यूहन्‍ना 10:6 - ह्योल्‍मो

⁶ येशूगी खुङया़ला दि स्‍याहल पे ज़्‍या़दी सुङ नाङसीन, यिहॱनाङ खुङया़गी दि पेगी तेहन्‍दा ङोह स्‍य़े मा़हखु।

यूहन्‍ना 10:6 ပူးပေါင်းရင်းမြစ်များ

मत्ती 13:34

येशूगी मिहया़ला ताम थाम्‍ज्‍यीलाराङ पे ज़्‍या़दी सुङ नाङगो येहकें। येशूगी खुङया़ला पे मा़हज्‍याबा जेती च्‍यिॱआङ सुङदेन माहनाङ।

मत्ती 13:51

येशूगी स्‍याहप्‍च्‍यीया़ला टी़ह नाङसीन, “च्‍यि ख्‍याया़गी दि तामया़ ङोह स्‍ये़बा?” खुङया़गी “ङोह स्‍येसीन लोबेन लाह” म़ेदी मासीन।

मर्कूस 4:34

मिहया़ला सुङदेन नाङगेमु येशूगी पे मा़हज्‍याबा जेती च्‍यिॱआङ सुङदेन माहनाङ। यिहॱनाङ राहङगी स्‍याहप्‍च्‍यीया़ च्‍यी़राङ येहकेमुदी येशूगी थाम्‍ज्‍यीराङ पेगी तेहन्‍दा प्रा साल नाङगो येहकें।

यूहन्‍ना 16:25

दि केच्‍या ङाहगी ख्‍याला पे लाहमले म़ेदी येह। यिहॱनाङ ती़हजी ओहङगेॱराङ येह, ङाह येहपाराङ ख्‍या ङ्याम्‍बु पे लाहमले ताम माज्‍ये म़ेह, यिहॱनाङ याहपगी तेहन्‍दाला ङाह ख्‍याया़ला छ्यिसाल-नाहङसाल पेहती स्‍येच्‍ये येह।

यूहन्‍ना 16:29

ओहले स्‍याहप्‍च्‍यीया़गी येशूला स्‍युहसीन, “नाहरे गा राहङगी ङ्यिहला पे ज़्‍या़ माहनाङबा जेती थेका सिरेराङ सुङ नाङसीन।

यूहन्‍ना 6:52

दि केच्‍या थे़दे यहूदीया़ राहङ नाहङदोङराङ ठाक-ठाक ठुक-ठुक काहल्‍सीन। खुङया़गी मासीन, “दि मिहगी ओहराङला काह-ठि पेहती राहङगी ज़ुबु साहज्‍येला तेर ख़ूएँ ले?”

यूहन्‍ना 6:60

दि केच्‍या थे़दी येशूगी स्‍याहप्‍च्‍यीया़ नाहङला माहङबुगीराङ मासीन, “दि सुङनी ज्‍यिबुराङ का़हबु दु, दि सुगी ङ्यिहन ख़ूज्‍ये ले?”

यूहन्‍ना 7:36

‘ख्‍यागी ङाहला छोल्‍ज्‍ये येह, यिहॱनाङ च्‍य़ेह सिहन्‍ज्‍ये म़ेह’ च्‍यिबेमाना ‘ङाह डोएँगी ग्‍या़ला ख्‍याया़ ओहङ मी़हखु’ म़ेदी गा माउ दु। दि च्‍यि माज्‍ये छोल्‍ग्‍यो यिहम्‍बा नि स्‍युस्‍ये?”

यूहन्‍ना 8:27

खुङया़ला याहपगी तेहन्‍दाला येशूगी सुङ नाङग्‍यो यिहन माएँ ताम खुङया़गी ङोह मा़हस्‍ये।

यूहन्‍ना 8:43

ङाहगी माक्‍यो ताम ख्‍याया़गी च्‍यिबे ह्‍अ मेहकोहएँ? च्‍यिबेमाना ङाहगी माक्‍यो ताम ख्‍याया़गी ङ्यिहन मी़हखुएँ!

१ कोरिन्‍थी 2:14

का़हन्‍दी मिह यिहक्‍तेन म़ेह, खोगी किन्‍ज्‍योकी थुगी स्‍याहलया़ ल़ेहन मी़हखुएँ। च्‍यिबेमाना ओ़ह से़हया़नी खोगी तेहन्‍दाला उल्‍दुम्‍बा यिहम्‍बा ओ़ह सोङबे खोगी ओ़ह से़हया़ ङोह स्‍य़े मी़हखुएँ, च्‍यिबेमाना ओ़ह से़हया़ यिहक्‍तेन लाहमले च्‍यी़राङ ङोह स्‍य़े ख़ूएँ यिहम्‍बा।

२ पत्रुस 2:22

दि तेहन्‍दामकी पेताम लाहमलेॱराङ खुङया़ला दि ल़ेहमु सुङ नाङदी येह, “क्‍यिबु राहङगी क्‍यू़क्‍यो ग्‍या़लाराङ लो़ह ओहङगे,” “ओहले ठी़ क्‍याहप तेरक्‍योदी फा़ येहपाराङ दाक्‍पालाॱराङ फार छुर बोल्‍गे।”

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।