यूहन्‍ना 12:41 - ह्योल्‍मो

⁴¹ यशैयागी दि स्‍याहल सुङ नाङसीन, च्‍यिबेमाना यशैयागी येशूगी ज़िज्‍यिद थोङसीन, ओहले मिहरोगी तेहन्‍दाला सुङ नाङसीन।

यूहन्‍ना 12:41 ပူးပေါင်းရင်းမြစ်များ

लूका 24:27

ओहले मोशा दाङ थाम्‍ज्‍यीराङ लुहङतेम्‍बाया़गी सुङरापला येशूगी तेहन्‍दाला प्रुहक्‍योगी केच्‍या खुङया़ला ह्‍अ कोह च्‍य़ू नाङसीन।

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 1:18

किन्‍ज्‍योला सुगीॱआङ नाहमॱआङ थोङदी म़ेह, यिहॱनाङ किन्‍ज्‍यो याहप ङ्याम्‍बु ज़्‍य़ू नाङगेन च्‍यिमे च्‍यी़राङ स़ेबु किन्‍ज्‍योगी मिहरोला तेन नाङदी येह।

यूहन्‍ना 14:9

येशूगी खोला सुङ नाङसीन, “फिलिप, ओहजे ङ्यिहमा थु ङाह ख्‍या ङ्याम्‍बु तेहतीॱआङ तोहरोङॱआङ ख्‍येगी ङाहला ङोह मा़हस्‍येबा? ङाहला थोङगेन्‍दीगी याहपलाॱआङ थोङ सिहन्‍दी येह। ओ़ह सोङबे ख्‍ये ‘ङ्यिहला याहप तेन नाङदोङ’ म़ेदी काह-ठि पेहती मा ख़ूएँ?

यूहन्‍ना 5:39

ख्‍यागी सुङरापला था़ म़ेहबा मिहली ज़ाङबु ज्‍योर्के म़ेदी सुङराप लोङदीनी ताएँ। ङाहगी तेहन्‍दाला पाङबु तेर्केन्‍दी ओ़ह सुङरापॱराङ यिहन।

ल़ेह-पेन 10:43

येशूला यिह-छ्य़े पेहकें मिहया़गी येशूगी छेनला तिहक्‍पा ता़हज्‍ये येह म़ेदी थाम्‍ज्‍यी लुहङतेम्‍बाया़गी येशूगी तेहन्‍दाला स्‍येती येह।”

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

हिब्रू 1:3

मास्‍यीकागी किन्‍ज्‍योकी ज़िज्‍यिदकी क्‍या-साङे तेन नाङगे ओहले मास्‍यीकाॱराङ किन्‍ज्‍योकी तेहम्‍बा-तेहन्‍सुम ङ्य़ेहरी यिहम्‍बा। ओहले मिहरोगी वाङज्‍या छ्यिम्‍बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्‍पालेगी कोहङदा नाङगेन्‍गी छ्या़ले छार फान्‍ज्‍यो मिहरो वाङज्‍या छ्यिम्‍बु नोम्‍गेन किन्‍ज्‍योकी योबा ङो़ले ज़्‍य़ू नाङसीन।

१ पत्रुस 1:11

लुहङतेम्‍बाया़गी दि काह-ठि पेहती ओहले नाहम ओहङगे यिहम्‍बा म़ेदी ङोह स्‍ये़ज्‍ये छोल्‍ग्‍यो येहकें। खुङ नाहङला येहकेन्‍की मास्‍यीकाकी थुगी मास्‍यीकाकी तुहक्‍पुया़ दाङ ओ़ह तिङले ओहङगेन ज़िज्‍यिदकी तेहन्‍दाला तोहङलेराङ खुङया़ला तेन नाङग्‍यो येहकें।

ज्‍याल्‍गा 19:10

ओहले ओ़ह स्‍यिहङगामकी स्‍याहप्‍च्‍यीला छ्या़ छाल्‍ज्‍येला ङाह मिहरोगी स्‍याहपला खेप्‍चु क्‍याहप्‍सीन। यिहॱनाङ मिहरोगी ङाहला दि ल़ेहमु सुङ नाङसीन, ख्‍येगी ङाहला दि ल़ेहमु पेहच्‍ये मेहयोहङगे। ङाहॱआङ येशूगी तेहन्‍दाला पाङबु तेर्केन्‍गी ख्‍ये दाङ ख्‍येगी नो़हया़ ङ्याम्‍बु-ङ्याम्‍बुराङकी रो़ह दाङ योक्‍पुज्‍यीराङ यिहम्‍बा। किन्‍ज्‍योला छ्या़ छाल्‍दोङ! च्‍यिबेमाना चो़वो येशू मास्‍यीकागी तेन नाङग्‍यो तेहन्‍दामगीॱराङ लुहङतेम्‍बाया़ला स्‍युक क्‍ये च्‍य़ूएँ।