यूहन्‍ना 10:12 - ह्योल्‍मो

¹² यिहॱनाङ ल़ूह ताज्‍येला ज़्‍या़क्‍योगी योक्‍पुदी फारा ओहङगेन थोङ-लुहङ म़ेहबा ल़ूहया़ला क्‍युर ज़्‍या़दी प्रे़हगे, च्‍यिबेमाना ओ़ह ल़ूहया़ खो राहङदीराङ मिहन। ओहले फारागी ल़ूहया़ला च्‍योम ओहङगे ओहले फेतोर कोहतोर ताङगे।

यूहन्‍ना 10:12 ပူးပေါင်းရင်းမြစ်များ

मत्ती 10:16

“त़ेदोङ, ल़ूहया़ला फाराया़गी पाहरक्‍यीला ताङगे ल़ेहमुराङ ङाह ख्‍याया़ला मिहया़गी पाहरक्‍यीला ताङगो येह। ओ़ह सोङबे ख्‍याया़ प्रुहल ल़ेहमु टिहम्‍बु दाङ दुङगुकुर ल़ेहमु थेका ओहङ कोहकें।

मत्ती 7:15

“चिहन क्‍याहप्‍के लुहङतेम्‍बाया़ ङ्याम्‍बु जेम्‍दे तेहतोङ। खुङ फि ङो़ले ल़ूह जे़दी ओहङगे, यिहॱनाङ नाहङलादी ज्‍यी़ज्‍ये ल़ेहमु फारा ल़ेहमु ओहङगे।

यूहन्‍ना 10:13

खो ले़गा तेर्ती ज़्‍या़क्‍योगी कोहरोवा यिहन्‍गे सोङगोराङ खोला ल़ूहया़दी च्‍योल्‍दो मेहयोहङगे, ओहले खो प्रे़हगे।

यूहन्‍ना 10:2

यिहॱनाङ कोहलेगी नाहङला स्‍य़ूहगेन्‍दी ल़ूह-कोहरोवा यिहम्‍बा।

यूहन्‍ना 10:3

कोह सुङगेन मिहगी खोला कोह खा फे़ तेर्कें ओहले ल़ूहया़गी राहङ ताहक्‍पुगी क़े ङोह स्‍य़ेएँ, ओहले ल़ूह-कोहरोवागी राहङ ल़ूहया़ला मिहन रे़ह-रे़ह तेन्‍दी क़े क्‍याहप्‍ती फिला ख्‍येर्ती डोएँ।

ल़ेह-पेन 20:29

ओहले ङाहला क्‍यी़ह येहबा, ङाह काहल फान्‍ज्‍यो रिह नाहङगी फारा ल़ेहमु मिहया़ ख्‍यागी पाहरक्‍यीला थेन ओहङज्‍ये येह, ओहले छो़बाया़ला तुहक्‍पु तेर्तेॱराङ तेहच्‍ये येह।

१ तिमोथी 3:3

छ्याङसीवा दाङ स्‍यिहताङ छान्‍दी पेहकेन्‍दी ओहङज्‍ये मेहयोहङगे। यिहॱनाङ खो ङ्येम्‍ज्‍युङ ओहङ कोहएँ, ठ़ूस्‍यी सिहङदा मेहबेकेन्‍दी ओहङ कोहएँ, टाङगादी ह्‍अम्‍बा मेहबेकेन्‍दी ओहङ कोहएँ।

१ तिमोथी 3:8

ओ़ह ल़ेहमुराङ पेहती डिकनया़ॱआङ च्‍याह-ठाक्‍पा ओहङ कोहकें, खुङ तेहन्‍दामकी तामया़ माएँदी ओहङ कोहकें, छ्याङसीवा ओहङज्‍ये मेहयोहङगे ओहले क्‍युहला लोपॱआङ पेहच्‍ये मेहयोहङगे।

२ तिमोथी 4:10

च्‍यिबेमाना डेमासकी दि ताहन्‍दाकी जाम्‍बुलीङला चेवा पेहती ङाहला क्‍युर्ती खो थेसलोनिकेला काहल्‍दी येह। क्रेसेन्‍स गलातीयाला काहल्‍दी येहबा, ओहले तीतसती दलमातियाला काहल्‍दी येहबा।

तीतस 1:7

छेन्‍छोककी गोबागी किन्‍ज्‍योकी छ्या़लेया़ ची़ लेहन्‍ग्‍यो ओहङगे। ओ़ह सोङबे खो च्‍यिॱआङ क्‍येन म़ेहबाकी मिह ओहङ कोहकें। ओहले खोगी छ्य़ेन्‍दो तेन्‍ज्‍ये मेहयोहङगे, ग्‍यो़बाराङ स्‍यिहताङ पेहच्‍ये मेहयोहङगे, छ्याङसीवा ओहङज्‍ये मेहयोहङगे, मिहया़ ङ्याम्‍बु ठ़ूस्‍यी सिहङदा पेहच्‍ये मेहयोहङगे ओहले क्‍युहला ह्‍अम्‍बा पेहच्‍ये मेहयोहङगे।

१ पत्रुस 5:2

ल़ूह ताहक्‍पुगी राहङगी ल़ूह बा़लया़ला चारा पेहकें ल़ेहमुराङ ख्‍यागी पाहरक्‍यीला येहकेन्‍गी किन्‍ज्‍योगी छो़बाया़ला चारा पेहतोङ। कारगी मिहम्‍बा यिहॱनाङ राहङ सेम तिहङ यिहन्‍ज्‍युराङ, क्‍युहगी ह्‍अम्‍बागी पेहती मिहम्‍बा यिहॱनाङ क़ेहनाङ पेहती,

२ पत्रुस 2:3

ह्‍अम्‍बाला छ्यिती खुङया़गी माहताक्‍पाकी तामया़ जे़दी ख्‍या लाहमले खेप्‍साङ लेहन्‍ज्‍ये येह। खुङया़ला ङ्य़ेहबा काल्‍गेन्‍गी ताम तोहङलेराङ आप्‍ता च्‍ये सिहन्‍दी येह, ओ़ह सोङबे खुङया़ला ङ्य़ेहबा नाङगेन्‍गी किन्‍ज्‍यो ज़िम माहनाङबा जेती ज़्‍याङदीॱराङ ज़्‍य़ू नाङदी येह।