यूहन्‍ना 12:28 - ह्योल्‍मो

²⁸ ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 12:28 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 11:26

यिहम्‍बा किन्‍ज्‍यो याहप, च्‍यिबेमाना राहङला दि ल़ेहमुराङ जे नाङज्‍येला राहङगी थुला ठुङसीन।

मत्ती 17:5

पत्रुसगी दि ल़ेहमु पेहती ताम म़ेदी तेहकेमु येहपा छ्या़क्‍योगी मुक्‍पा ओहङसीन ओहले मुक्‍पा थेन ओहङदी खुङ थो़ला टिहप्‍सा क्‍याहप्‍सीन, ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह। खोगी माक्‍यो ख्‍याया़गी ङ्यिहन्‍दोङ।”

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 3:17

ओ़हजेलाराङ स्‍यिहङगामले, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ सेम काहसो येह” म़ेदी माएँ सुङ-क़े च्‍यी़ थ़ेसीन।

मर्कूस 1:11

ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ काहसो येह।”

मर्कूस 14:36

ओहले येशूगी सुङ नाङसीन, “ओ़ह याहप, ओ़ ङाहगी किन्‍ज्‍यो याहप, राहङगी थाम्‍ज्‍यी से़हया़ जे थुप्‍केन। ता़ह दि तुहक्‍पुगी स्‍याहलु ङाहलेगी था़-रिहङबु ज़्‍या़ नाङदोङ। यिहॱनाङ ङाहगी सेमला ने़क्‍यो ल़ेहमु मिहम्‍बा, राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मर्कूस 9:7

ओहजेला मुक्‍पा ओहङदी टिहप्‍सा छ्या़सीन ओहले खुङ फे़बेया़ला का़सीन। ओहले मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहम्‍बा, खोगी माक्‍यो ख्‍यागी ङ्यिहन्‍दोङ!”

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

लूका 9:35

ओहले ओ़ह मुक्‍पा नाहङलेगी दि ल़ेहमु सुङ-क़े च्‍यी़ थ़ेसीन, “दि ङाहगी पुह यिहम्‍बा, खोलाराङ ङाहगी दाम्‍ग्‍यो यिहम्‍बा, खोगी माक्‍योगी ताम ङ्यिहन्‍दोङ!”

यूहन्‍ना 11:4

दि लेहङगु सेन्‍दी येशूगी सुङ नाङसीन, “लाजरस ने़हदी येहॱनाङ ओ़ह नाहजागी खोला स्‍यिवाला मे़हक्‍याल्‍गे, यिहॱनाङ दि किन्‍ज्‍योगी ज़िज्‍यिदगी तेहन्‍दाला यिहम्‍बा दि लाहमलेॱराङ किन्‍ज्‍योगी स़ेबुला ज़िज्‍यिद ओहङज्‍यु।”

यूहन्‍ना 18:11

येशूगी पत्रुसला सुङ नाङसीन, “पादाङ स्‍युपला ज़्‍या़दोङ! च्‍यि ङाहला याहपगी नाङग्‍योकी स्‍याहलु ङाहगी मिहथुङज्‍ये ले?”

यूहन्‍ना 9:3

ओहले येशूगी सुङ नाङसीन, “खोराङगी तिहक्‍पागी पेहतीॱआङ मिहन ओहले खोगी फामागी तिहक्‍पागी पेहतीॱआङ मिहन, यिहॱनाङ किन्‍ज्‍योगी छ्या़ले दि मिहगी मिहजी लाहमले थोङ ख़ूज्‍यु म़ेदीराङ खो मी़ मेहथोङगेन काहल्‍ग्‍यो यिहम्‍बा।

एफिसी 2:7

किन्‍ज्‍योगी दि थाम्‍ज्‍यी जे नाङग्‍योकी तेहन्‍दादी ओहराङ मास्‍यीकाला यिह-छ्य़े पेहक्‍यो मिहया़ला थुज्‍यी ज़ी़ नाङदी मिहरोगी था़ म़ेहबा काटीनकी क्‍युह ओहङगेन ङ्यिहमाया़ला नाहम-मानागी तेहन्‍दाला तेन नाङज्‍येला यिहम्‍बा।

एफिसी 3:10

दि ल़ेहमु पेहती छेन्‍छोक लाहमले किन्‍ज्‍योकी नामे-नाजो येहन्‍देनया़ स्‍यिहङगामकी ग्‍या़या़ला ठिम तेन्‍गेया़ दाङ ओङ ज्‍योरक्‍योया़की पाहरक्‍यीला तेन ख़ूज्‍यु।

एफिसी 3:21

किन्‍ज्‍योलाॱराङ काल्‍बा-काल्‍बा थु छेन्‍छोक दाङ मास्‍यीका येशूला नाहम्‍स्‍यी किन्‍दुॱराङ ज़िज्‍यिद ओहङज्‍यु। आमेन।

२ पत्रुस 1:17

मिहरोगी किन्‍ज्‍यो याहप लाहमले चा़ दाङ ज़िज्‍यिद नोम नाङगे ती़हजीला ओ़ह खाम छ्यिम्‍बु ज़िज्‍यिद लाहमले दि ल़ेहमु सुङ-क़े च्‍यी़ थ़ेसीन, “दि ङाहगी च्‍याहम्‍बु पेहक्‍योगी स़ेबु यिहन, खो ङ्याम्‍बु ङाह ज्‍यिबुराङ काहसो येह।”