Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




यूहन्‍ना 11:52 - ह्योल्‍मो

52 यहूदीया़की तेहन्‍दाला च्‍यी़राङ मिहम्‍बा, यिहॱनाङ फेतोर कोहतोर काहल्‍ग्‍योगी किन्‍ज्‍योगी मिहया़ला ग्‍या़ च्‍यी़ला रुहप पेहच्‍येला दि ताम माक्‍यो येहकें।

အခန်းကိုကြည့်ပါ။ ကော်ပီ




यूहन्‍ना 11:52
40 ပူးပေါင်းရင်းမြစ်များ  

“ओहले येहपाराङ, पे यिहॱना़: पी़हमी च्‍यी़ ङ्याम्‍बु ङुल-टाङ च्‍यु येहकें। ओहले मोहगी ङुल-टाङ च्‍यी़ तोर च्‍य़ूसीन। ता़हनी ओ़ह पी़हमीगी च्‍यि पेहटो? लो पार्ती काना-कुनाया़ला छ्या़मागी च्‍यो़हदी ओ़ह ङुल-टाङ माहन्‍ज्‍योर थु मेहछोल्‍गे ले?


मिह-रो़हराङ लेहमेन क्‍यिहपागी मिहया़ला राहङगी लाहम तेन नाङगेन येहसेर यिहम्‍बा, ओहले मिह-रो़हराङ राहङगी इस्राएली क्‍यिहपाया़गी तेहन्‍दाला ज़िज्‍यिद यिहम्‍बा।”


यिहॱनाङ काहजे मिहया़गी मिहरोला ची़नाङ पेहपा ओहले मिहरोगी छेन थो़ला यिह छ्य़ेबा, मिहरोगी खुङया़ला किन्‍ज्‍योकी छार्क्‍यीन डोएँगी ओङ नाङसीन।


नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!


ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।


ङाह दि जाम्‍बुलीङलेगी क्‍या़ सिहन फान्‍ज्‍यो, ङाह मिह थाम्‍ज्‍यीला राहङ ङो़ले टिहच्‍ये येह।”


ङाह ख्‍ये ङ्याम्‍बुराङ येह, ख्‍येला सुज्‍यीगीॱआङ च्‍यिॱआङ पेह ख़ूज्‍ये म़ेह च्‍यिबेमाना दि क्‍याहसाला ङाहती मिह माहङबुराङ येहबा!” म़ेदी चो़वोगी सुङ नाङसीन।


च्‍यि किन्‍ज्‍यो यहूदीया़दी च्‍यी़राङ किन्‍ज्‍यो यिहम्‍बा ले? च्‍यि किन्‍ज्‍यो लेहमेन क्‍यिहपाकी मिहया़दीती किन्‍ज्‍यो मिहम्‍बा ले? मिहरो लेहमेन क्‍यिहपागी मिहया़दीॱआङ किन्‍ज्‍यो यिहम्‍बा।


छ्य़ेला दि ल़ेहमु प्री़हदी येहबा, “ङाहगी ख्‍येला माहङबुराङ क्‍यिहपाया़की आबा जे़दी येहबा।” किन्‍ज्‍योगी स्‍यिक्‍योया़ला मिहली नाङ थुप्‍कें ओहले येहॱराङ म़ेहबाकी से़हया़ला का नाङदी छ्या़ च्‍य़ू नाङ थुप्‍के म़ेदी यिह छ्य़ेक्‍यो सोङबे मिहरोगी अब्राहाम ङ्याम्‍बु दि ताहम्‍ज्‍या ज़्‍या़ नाङग्‍यो येहकें।


किन्‍ज्‍योगी ओहराङला चेवा जे-नाङदी मास्‍यीका लाहमले राहङदीराङ पुह-पोहमो ज़ो नाङज्‍येला मिहरोला या़हबु ऩेसीन ओ़ह सोङबे मिहरोगी ओहराङला तोहङलेराङ दाम नाङसीन।


दि थाम्‍ज्‍यी किन्‍ज्‍योगी राहङदी था़ म़ेहबागी राहङगी ज़ोक्‍योकी च्‍याहम्‍दा यिहम्‍बा। ओहले दि ओहराङ चो़वो मास्‍यीका येशूला मिहरोगी तेहन्‍दा डुप च्‍य़ू नाङसीन।


