यूहन्‍ना 12:27 - ह्योल्‍मो

²⁷ “ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 12:27 ပူးပေါင်းရင်းမြစ်များ

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 11:26

यिहम्‍बा किन्‍ज्‍यो याहप, च्‍यिबेमाना राहङला दि ल़ेहमुराङ जे नाङज्‍येला राहङगी थुला ठुङसीन।

मत्ती 26:42

येशू येहपाराङ लेहमा ङ्यिपा फेप्‍ती दि ल़ेहमु सुङदी सोल्‍वाङ ताप नाङसीन, “ओ़ ङाहगी याहप, दि तुहक्‍पुगी स्‍याहलु ङाहगी माहथुङबाला मेहयोङसीमाना राहङगी थुला ठुङग्‍यो ल़ेहमु तेहन्‍दा डुप्‍च्‍यु।”

मत्ती 26:45

ओ़ह तिङले येशूगी स्‍याहप्‍च्‍यीया़साला लो़ह फेप्‍ती सुङ नाङसीन, “ख्‍याया़ तोहरोङॱआङ ङ्याहल्‍दी थाङ स़े तेहक्‍यो? त़ेदोङ, मिहगी स़ेबु तिहक्‍च्‍येम्‍बाया़गी लाहक्‍पाला चि क्‍याहप्‍केन्‍गी ती़हजी लेप सिहन्‍दी येह!

लूका 22:44

येशूगी थु ज्‍यिबुराङ ङ्युङदी येहकें यिहॱनाङ येशूगी तोहरोङॱआङ माहङबु सोल्‍वाङ ताप नाङसीन, ओहजेला येशूगी ङुल्‍ज्‍यु ठा़गी थी़बा ल़ेहमुराङ साला ताहप्‍सीन।]

लूका 22:53

ङ्यिहमा-टाहङमाराङ ङाह ख्‍या ङ्याम्‍बुराङ छ्योखाङगी यिल्‍दोला तेहकेमुनी ख्‍यागी ङाहला माहजु़ङ ले! यिहॱनाङ ता़ह ख्‍याया़गी ल़ेह पेहकेन्‍गी ती़हजी लेप्‍सीन ओहले ता़ह ना़-जुबेगी ओङ पेहकें।”

यूहन्‍ना 11:41

ओहले खुङया़गी फुक्‍पागी कोह खा फ़ेसीन। ओहले येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ङ्यिह राहङला थुज्‍यी-छ्ये़ फुल्‍गे, च्‍यिबेमाना ङाहगी ओहर-छ्य़े स्‍युहक्‍यो राहङगी सेन नाङसीन।

यूहन्‍ना 12:23

येशूगी खुङया़ला सुङ नाङसीन, “ता़ह मिहगी स़ेबुकी ज़िज्‍यिद ओहङगेन्‍गी ती़हजी लेप सिहन्‍दी येह।

यूहन्‍ना 13:21

दि स्‍याहल सुङ छर फान्‍ज्‍यो येशू ज्‍यिबुराङ थु ङ्युङसीन। ओहले राहङगी स्‍याहप्‍च्‍यीया़ला प्रा साल्‍दी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङले मेहन्‍दा च्‍यी़गी ङाहला ज़ुङ च्‍य़ूज्‍ये येह।”

यूहन्‍ना 18:37

ओहले पिलातसगी येशूला टी़हसीन, “च्‍यि ख्‍ये क्‍याहल्‍बुराङ यिहम्‍बा ले?” ओहले येशूगी ल़ेहन क्‍याहप नाङसीन, “ङाह क्‍याहल्‍बु यिहन म़ेदीनी राहङगीराङ सुङ नाङगु दु। ङाह दिगी तेहन्‍दालाराङ क्‍येक्‍यो यिहम्‍बा, ओहले दिगी तेहन्‍दालाराङ तेहन्‍दामकी पाङबु तेर्च्‍येला ङाह दि जाम्‍बुलीङला ओहङग्‍यो यिहम्‍बा। तेहन्‍दामला यिह छ्य़ेगे थाम्‍ज्‍यीगी ङाहती ताम ङ्यिहन्‍गे।”

१ तिमोथी 1:15

येशू मास्‍यीका तिहक्‍च्‍येम्‍बाया़लाॱराङ थार च्‍य़ू नाङज्‍येला दि जाम्‍बुलीङला फेप नाङग्‍यो यिहम्‍बा, दि सुङ मिह थाम्‍ज्‍यीगी ची़ कोहकेन्‍गी तेहन्‍दामकी ताम यिहम्‍बा। ओहले तिहक्‍च्‍येम्‍बाया़ नाहङला ङाह थाम्‍ज्‍यी म़ेदी छ्येस्‍यो यिहम्‍बा।

हिब्रू 2:14

च्‍यिबेमाना ओ़ह पुह पोहमोया़ स्‍या दाङ ठा़गी ज़ुबु यिहन्‍गे सोङबे येशूगीॱआङ खुङ ल़ेहमुराङ स्‍या दाङ ठा़गी ज़ुबु नोम नाङसीन। ओहले मिहरो राहङॱआङ टोहङ नाङदी दि स्‍यि च्‍य़ूएँगी ओङ थो़क्‍यो ती़ह गो-छ्येवाला तोङ च्‍य़ू नाङसीन

हिब्रू 5:7

येशू राहङगी मिहगी मिहली नोम नाङगेमु राहङला स्‍यिएँगी ओङलेगी थार च्‍य़ू थुप्‍केन किन्‍ज्‍यो ङ्याम्‍बु स्‍योम्‍दी मिज्‍यु ताङगेराङ सोल्‍वाङ ताप नाङसीन। मास्‍यीकाकी दि रोहवा स्‍यिहवा दाङ किन्‍ज्‍योला क्‍याप्‍क्‍यो ज़ी़दी किन्‍ज्‍योगी मिहरोगी सोल्‍वाङ सेन नाङसीन।