यूहन्‍ना 11:4 - ह्योल्‍मो

⁴ दि लेहङगु सेन्‍दी येशूगी सुङ नाङसीन, “लाजरस ने़हदी येहॱनाङ ओ़ह नाहजागी खोला स्‍यिवाला मे़हक्‍याल्‍गे, यिहॱनाङ दि किन्‍ज्‍योगी ज़िज्‍यिदगी तेहन्‍दाला यिहम्‍बा दि लाहमलेॱराङ किन्‍ज्‍योगी स़ेबुला ज़िज्‍यिद ओहङज्‍यु।”

यूहन्‍ना 11:4 ပူးပေါင်းရင်းမြစ်များ

यूहन्‍ना 10:38

ङाहनी याहपकी छ्या़लेया़ पेहको येह। ख्‍याया़गी ङाहला यिह मेहछ्ये़ॱनाङ ङाहगी पेहक्‍योकी ल़ेहया़ला यिह छ्य़ेदोङ ओहले ख्‍याया़गी, ‘याहप ङाह ङ्याम्‍बु ज़्‍य़ू नाङदी येह ओहले ङाह याहप ङ्याम्‍बु येह’ माएँ ताम क्‍यी़ह ज्‍योर्च्‍ये येह ओहले ङोह स्‍ये़ज्‍ये येह।”

यूहन्‍ना 11:40

येशूगी मोहला सुङ नाङसीन, “ख्‍येगी यिह छ्य़ेसीन माना किन्‍ज्‍योगी ओङ छ्यिम्‍बु ज़िज्‍यिद थोङज्‍ये येह” म़ेदी ङाहगी ख्‍येला माक्‍यो मिहम्‍बा ले?

यूहन्‍ना 12:28

ओ़ याहप, राहङगी छेनला ज़िज्‍यिद-च्‍येन छ्यिम्‍बु ज़ो नाङदोङ।” ओहजेला स्‍यिहङगामले दि ल़ेहमु सुङ-क़े थ़ेसीन “ङाहगी ज़िज्‍यिद लेहन्‍दी येह ओहले येहपाराङॱआङ लेहन्‍ज्‍ये येह।”

यूहन्‍ना 17:1

दि स्‍याहल सुङ छार फान्‍ज्‍यो येशूगी स्‍यिहङगाम ङो़ले ज़ी़दी सुङ नाङसीन, “ओ़ याहप, ता़ह ती़हजी लेप सिहन्‍दी येह। राहङगी स़ेबुगी याहपदी ज़िज्‍यिद तेन ख़ूज्‍यु म़ेदी खोला ज़िज्‍यिद नाङदोङ।

यूहन्‍ना 17:10

ङाह ङ्याम्‍बु येहकेन्‍गी थाम्‍ज्‍यीराङ से़हया़ याहपती यिहन, ओहले याहप ङ्याम्‍बु येहकेन्‍गी थाम्‍ज्‍यीराङ से़हया़ ङाहती यिहन। ओहले खुङगी पेहतीराङ ङाहगी मिहन चा़ छ्यिम्‍बु काहल्‍दी येह।

यूहन्‍ना 17:5

ता़ह ओ़ याहप, जाम्‍बुलीङ छ्या़ च्‍य़ू नाङगे म़ेदी तोहङले ङाह राहङ ङ्याम्‍बु तेहकेमु ङाहती ज़िज्‍यिद येहकें ता़ह ओ़ह ज़िज्‍यिद येहपाराङ राहङ ज़्‍य़ू नाङग्‍यो ग्‍या़ला ङाहला नाङदोङ।

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 8:54

ओहले येशूगी सुङ नाङसीन, “का़हलेॱआङ ङाहगी राहङगी राहङलाराङ क्‍या़ज्‍ये छोल्‍सीन माना ओ़ह स्‍यिती काम्‍बु डोएँ। ङाहला क्‍या़ नाङगेन्‍दीनी याहपॱराङ यिहन। ओहले ओ़ह याहपलाराङ ख्‍यागी ‘ङ्यिहती किन्‍ज्‍यो’ म़ेदी माएँ।

