यूहन्‍ना 11:27 - ह्योल्‍मो

²⁷ ओहले मार्थागी येशूला स्‍युहसीन, “लाहसो लाह चो़वो, राहङराङ जाम्‍बुलीङला फेप नाङगेन्‍गी किन्‍ज्‍योगी स़ेबु मास्‍यीका यिहम्‍बा म़ेदी ङाह यिह छ्य़ेगे।”

यूहन्‍ना 11:27 ပူးပေါင်းရင်းမြစ်များ

मत्ती 11:3

खुङया़ ओहङदी येशूला दि ल़ेहमु म़ेदी स्‍युहसीन, “ङ्यिहगी रेहवा पेहक्‍योगी थार्पा नाङगेन्‍गी क्‍याहल्‍बु राहङराङ यिहम्‍बानी ङ्यिहगी लेहमेन सुज्‍यीगी लाहम ता कोहएँ?”

मत्ती 16:16

सिमोन-पत्रुसगी ल़ेहन क्‍याहप्‍सीन, “राहङ सोम्‍बो किन्‍ज्‍योगी स़ेबु थार्पा नाङगेन्‍गी मास्‍यीका क्‍याहल्‍बु यिहम्‍बा।”

मत्ती 16:20

ओ़ह तिङले येशूगी, “ङाह थार्पा तेर्केन्‍गी मास्‍यीका यिहम्‍बा माएँ ताम सुलाॱआङ माहस्‍ये” म़ेदी स्‍याहप्‍च्‍यीया़ला का नाङसीन।

लूका 2:11

तिहरीङ दाऊदगी क्‍येसा फायु बेथलेहेमला ख्‍याया़ला थार्पा थोप च्‍य़ू नाङगेन मास्‍यीका ठुङदी येह। ओ़ह स़ेबुराङ किन्‍ज्‍योगी ताङ नाङग्‍योकी चो़वो छ्येवा मास्‍यीका यिहन।

यूहन्‍ना 1:49

नथानेलगी येशूला मासीन, “रब्‍बी, राहङनी किन्‍ज्‍योगी स़ेबु यिहन्‍गे दुबा, ओहले राहङनी इस्राएलीया़गी क्‍याहल्‍बु गा यिहन्‍गे दुबा।”

यूहन्‍ना 4:42

ओहले खुङया़गी ओ़ह पी़हमीला मासीन, “ता़ह ख्‍येगी स्‍य़ेक्‍यो तामगी च्‍यी़राङ पेहती ङ्यिहगी यिह छ्य़ेक्‍यो मिहम्‍बा, यिहॱनाङ ङ्यिह राहङगीराङ मिहरोगी सुङदेन ङ्यिहन्‍ग्‍यो सोङबे तेहम्‍बा-तेहन्‍सुमॱराङ मिहरो जाम्‍बुलीङगी मिहया़ला थार्पा थोप च्‍य़ू नाङगेन्‍दी यिहम्‍बा दु म़ेदी ङ्यिहगी ङोह स्‍य़ेदी येह।”

यूहन्‍ना 6:14

येशूगी जे नाङग्‍योकी दि रोहवा याहम्‍जेन छ्येवागी छ्या़ले थोङदी मिहया़गी मासीन, “जाम्‍बुलीङला फेप्‍च्‍ये येह म़ेदी ओहराङगी रेहवा पेहक्‍योकी लुहङतेम्‍बानी तेहम्‍बा-तेहन्‍सुमॱराङ मिह-रो़हराङ गा यिहन्‍गे दुबा!”

यूहन्‍ना 6:69

ओहले ङ्यिहगी यिह छ्य़ेदी येह ओहले ङोह स्‍य़ेदी येह, राहङ किन्‍ज्‍योगी नाम्‍पार-ताहक्‍पा मिह यिहन।”

ल़ेह-पेन 8:36

ओहले खुङ लाहमला डोडोपा काहङला छ्यु येहकेन ग्‍या़ च्‍यी़ला लेप्‍सीन। ओहले ओ़ह ङुहरुम मिहगी मासीन, “ज़ी़-नाङदोङ, देला छ्यु दुबा! ङाहला बप्‍तिस्‍मा लेहन्‍ज्‍येला च्‍यि से़हगी का़ ख़ूएँ ले?”

ल़ेह-पेन 8:37

[ ओहले फिलिपगी मासीन, “सेम तिहङ यिहन्‍ज्‍युराङ यिह-छ्य़े जे नाङसीन माना राहङगी बप्‍तिस्‍मा ल़ेहन ख़ूएँ।” ओहजेला खोगी, “यिहम्‍बा, येशू मास्‍यीकाॱराङ किन्‍ज्‍योगी स़ेबु यिहन म़ेदी ङाह यिह-छ्य़े पेहके” म़ेदी ओ़ह मिहगी ल़ेहन क्‍याहप्‍सीन।]

१ यूहन्‍ना 5:1

येशूॱराङ मास्‍यीका यिहन म़ेदी यिह छ्य़ेगे थाम्‍ज्‍यी किन्‍ज्‍योगी छार्क्‍यीनया़ यिहम्‍बा। ओहले सुगी किन्‍ज्‍यो याहपला चेवा पेहकेन खोगी राहङगी छार्क्‍यीनॱलाङ चेवा पेहकें।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।