7 ओ़ह सोङबे येशूगी खुङया़ला येहपाराङ सुङ नाङसीन, “तेहम्बाराङ, ङाह ख्याया़ला माएँ, ल़ूहया़गी कोह ङाहराङ यिहम्बा।
“तेहम्बाराङ ङाह ख्याया़ला माएँ, ल़ूह कोहरेकी कोहलेगी मा़हस्युहबा पेहती कोहरेकी तेङ थो़ले स्य़ूहगेन्दी कुमेन दाङ च्याहक्पा यिहम्बा।
कोह ङाहराङ यिहम्बा, का़हलेॱआङ सुज्यी ङाह लाहमले पेहती नाहङला स्य़ूहसीन माना खोला थार च्य़ूज्ये येह, ओहले खो फि-नाहङ ओहङगे-डोएँ पेहच्ये येह, ओहले खोगी पाङगाकी चाया़ काहजे मामा साह ङ्युहङज्ये येह।
ओहले येशूगी खोला सुङ नाङसीन, “लाहम, तेहन्दाम दाङ मिहली ङाहराङ यिहन। ङाह लाहमले पेहती मिहम्बानी सुज्यीॱआङ याहप्च्येन आबासाला लेप मी़हखुएँ।
च्यिबेमाना मिहरो लाहमलेॱराङ यहूदी दाङ लेहमेन क्यिहपा ओहराङ थाम्ज्यीगी च्यिमे च्यी़राङ नाम्पार-ताहक्पा थु ज्योर्ती याहप साला डो ख़ूएँ काहल्दी येह।