यूहन्‍ना 11:45 - ह्योल्‍मो

⁴⁵ मरियम साला ओहङग्‍योकी माहङबुराङ यहूदीया़गी येशूगी जे नाङग्‍योकी छ्या़लेया़ थोङदी यिह छ्य़ेसीन।

यूहन्‍ना 11:45 ပူးပေါင်းရင်းမြစ်များ

यूहन्‍ना 10:41

ओहले मिह माहङबुराङ येशूसाला ओहङसीन। ओहले खुङया़गी मासीन, “यूहन्‍नागीनी च्‍यिॱआङ ओङ छ्यिम्‍बुकी छ्या़लेया़ जे माहनाङ, यिहॱनाङ, खोगी येशूगी तेहन्‍दाला सुङ नाङग्‍योकी स्‍याहलया़ थाम्‍ज्‍यीराङ तेहन्‍दा डुप्‍सीन।”

यूहन्‍ना 11:19

यहूदी मिहया़ माहङबुराङ, मरियम दाङ मार्था साला नो़ह स्‍यिक्‍योगी तुहक्‍पुला सेम सो ओहङदी येहकें।

यूहन्‍ना 11:31

खाङबाला खुङला सेम सो ओहङग्‍यो यहूदीया़गी मरियमला ह्‍ओप लाहङदी फिला छारा पेहती डोएँ थोङ फान्‍ज्‍यो, मोह तुहर्साला ङुह काहल्‍ग्‍यो यिहम्‍बानी ने़दी, मोहगी तिङदा तिङ काहल्‍सीन।

यूहन्‍ना 12:42

माहङबुराङ यहूदी गोबाया़गी येशूला यिह छ्य़ेसीन। यिहॱनाङ फरिसीया़गी ज्‍यी़सुगी पेहती खुङगी दि केच्‍या सुॱलाङ मा़हमे च्‍यिबेमाना लेहमेनगी दि ताम क्‍यी़ह ज़्‍योरक्‍यो यिहनानी खुङया़ला यहूदी छो़खाङले फिला तेन चाहङज्‍ये येहकें।

यूहन्‍ना 2:23

थार्पा छ्येपागी ती़हजीला यरूशलेमला ज़्‍य़ू नाङगेमु येशूगी माहङबुराङ याहम्‍जेन छ्येवागी छ्या़लेया़ जे नाङसीन। दि थोङदी मिह माहङबुगीराङ येशूला यिह छ्य़ेसीन।

यूहन्‍ना 7:31

यिहॱनाङ ओ़ह मिह-माहङला येहकेन्‍गी मिह माहङबुगीराङ येशूला यिह छ्य़ेसीन। खुङया़गी मासीन, “मास्‍यीका फेप नाङगेमु च्‍यि दि मिहगी पेहक्‍योगी ताक्‍छेनया़ म़ेदी माहङबु ता़स्‍यी मास्‍यीकागी जे नाङवा ले?”