किन्‍ज्‍यो दाङ चो़वो येशू मास्‍यीकाला स्‍याहप्‍तो स्‍युहएँगी स्‍याहप्‍च्‍यी ङाह याकूबगी दि यिहगी जाम्‍बुलीङगी माहङबु ग्‍या़ ग्‍या़ला फेतोर कोहतोर काहल्‍ग्‍यो इस्राएलगी छाङ च्‍यिङ्यी़ला प्रुहउ येहबा। ख्‍या थाम्‍ज्‍यीला ङाहती टास्‍यी-देले येहबा।


येशू मास्‍यीकाकी ल़ेह-पेन ङाह पत्रुस लाहमले पोन्‍टस, गलातीया, कापाडोकिया, एशिया दाङ बिथिनिया साने़या़ला राहङगी क्‍याहल-खाप यिहन्‍ज्‍यु काहल्‍दी फेतोर कोहतोर काहल्‍ग्‍योया़ला,


मिहरो ओहराङगी तिहक्‍पा ता़ह च्‍य़ू नाङज्‍येलाॱराङ टोहङ नाङग्‍यो यिहम्‍बा। ओहराङ च्‍यी़गी तेहन्‍दाला मिहम्‍बा, यिहॱनाङ जाम्‍बुलीङगी मिह थाम्‍ज्‍यीगी तेहन्‍दाला यिहम्‍बा।


त़ेदोङ, याहप्‍च्‍येन आबागी ओहराङला काहजे माहङबु निङज्‍यी जे नाङगु दु! मिहरोगी निङज्‍यीगी पेहती ओहराङ किन्‍ज्‍योगी छार्क्‍यीनया़ काहल्‍दी येहबा, यिहन्‍ज्‍येॱआङ ओहराङ तेहम्‍बाराङ किन्‍ज्‍योगी छार्क्‍यीनया़राङ यिहम्‍बा। ओ़ह सोङबे जाम्‍बुलीङकी मिहया़गी ओहराङला ङोह मे़हस्‍येएँ च्‍यिबेमाना खुङया़गी किन्‍ज्‍योला ङोह स्‍य़ेक्‍यो म़ेह।


किन्‍ज्‍योकी छार्क्‍यीन सु यिहम्‍बा, ओहले ती़ह गो-छ्येवाकी छार्क्‍यीन सु यिहम्‍बा माएँदी ओहराङगी दि ल़ेहमु पेहती ह्‍अ कोह ख़ूएँ– किन्‍ज्‍योकी ज़ी़लुला काहदी मिहगी राहङगी डोलु-तेहलु टाहङबु मेहबेकें ओहले किन्‍ज्‍योला यिह-छ्य़े पेहक्‍यो आदा-नो़ह दाङ आज्‍यी-नुहमुया़ला चेवा मेहबेकें खो किन्‍ज्‍योकी छार्क्‍यीन मिहम्‍बा।


ए ङाहगी च्‍याहम्‍बु रो़हया़, ताहन्‍दानी ओहराङ किन्‍ज्‍योगी छार्क्‍यीनया़राङ यिहम्‍बा यिहॱनाङ तिङलेनी ओहराङ च्‍यि ओहङगे यिहम्‍बा, ओ़हगी तेहन्‍दाला किन्‍ज्‍योगी ओहराङला ह्‍अ कोह च्‍य़ू नाङदी म़ेह। यिहॱनाङ मास्‍यीका फेप नाङ फान्‍ज्‍यो ओहराङॱआङ मिहरो ल़ेहमुराङ डोज्‍ये येह च्‍यिबेमाना मिहरो काहन्‍डुमु येहबा, ओहराङगी मिहरोला ओ़ह ल़ेहमुराङ थोङज्‍ये येह।


खुङया़गी दि ल़ेहमु म़ेदी लु साम्‍बा च्‍यी़ लेहन्‍सीन, “दि स्‍युगु टिहल्‍मा लेहन्‍ज्‍ये दाङ दि थे़जी रोप्‍ती खा फे़ज्‍येला राहङज्‍यीॱराङ सी़हज्‍ये येह च्‍यिबेमाना राहङला मिहया़गी सेसीन ओहले राहङ ठा़गी थाम्‍ज्‍यी क्‍यिहपा, ताम, लुहङबा दाङ जाम्‍बुलीङगी मिहया़ला किन्‍ज्‍योगी तेहन्‍दाला ङ्योह नाङसीन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