यूहन्‍ना 9:24

ओहले यहूदीया़गी येहपाराङ ओ़ह मिहला क़े क्‍याहप्‍ती मासीन, “किन्‍ज्‍योला त़ेरा तेच्‍या फुल्‍दोङ। ओ़ह मिह तिहक्‍च्‍येम्‍बाराङ यिहन म़ेदी ङ्यिहला क्‍यी़ह येह।”

यूहन्‍ना 9:3

ओहले येशूगी सुङ नाङसीन, “खोराङगी तिहक्‍पागी पेहतीॱआङ मिहन ओहले खोगी फामागी तिहक्‍पागी पेहतीॱआङ मिहन, यिहॱनाङ किन्‍ज्‍योगी छ्या़ले दि मिहगी मिहजी लाहमले थोङ ख़ूज्‍यु म़ेदीराङ खो मी़ मेहथोङगेन काहल्‍ग्‍यो यिहम्‍बा।

रोमी 11:11

ओ़ह सोङबे ङाह माएँ, खुङया़ तोङज्‍येलाॱराङ नार्तो क्‍याहप्‍ती रिहल्‍ग्‍यो यिहम्‍बा ले? ओ़ह ल़ेहमु मिहम्‍बा। इस्राएलीया़गी किन्‍ज्‍योकी का मा़हचीबा सोङबे खुङया़गी ज्‍योर कोहएँगी थार्पा लेहमेन क्‍यिहपाकी मिहया़गी ज्‍योर्सीन। दि थोङदी इस्राएलीया़गी खुङ ङ्याम्‍बु ठादो पेहच्‍यु।

फिलिप्‍पी 1:11

किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।

फिलिप्‍पी 1:20

ङाहगी पेह कोहकेन्‍गी ल़ेहलेगी ङाह नाहमॱआङ ङोहजाला माहछ्यीज्‍यु यिहॱनाङ तोहङमा ल़ेहमु खास पेहती ताहन्‍दा ङाह सेम-स्‍युक छ्यिम्‍बु पेहती तेहकें। ङाह स्‍यिॱना़ङ सोॱनाङ ङाहती थाम्‍ज्‍यी मिहली लाहमले मास्‍यीकालाॱराङ चा़ ओहङज्‍यु माएँ ङाहती सेम्‍बा दाङ रेहवा यिहम्‍बा।

१ पत्रुस 1:21

ओहले मिहरो लाहमलेॱराङ ख्‍याया़गी किन्‍ज्‍योला तेहपा पेहसीन, ओहले ओ़ह किन्‍ज्‍योगीॱराङ मास्‍यीकाला टोहङग्‍योलेगी सोम्‍बो ज़्‍याङ च्‍य़ू नाङसीन ओहले मिहरोला ज़िज्‍यिद-च्‍येन ज़ो नाङसीन, ओ़ह सोङबे ख्‍याया़गी राहङगी तेहपा दाङ रेहवा किन्‍ज्‍यो थो़ला ज़्‍या़गे यिहम्‍बा।

१ पत्रुस 4:11

लुहङ तेर्केन्‍की काबाप ज़्‍योरक्‍यो मिहगी किन्‍ज्‍यो लाहमलेॱराङ लुहङ तेर्च्‍यु। स्‍याहप्‍तो स्‍युहएँ मिहगी किन्‍ज्‍योगी ओङ लाहमले स्‍याहप्‍तो स्‍युहज्‍यु। ओ़ह ल़ेहमु पेहती ल़ेह थाम्‍ज्‍यीला येशू मास्‍यीका लाहमले किन्‍ज्‍योलाॱराङ ज़िज्‍यिद ओहङज्‍यु। मिह-रो़हलाॱराङ ज़िज्‍यिद दाङ ओङ नाहम्‍स्‍यी किन्‍दु ओहङज्‍यु! आमेन।

१ पत्रुस 4:14

का़हलेॱआङ मास्‍यीकाकी छेनला ख्‍याला मिहया़गी स्‍ये़हन्‍डील पेहसीनमाना ख्‍या काहजे सोनाम-साक्‍पु यिहम्‍बा। च्‍यिबेमाना ज़िज्‍यिद दाङ किन्‍ज्‍योकी नाम्‍पार-ताहक्‍पा थु ख्‍याया़ ङ्याम्‍बु ज़्‍य़ू नाङदी येह।