यूहन्‍ना 12:36 - ह्योल्‍मो

³⁶ ओ़ह सोङबे क्‍या-साङे ख्‍याया़ ङ्याम्‍बु येहकेमुराङ ख्‍यागी ओ़हदीला यिह छ्य़ेदोङ ओहले ख्‍या क्‍या-साङेगी छार्क्‍यीन ओहङज्‍ये येह।” दे़ज्‍ये सुङदी येशू ओ़ह ग्‍या़ले फेप नाङसीन ओहले खुङ यिहन्‍ज्‍यु यिहप्‍ती ज़्‍य़ू नाङसीन।

यूहन्‍ना 12:36 ပူးပေါင်းရင်းမြစ်များ

मत्ती 21:17

ओहले येशू खुङया़ला क्‍युर ज़्‍या़दी क्‍याहसाले थेन्‍दी बेथानिया माएँ युहलला फेप नाङसीन ओहले नुहङमु ओ़हलाराङ ज़्‍य़ू नाङसीन।

मत्ती 5:14

“ख्‍याया़ जाम्‍बुलीङगी येहसेर यिहम्‍बा। काहङदोला ज़ोक्‍योगी क्‍याहसा यिहप मी़हखुएँ।

लूका 16:8

“दि केच्‍या क्‍यी़ह ज्‍योर फान्‍ज्‍यो ओ़ह ताहक्‍पुगी टाहङदेन म़ेहबागी गोबालाती टिहम्‍दाङला क्‍या़सीन च्‍यिबेमाना दि जाम्‍बुलीङगी मिहया़ राहङगी रो़हया़ ङ्याम्‍बु पेहकेन्‍गी डोलु-तेहलुला क्‍या-साङेगी छार्क्‍यीनया़ म़ेदीॱआङ माहङबु टिहम्‍बु ओहङगे।”

यूहन्‍ना 1:7

खो लाहमले मिह थाम्‍ज्‍यीगी यिह-छ्य़े ख़ूज्‍यु म़ेदी ओ़ह येहसेरकी तेहन्‍दाला प्रा-साल्‍ज्‍येला खो पाङबु पेहती ओहङसीन।

यूहन्‍ना 11:54

ओ़ह सोङबे येशू येहपाराङ यहूदीया़की पाहरक्‍यीला मिहया़गी थोङदाङला फार छुर कोरा क्‍याहप माहनाङ। यिहॱनाङ येशू ओ़ह ग्‍या़ले रिह काम्‍बु पोहला येहगेन्‍गी एफ्राइम माएँ क्‍याहसाला फेप नाङसीन ओहले येशू राहङगी स्‍याहप्‍च्‍यीया़ ङ्याम्‍बु ओ़हलाराङ ज़्‍य़ू नाङसीन।

यूहन्‍ना 12:37

येशूगी खुङया़गी दिनला ओहजे माहङबु याहम्‍जेन छ्येवागी छ्या़लेया़ जे नाङदीॱआङ खुङया़गी येशूला यिह मा़हछ्ये।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 3:21

यिहॱनाङ तेहन्‍दामगी स्‍याहल ङ्यिहन्‍गेन मिहदी क्‍या-साङेला ओहङगे ओहले दि ल़ेहमु पेहती खोगी पेहक्‍योगी ल़ेहया़ थाम्‍ज्‍यीराङ किन्‍ज्‍यो लाहमले पेहक्‍यो यिहन माएँ ताम छ्यिसाल-नाहङसाल थोङ ख़ूएँ।”

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

यूहन्‍ना 8:59

ओ़हजेलाराङ खुङगी येशूला क्‍याहप्‍च्‍ये म़ेदी तोह तुहसीन, यिहॱनाङ येशू खाजुम्‍बाला छ्योखाङले थेन्‍दी फेप नाङसीन।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।

१ थेसलोनिकी 5:5

च्‍यिबेमाना ख्‍या फे़बे-मे़हमे थाम्‍ज्‍यी ङ्यिहमा दाङ क्‍या-साङेकी छार्क्‍यीनया़ यिहम्‍बा। ओहराङ नुहप दाङ ना़-जुबेगी छार्क्‍यीनया़ मिहम्‍बा।

१ थेसलोनिकी 5:8

यिहॱनाङ ओहराङदी ङ्यिहमागी छार्क्‍यीन यिहन्‍गे सोङबे ओहराङ जेम्‍बु पेह कोहकें। ओहराङगी तेहपा दाङ चेवाकी कू़हगे स़ेह प्राहङगोला केहन कोहकें ओहले स्‍याहमु ल़ेहमु पेहती थार्पाकी रेहवाला केहन कोहकें।