यूहन्‍ना 12:11 - ह्योल्‍मो

¹¹ च्‍यिबेमाना लाजरस सोम्‍बो काहल्‍ग्‍यो सोङगोराङ यहूदीया़ नाहङगी माहङबुराङ मिहया़ खा फ़ेदी येशूला यिह छ्य़ेज्‍ये छ़ूक्‍यो येहकें।

यूहन्‍ना 12:11 ပူးပေါင်းရင်းမြစ်များ

यूहन्‍ना 11:42

ङाहगी ओहर-छ्य़े स्‍य़ूहक्‍योदी राहङगी नाहम-माना सेन नाङगे म़ेदी ङाहला क्‍यी़ह येह। यिहॱनाङ राहङगी ङाहला ताङ नाङग्‍यो यिहम्‍बा म़ेदी खुङया़गी यिह-छ्य़े ख़ूज्‍यु म़ेदीराङ देला लाहङदी तेहक्‍यो मिह मिह-माहङया़गी तेहन्‍दाला ङाहगी दि माक्‍यो यिहम्‍बा।”

यूहन्‍ना 11:45

मरियम साला ओहङग्‍योकी माहङबुराङ यहूदीया़गी येशूगी जे नाङग्‍योकी छ्या़लेया़ थोङदी यिह छ्य़ेसीन।

यूहन्‍ना 11:48

का़हलेॱआङ ओहराङगी खोला आहन्‍डाराङ ले ताङसीन मानानी मिह थाम्‍ज्‍यीगी खोला यिह छ्य़ेज्‍ये येह ओहले रोमीया़गी ओहङदी ओहराङगी छ्योखाङ दाङ ओहराङगी क्‍यिहपा ङ्यिकालाराङ तोङ च्‍य़ूज्‍ये येह।”

यूहन्‍ना 12:10

ओ़ह सोङबे पूजाहारी छ्यिम्‍बुया़गी लाजरसॱलाङ सेच्‍ये म़ेदी टे़ह क्‍याहप्‍सीन।

यूहन्‍ना 12:18

मिह मिह-माहङया़गी ओ़ह याहम्‍जेन छ्येवागी छ्या़लेगी तेहन्‍दाला थे़क्‍यो सोङबे खुङ येशूला फेप स्‍युहज्‍ये म़ेदी ओहङग्‍यो येहकें।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”

ल़ेह-पेन 13:45

मिह थाम्‍ज्‍यी बुङजी क्‍याहप्‍ती ओहङग्‍यो थोङदी यहूदीया़गी पावल दाङ बारनाबासला ठादो पेहसीन। ओहले पावलगी माक्‍यो तामला खुङया़गी टाह पेहती स्‍ये़हन्‍डील पेहसीन।