल़ेहया़ पेहती ज़िज्‍यिद, चा दाङ था़ म़ेहबाकी मिहली ज़ाङबु छोल्‍गेया़ला किन्‍ज्‍योगी था़ म़ेहबाकी मिहली ज़ाङबु नाङज्‍ये येह।

१ कोरिन्‍थी 4:5

ओ़ह सोङबे किन्‍ज्‍योकी ठाबे जे नाङग्‍योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्‍ती तेहक्‍योकी से़हया़ क्‍या-साङेला नोम फेन नाङज्‍ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्‍ये येह। ओ़ह ती़हजीला मिह थाम्‍ज्‍यीगी राहङगी ज्‍योर कोहएँकी स्‍याबास किन्‍ज्‍यो लाहमले ज्‍योर्च्‍ये येह।

२ कोरिन्‍थी 10:18

च्‍यिबेमाना सुज्‍यीगी “ङाह मिह या़हबु यिहन म़ेदीमाॱराङ खो मिह या़हबु डोएँ मिहम्‍बा।” यिहॱनाङ चो़वोगी या़हबु सी़हक्‍यो मिह च्‍यी़राङ या़हबु यिहम्‍बा।

१ थेसलोनिकी 2:6

मास्‍यीकाकी ल़ेह-पेन यिहन्‍गे सोङबे ङ्यिहगी ख्‍या फ़ेबे-म़ेहमेॱया थो़ला ओङ छ्य़े ख़ूज्‍ये येहकें। यिहॱनाङ ङ्यिहला मिहया़गी ची़नाङ पेहच्‍यु म़ेदी ङ्यिहगी माहछोल, ख्‍या लाहमलेॱआङ छोल्‍दी म़ेह ओहले लेहमेन मिह लाहमलेॱआङ छोल्‍दी म़ेह।

१ पत्रुस 3:4

यिहॱनाङ ख्‍यागी नाहङ सेमदी या़हबु ओहङ कोहकें, ओ़ह नाहमॱआङ याहल्‍दी मेहन्‍डोएँ ङ्येम्‍ज्‍युङ दाङ स्‍य़िहदेकी केहन्‍ज्‍याया़गी राहङगी सेम ज़ाप कोहएँ यिहम्‍बा ओ़ह किन्‍ज्‍योगी ज़ी़लुला ज्‍यिबुराङ रिहन केहपु येहबा।