यूहन्‍ना 11:33 - ह्योल्‍मो

³³ ओहले येशूगी मरियम दाङ मोहगी तिङदा तिङ ओहङग्‍योगी यहूदीया़ॱआङ ङी़हदी तेहक्‍यो ज़ी़ नाङ फान्‍ज्‍यो येशूकी थु ङ्युङसीन ओहले ज्‍यिबुराङ छाबा-छुबे जे नाङसीन।

यूहन्‍ना 11:33 ပူးပေါင်းရင်းမြစ်များ

मर्कूस 3:5

ओ़ह सोङबे येशूगी थुयाल ज़्‍याङदी खुङ थाम्‍ज्‍यीलाराङ ज़ी़ नाङसीन। ओ़ह मिहया़गी सेम सान्‍दी ज़ी़ नाङदी येशूगी ज्‍यिबुराङ थु ङ्युङबु जे नाङसीन। ओहले येशूगी ओ़ह मिहला सुङ नाङसीन, “ख्‍येगी लाहक्‍पा क्‍याङदोङ ले।” ओहले ओ़ह मिहगी लाहक्‍पा क्‍याङसीन ओहले खोगी लाहक्‍पा टा़हसीन।

मर्कूस 9:19

येशूगी खुङया़ला सुङ नाङसीन, “काहन्‍डुमु यिह-छ्य़े म़ेहबागी मिहया़ दुबा! ख्‍या ङ्याम्‍बु ङाह काहजे ङ्यिहमा थु तेहच्‍ये? ङाहगी ख्‍या ङ्याम्‍बु काहजे थु ना़ज्‍ये? के खोला ङाहसाला ख्‍येर-स्‍यो ले।”

यूहन्‍ना 11:19

यहूदी मिहया़ माहङबुराङ, मरियम दाङ मार्था साला नो़ह स्‍यिक्‍योगी तुहक्‍पुला सेम सो ओहङदी येहकें।

यूहन्‍ना 11:31

खाङबाला खुङला सेम सो ओहङग्‍यो यहूदीया़गी मरियमला ह्‍ओप लाहङदी फिला छारा पेहती डोएँ थोङ फान्‍ज्‍यो, मोह तुहर्साला ङुह काहल्‍ग्‍यो यिहम्‍बानी ने़दी, मोहगी तिङदा तिङ काहल्‍सीन।

यूहन्‍ना 11:34

येशूगी खुङया़ला टी़ह नाङसीन, “ख्‍याया़गी लाजरसकी फुङबु का़हला ज़्‍या़दी येहबा?” ओहले खुङया़गी येशूला स्‍युहसीन, “चो़वो, फेप्‍ती ज़ी़-नाङदोङ लाह।”

यूहन्‍ना 11:35

ओहजेला येशूॱआङ स्‍युम नाङसीन।

यूहन्‍ना 11:38

ओहले येशू येहपाराङ ज्‍यिबुराङ थु नाहमु जेती लाजरसकी फुङबु ज़्‍या़क्‍योगी तुहर्सा ङो़ले फेप नाङसीन। ओ़ह तुहर्सादी फुक्‍पा च्‍यी़ला ज़ोक्‍यो येहकें ओहले ओ़ह फुक्‍पागी कोहला तोह छ्यिम्‍बु च्‍यी़गी का़क्‍यो येहकें।

यूहन्‍ना 12:27

“ताहन्‍दा ङाहगी सेम ज्‍यिबुराङ छाबा-छुबे काहल्‍दी येह, ता़ह ङाह च्‍यि माज्‍ये? ‘ओ़ याहप, ङाहला दि ती़हजी यिहन्‍ज्‍यु थार च्‍य़ू नाङदोङ’ म़ेदी स्‍य़ूहज्‍ये ले? मिहम्‍बा, दि तुहक्‍पु खुर्च्‍येलाराङ ङाह दि जाम्‍बुलीङला ओहङग्‍यो यिहम्‍बा।

यूहन्‍ना 13:21

दि स्‍याहल सुङ छर फान्‍ज्‍यो येशू ज्‍यिबुराङ थु ङ्युङसीन। ओहले राहङगी स्‍याहप्‍च्‍यीया़ला प्रा साल्‍दी सुङ नाङसीन, “तेहम्‍बाराङ ङाह ख्‍याला माएँ, ख्‍या नाहङले मेहन्‍दा च्‍यी़गी ङाहला ज़ुङ च्‍य़ूज्‍ये येह।”

रोमी 12:15

क़ेहनाङ पेहकेनया़ ङ्याम्‍बु क़ेहनाङराङ पेहतोङ, ङुहएँया़ ङ्याम्‍बु ङी़हदोङ।

हिब्रू 4:15

च्‍यिबेमाना ओहराङ मा-फाम्‍बु डोएँमु ओहराङगी गो-छ्येवा पूजाहारीगी ओहराङला सेम सो च्‍य़ू नाङ ख़ूएँ। ओहराङ ल़ेहमुराङ मिहरोॱआङ थाम्‍ज्‍यीराङ से़हया़ला ङ्याहम्‍छेला छ्यि नाङसीन, यिहॱनाङ मिहरोगी तिहक्‍पा च्‍यिॱआङ जे माहनाङ।