यूहन्‍ना 12:31 - ह्योल्‍मो

³¹ ता़ह दि जाम्‍बुलीङला ठिम ताङगेन्‍गी ती़हजी लेप सिहन्‍सीन। ता़ह दि जाम्‍बुलीङला ओङ छ्य़ेगे ती़ह गो-छ्येवाला फिला तेन्‍ज्‍ये येह।

यूहन्‍ना 12:31 ပူးပေါင်းရင်းမြစ်များ

मत्ती 12:28

बालजिबुलगी ओङगी मिहम्‍बा, यिहॱनाङ ङाह किन्‍ज्‍योगी थु लाहमले ल्‍हेन्‍डी तेन्‍गे ओहले दि ङो़लेराङ किन्‍ज्‍योगी क्‍याहल्‍सी ख्‍याया़गी पाहरक्‍यीला लेप सिहन्‍ग्‍यो येह माएँ ताम ख्‍याया़गी क्‍यी़ह ज्‍योर ख़ूएँ।

यूहन्‍ना 14:30

ता़ह ङाह ख्‍या ङ्याम्‍बु ताम माहङबु मेहमाएँ, च्‍यिबेमाना दि जाम्‍बुलीङला ओङ छ्य़ेएँगी क्‍याहल्‍बु ओहङगेॱराङ येह। यिहॱनाङ खोगी ङाहला च्‍यिॱआङ पेह मी़हखुएँ।

यूहन्‍ना 3:19

किन्‍ज्‍योगी आप्‍ता च्‍ये नाङग्‍योदी दिराङ यिहम्‍बा: क्‍या-साङे जाम्‍बुलीङला फेप सिहन्‍दी येह, ओहले मिहया़गी क्‍या-साङेला म़ेदीॱआङ माहङबु ना़-जुबेला चा़ पेहसीन, च्‍यिबेमाना खुङया़दी ल़ेह ङ्येहम्‍बा येहकें।

यूहन्‍ना 9:39

ओहले येशूगी सुङ नाङसीन, “मी़ मेहथोङगेनया़गी मी़ थोङज्‍यु ओहले मी़ थोङगेनया़गी मी़ माहथोङज्‍यु म़ेदी ङाह जाम्‍बुलीङला ठिम ताङज्‍येला ओहङग्‍यो यिहम्‍बा।”

ल़ेह-पेन 26:18

‘ख्‍येगी खुङया़गी मी़ खा फ़ेदी खुङया़ला ना़-जुबेलेगी क्‍या-साङेला ओहले ती़ह गो-छ्येवागी ओङलेगी किन्‍ज्‍यो ङो़ले लोह च्‍य़ू कोहएँ ओहले खुङया़गी ङाहला तेहपा पेहच्‍ये येह ओहले खुङया़गी तिहक्‍पा ता़हज्‍ये येह ओहले खुङया़गी किन्‍ज्‍योगी दाम नाङग्‍योगी मिहया़गी छोक्‍पाला तेह ङ्युहङज्‍ये येह।’

१ कोरिन्‍थी 1:20

रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

२ कोरिन्‍थी 4:4

खुङया़गी तेहन्‍दाला माज्‍ये माना, दि जाम्‍बुलीङकी ल्‍हागी खुङगी ङोह स्‍य़े ख़ूएँगी ओङला स्‍याहर्ना जे तेर्ती येह। किन्‍ज्‍योगी ङ्य़ेहरीला मास्‍यीका ज़्‍य़ू नाङदी येह, मिहरोगी ज़िज्‍यिदगी या़हबु लेहङगु खुङया़गी माहथोङज्‍यु म़ेदी दि जाम्‍बुलीङगी ती़ह गो-छ्येवागी खुङया़गी मी़ का तेरक्‍यो येहबा।

एफिसी 6:12

च्‍यिबेमाना ओहराङगी मिह ङ्याम्‍बु मा़ क्‍याहप्‍के मिहम्‍बा यिहॱनाङ स्‍यिहङगाम दाङ जाम्‍बुलीङकी पाहरक्‍यीला ल़ेह ङ्येहम्‍बा पेहकेन्‍गी नाम्‍स्‍यीया़, ठिम ताङगेन्‍की पोम्‍बोया़, ओङज्‍या छ्यिम्‍बु ज्‍योरक्‍योया़, ओहले दि ना़-जुबे जाम्‍बुलीङकी वाङज्‍या छ्यिम्‍बुया़ ङ्याम्‍बु यिहम्‍बा।

कलस्‍सी 2:15

ओहले ओ़ह क्‍याहङस्‍यीङला मास्‍यीकागी, नाम्‍स्‍यीला ओङ छ्य़ेएँगी स्‍युक छ्यिम्‍बु दाङ वाङज्‍या छ्यिम्‍बु थो़क्‍योया़ला फाम च्‍य़ू नाङदी ओ़ह थाम्‍ज्‍यी थो़ला क्‍याहल नाङसीन। ओहले मिहरोगी खुङया़ला मिह थाम्‍ज्‍यीगी थोङदाङला आब्रु तेन नाङसीन।

हिब्रू 2:14

च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन

१ यूहन्‍ना 3:8

तिहक्‍पा पेहतीराङ तेहकें मिहती ती़ह गो-छ्येवागी मिह यिहम्‍बा। ती़ह गो-छ्येवागी छ़ूगे यिहन्‍ज्‍युराङ तिहक्‍पा पेहतीराङ ओहङदी येह। ओ़ह सोङबे ती़ह गो-छ्येवागी ल़ेहला तोङ च्‍य़ू नाङज्‍येला किन्‍ज्‍योगी स़ेबु फेप नाङसीन।

१ यूहन्‍ना 4:4

ङाहगी च्‍याहम्‍बु पेहजाया़, ख्‍याया़नी किन्‍ज्‍योदी यिहम्‍बा, ख्‍यागी चिहन क्‍याहप्‍केन लुहङतेम्‍बाया़ला क्‍याहल्‍दी येहबा, च्‍यिबेमाना ख्‍याया़ ङ्याम्‍बु ज़्‍य़ू नाङगेन किन्‍ज्‍यो दि जाम्‍बुलीङला येहकेन्‍गी ती़ह म़ेदी ज्‍यिबुराङ ओङ छ्यिम्‍बु येहबा।

१ यूहन्‍ना 5:19

जाम्‍बुलीङ थाम्‍ज्‍यीराङ ती़ह गो-छ्येवागी ओङ चो़ला येहॱनाङ ओहराङया़दी किन्‍ज्‍योगी छार्क्‍यीनया़ यिहम्‍बा माएँ ताम ओहराङला क्‍यी़ह येह।