यूहन्‍ना 12:35 - ह्योल्‍मो

³⁵ येशूगी खुङया़ला सुङ नाङसीन, “क्‍या-साङे तोहरोङॱआङ तोबा थु ख्‍याया़गी पाहरक्‍यीलाराङ तेहच्‍ये येह। क्‍या-साङे ख्‍या ङ्याम्‍बु लिहकें थु राहङगी लाहमला स्‍य़ूहदोङ मिहन्‍सीमाना ना़-जुबेगी ख्‍याया़ला उप्‍च्‍ये येह। ना़-जुबेला डोएँया़गी राहङ का़हला डोॱराङ येहबा म़ेदी क्‍यी़ह मेहन्‍ज्‍योर्कें।

यूहन्‍ना 12:35 ပူးပေါင်းရင်းမြစ်များ

लूका 18:37

ओहले मिहया़गी, “नासरतकी येशू फेप्‍कु दु” म़ेदी मासीन।

यूहन्‍ना 11:10

यिहॱनाङ कुहङमु डोएँया़ नार्तो क्‍याहप्‍कें च्‍यिबेमाना कुहङमुनी खो ङ्याम्‍बु क्‍या-साङे मेहयोहङगे।”

यूहन्‍ना 11:9

येशूगी सुङ नाङसीन, “ङ्यिहमाला छ्युजी च्‍यिङ्यी़ ओहङगे, मिहम्‍बा ले? ङ्यिहमाला डोएँया़ नार्तो मेहक्‍याहप्‍कें च्‍यिबेमाना खोगी जाम्‍बुलीङकी येहसेर थोङगे।

यूहन्‍ना 12:36

ओ़ह सोङबे क्‍या-साङे ख्‍याया़ ङ्याम्‍बु येहकेमुराङ ख्‍यागी ओ़हदीला यिह छ्य़ेदोङ ओहले ख्‍या क्‍या-साङेगी छार्क्‍यीन ओहङज्‍ये येह।” दे़ज्‍ये सुङदी येशू ओ़ह ग्‍या़ले फेप नाङसीन ओहले खुङ यिहन्‍ज्‍यु यिहप्‍ती ज़्‍य़ू नाङसीन।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 16:16

याहम्‍बी तिङले ख्‍याया़गी ङाहला येहपाराङ थोङज्‍ये म़ेह, ओहले याहम्‍बी तिङले ङाहला येहपाराङ थोङज्‍ये येह।”

यूहन्‍ना 7:33

येशूगी सुङ नाङसीन, “तोहरोङॱआङ ङ्यिहमा तोबा थु ङाह ख्‍या ङ्याम्‍बुराङ तेहच्‍ये येह, ओ़ह तिङले ङाहला ताङ नाङगे याहप साला ङाह लो़हदी डोज्‍ये येह।

यूहन्‍ना 8:12

येहपाराङ येशूगी खुङया़ला सुङ नाङसीन, “ङाह जाम्‍बुलीङगी येहसेर यिहम्‍बा। ङाहला तिङ ङ्या़गेया़ नाहमॱआङ ना़-जुबेला डो कोहज्‍ये म़ेह, यिहॱनाङ खोगी मिहली तेर्केन्‍गी क्‍या-साङे ज्‍योर्च्‍ये येह।”

२ कोरिन्‍थी 3:14

यिहॱनाङ खुङगी सेम ज्‍यिबुराङ सान्‍दी काहल्‍दी येहकें, च्‍यिबेमाना ताहन्‍दा ङ्यिहमा थु निङबा छ्य़े टा़हगेमु ओ़ह योल्‍सेनगी खुङया़गी नावा का ज़्‍या़दी येहबा, ओहले मास्‍यीकाला यिह-छ्य़े पेहती च्‍यी़राङ ओ़ह योल्‍सेन खा फे़ ख़ूएँ।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

एफिसी 5:8

च्‍यिबेमाना लेहमा च्‍यी़ ख्‍याया़ ना़-जुबेला येहकें, यिहॱनाङ ता़ह ख्‍याया़ चो़वोकी पुह-पोहमो काहल्‍ग्‍यो सोङबे क्‍या-साङेला येहबा। ओ़ह सोङबे ख्‍याया़ क्‍या-साङेकी पुह पोहमोया़ ल़ेहमुराङ पेहती राहङगी डोलु-तेहलुया़ या़हबु पेहतोङ।