यूहन्‍ना 11:40 - ह्योल्‍मो

⁴⁰ येशूगी मोहला सुङ नाङसीन, “ख्‍येगी यिह छ्य़ेसीन माना किन्‍ज्‍योगी ओङ छ्यिम्‍बु ज़िज्‍यिद थोङज्‍ये येह” म़ेदी ङाहगी ख्‍येला माक्‍यो मिहम्‍बा ले?

यूहन्‍ना 11:40 ပူးပေါင်းရင်းမြစ်များ

मत्ती 17:20

ओहले येशूगी सुङ नाङसीन, “ख्‍याया़गी तेहपा ङ्युहङा येहकें सोङबे यिहम्‍बा। तेहम्‍बाराङ ङाह ख्‍याया़ला माएँ, ख्‍याया़ ङ्याम्‍बु राइ-सेनगी बुदी जेबा तेहपा येहसीमाना ओ़ह काहङदोला देलेगी फार सोङ म़ेदी माॱनाङ ओ़ह डोज्‍ये येह ओहले ख्‍याया़गी च्‍यि माॱनाङ पेह ख़ूज्‍ये येह।”

मर्कूस 9:23

येशूगी खोला सुङ नाङसीन, “राहङगी ला़ खासीमाना म़ेदी ख्‍ये च्‍यिबे म़े तेहके? यिह-छ्य़े पेहकें मिहया़गी तेहन्‍दालानी च्‍यि माॱनाङ तेहन्‍दा डुप्‍के।”

यूहन्‍ना 1:14

ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।

यूहन्‍ना 11:4

दि लेहङगु सेन्‍दी येशूगी सुङ नाङसीन, “लाजरस ने़हदी येहॱनाङ ओ़ह नाहजागी खोला स्‍यिवाला मे़हक्‍याल्‍गे, यिहॱनाङ दि किन्‍ज्‍योगी ज़िज्‍यिदगी तेहन्‍दाला यिहम्‍बा दि लाहमलेॱराङ किन्‍ज्‍योगी स़ेबुला ज़िज्‍यिद ओहङज्‍यु।”

यूहन्‍ना 12:41

यशैयागी दि स्‍याहल सुङ नाङसीन, च्‍यिबेमाना यशैयागी येशूगी ज़िज्‍यिद थोङसीन, ओहले मिहरोगी तेहन्‍दाला सुङ नाङसीन।

यूहन्‍ना 9:3

ओहले येशूगी सुङ नाङसीन, “खोराङगी तिहक्‍पागी पेहतीॱआङ मिहन ओहले खोगी फामागी तिहक्‍पागी पेहतीॱआङ मिहन, यिहॱनाङ किन्‍ज्‍योगी छ्या़ले दि मिहगी मिहजी लाहमले थोङ ख़ूज्‍यु म़ेदीराङ खो मी़ मेहथोङगेन काहल्‍ग्‍यो यिहम्‍बा।

रोमी 6:4

ओ़ह सोङबे ओहराङॱआङ बप्‍तिस्‍मा लाहमले मास्‍यीका ङ्याम्‍बुराङ स्‍यिदी साला पिहप्‍सीन। वाङज्‍या छ्यिम्‍बु नोम नाङगे किन्‍ज्‍यो याहपगी राहङगी ज़िज्‍यिद लाहमले येशू मास्‍यीकाला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह सोङबे ओहराङॱआङ तोहङमागी मिहलीया़ क्‍युर्ती साम्‍बा मिहलीला मास्‍यीकागी ल़ेहमुराङ मिहजी ताङज्‍ये येह।

२ कोरिन्‍थी 3:18

ओहराङ थाम्‍ज्‍यी योल्‍सेन खा फे़क्‍यो तोहङबागी चो़वोकी ज़िज्‍यिद मेहलोङगी ठि पेहती तेन्‍गे, चो़वो थु यिहम्‍बा ओहले मिहरो लाहमले ओहङगेन्‍गी ओ़ह ज़िज्‍यिदगीॱराङ ओहराङला मिहरो ल़ेहमुराङ जे़दी छ्यिम्‍बु ज़िज्‍यिद-च्‍येन ङो़ले नोम फेप नाङगे।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।