17 येशूगी लाजरसला तुहर्साले क़े क्याहप नाङदी स्यिक्योले सोम्बो लो़ह च्य़ू नाङगेमु येशू ङ्याम्बुराङ येहकेन्गी मिह मिह-माहङया़गी येशूगी तेहन्दाला पाङबु तेर्केॱराङ येहकें।
यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्ना सु यिहम्बा नि?” म़ेदी टी़हज्येला खोसाला ताङसीन।
यूहन्नागी दि ल़ेहमु म़ेदी पाङबु तेर्सीन, “ङाहगी नाम्पार-ताहक्पा थुला दुङगुकुर ल़ेहमु जेती स्यिहङगामले माहर फेप्ते मिहरो थो़ला ज़्य़ू नाङग्यो थोङसीन।
ङाहगी थोङदी येह, ओहले पाङबु तेर्ती येह, किन्ज्योगी स़ेबु मिह-रो़हराङ यिहन।”
खाङबाला खुङला सेम सो ओहङग्यो यहूदीया़गी मरियमला ह्ओप लाहङदी फिला छारा पेहती डोएँ थोङ फान्ज्यो, मोह तुहर्साला ङुह काहल्ग्यो यिहम्बानी ने़दी, मोहगी तिङदा तिङ काहल्सीन।
ङाहगी ओहर-छ्य़े स्य़ूहक्योदी राहङगी नाहम-माना सेन नाङगे म़ेदी ङाहला क्यी़ह येह। यिहॱनाङ राहङगी ङाहला ताङ नाङग्यो यिहम्बा म़ेदी खुङया़गी यिह-छ्य़े ख़ूज्यु म़ेदीराङ देला लाहङदी तेहक्यो मिह मिह-माहङया़गी तेहन्दाला ङाहगी दि माक्यो यिहम्बा।”
येशू बेथानिया युहलला ज़्य़ू नाङदी येह माएँ ताम क्यी़ह ज्योर फान्ज्यो यहूदी मिहया़ माहङबुराङ ता ओहङसीन। खुङ येशूला ताज्येला च्यी़राङ मिहम्बा, यिहॱनाङ येशूगी स्यिक्योले सोम्बो लो़ह च्य़ू नाङग्योकी लाजरसॱलाङ ताज्ये म़ेदी ओहङसीन।
(ख्याया़गीॱआङ यिह-छ्य़े ख़ूज्यु म़ेदी दि थोङगे मिहगी काह-ठि थोङबा ओ़हठीॱराङ स्येती येह ओहले खोगी पाङबु तेहन्दाम येह)
ओ़ह स्याहप्च्यीगीराङ दि थाम्ज्यी थोङदी पाङबु तेर्केॱराङ येह, ओहले खोगीराङ दि तामया़ प्रुहसीन। खोगी पाङबु तेहम्बा यिहन म़ेदी ङ्यिहला क्यी़ह येह।
दि थाम्ज्यी तामगी ङ्यिह पाङबु येहबा, ओहले किन्ज्योगी राहङगी का ङ्यिहन्गेनया़ला नाङग्योकी नाम्पार-ताहक्पा थुगीॱआङ पाङबु नाङगेराङ येह।”
राहङगी थोङग्यो केच्या थाम्ज्यीराङ यूहन्नागी प्रा साल्दी येह। ओहले खोगी स्येक्यो किन्ज्योकी लेहङगु दाङ येशू मास्यीकागी तेन नाङग्यो तेहन्दामकी तामया़ दिया़राङ यिहम्बा।