यूहन्‍ना 1:9 - ह्योल्‍मो

⁹ मिह थाम्‍ज्‍यीला क्‍या-साङे नाङगेन्‍गी तेहन्‍दामकी येहसेर जाम्‍बुलीङला फेप नाङगेराङ येहकें।

यूहन्‍ना 1:9 ပူးပေါင်းရင်းမြစ်များ

मत्ती 6:23

यिहॱनाङ का़हलेॱआङ ख्‍येगी मी़ साल्‍बु मे़हसीमाना ज़ुबु थाम्‍ज्‍यीराङ ना़-जुबे ओहङगे। ओ़ह ल़ेहमुराङ ख्‍येगी सेमला येहकेन्‍गी क्‍या-साङेदी ना़-जुबे डोसीमाना तोहरोङ ओ़हदी काहजे माहङबु ना़-जुबे डोवा!”

लूका 11:36

ख्‍या ज़ुबुगी का़हन्‍दीॱआङ ओङबुया़ ना़-जुबे म़ेहबा पेहती थाम्‍ज्‍यीराङ क्‍या-साङे येहसीमाना ओ़ह थाम्‍ज्‍यीराङ येहपा छ्याएँ, ओ़ह ल़ेहमुराङ पेहती लोकी येहसेरगी ख्‍याया़ला क्‍या-साङे तेर्के।”

यूहन्‍ना 1:4

मिहरो ङ्याम्‍बु मिहली येहकें, ओहले ओ़ह मिहली मिहया़गी येहसेर येहकें।

यूहन्‍ना 1:7

खो लाहमले मिह थाम्‍ज्‍यीगी यिह-छ्य़े ख़ूज्‍यु म़ेदी ओ़ह येहसेरकी तेहन्‍दाला प्रा-साल्‍ज्‍येला खो पाङबु पेहती ओहङसीन।

यूहन्‍ना 12:46

जाम्‍बुलीङगी येहसेर ङाहराङ यिहन। ङाहला यिह छ्य़ेगेया़ सुज्‍यीॱआङ ना़-जुबेला माहछ्यीज्‍यु म़ेदी ङाह जाम्‍बुलीङला ओहङसीन।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

यूहन्‍ना 15:1

“ताहङमा कुहन्‍डुम तोहङबो ङाहराङ यिहन, ओहले ङाहती याहपदी स्‍यिहङला ल़ेह पेहकेन्‍गी मिह यिहम्‍बा।

यूहन्‍ना 6:32

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍याया़ला स्‍यिहङगामलेगी खुरा तेर्केन्‍दी मोशागी मिहन, यिहॱनाङ स्‍यिहङगामलेगी ख्‍याया़ला तेहन्‍दामगी खुरा नाङगेन्‍दी ङाहगी याहप यिहम्‍बा।

यूहन्‍ना 7:12

मिह मिह-माहङया़गी पाहरक्‍यीला येशूगी तेहन्‍दाला माहङबुराङ लोहङडी काहल्‍सीन। लाहलागी, “खोनी मिह या़हबु यिहम्‍बा” म़ेदी माउ येहकें ओहले लाहलागीनी, “मिहम्‍बा, खोनी मिहया़ला गो़ च्‍यी़राङ कोर च्‍य़ूएँ” म़ेदी माउ येहकें।

१ यूहन्‍ना 1:8

का़हलेॱआङ ओहराङगी राहङला तिहक्‍पा च्‍यिॱआङ म़ेह म़ेदी मासीमाना राहङगी राहङला गो़ कोर च्‍य़ूगे, ओहले ओहराङ ङ्याम्‍बु तेहन्‍दाम मेहयोहङगे।

१ यूहन्‍ना 2:8

यिहॱनाङ ङाह ख्‍याया़ला साम्‍बा का च्‍यी़ प्रुहएँॱराङ येहबा, दि कागी तेहन्‍दाम मास्‍यीकाला थोङदी येह ओहले ख्‍याॱलाङ थोङदेराङ येहबा, च्‍यिबेमाना ता़ह ना़-जुबेदी तोर्ती डोॱराङ येहबा, ओहले तेहन्‍दामगी येहसेर तोहङ यिहन्‍ज्‍युराङ येहपा छ्या़देॱराङ येहबा।

१ यूहन्‍ना 5:20

किन्‍ज्‍योगी स़ेबु फेप नाङसीन ओहले मिहरोगी ओहराङला तेहन्‍दामगी किन्‍ज्‍योला ङोह स्‍य़े ख़ूएँगी येहन्‍देन नाङसीन। दि ओहराङला क्‍यी़ह येह। ओहराङ मिहरोगी स़ेबु येशू मास्‍यीकाला येहकें सोङबे तेहन्‍दामकी किन्‍ज्‍यो ङ्याम्‍बुराङ येह। मिह-रो़हराङ तेहन्‍दामकी किन्‍ज्‍यो दाङ था़ म़ेहबा मिहली यिहन।