यूहन्‍ना 1:51 - ह्योल्‍मो

⁵¹ ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, ख्‍यागी स्‍यिहङगाम खा फे़क्‍यो दाङ किन्‍ज्‍योकी स्‍यिहङगामकी स्‍याहप्‍च्‍यीया़ला मिहगी स़ेबु थो़ला याहर-माहर पेहक्‍यो थोङज्‍ये येह।”

यूहन्‍ना 1:51 ပူးပေါင်းရင်းမြစ်များ

मत्ती 25:31

“मिहगी स़ेबु थाम्‍ज्‍यीराङ स्‍यिहङगामगी स्‍याहप्‍च्‍यीया़ ङ्याम्‍बु राहङगी ज़िज्‍यिद छ्यिम्‍बुला फेप्‍ती राहङगी ज़्‍य़ू-ठिला ज़्‍य़ू नाङज्‍ये येह।

मत्ती 26:24

सुङरापला प्रुहक्‍यो ल़ेहमुराङ मिहगी स़ेबुनी डोॱराङ कोहएँ। यिहॱनाङ काहजे छा़ तुहवा ओ़ह मिहला, का़हन्‍दीगी मिहगी स़ेबुला ज़ुङ च्‍य़ूगे। खोनी तोहरोङ क्‍येॱराङ मा़हक्‍येबा येहना या़हबु ओहङज्‍ये येहकें!”

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

मत्ती 4:11

ओहजेला ती़ह गो-छ्येवागी येशूला क्‍युर ज़्‍या़दी काहल्‍सीन ओहले स्‍यिहङगामकी स्‍याहप्‍च्‍यीया़ ओहङदी येशूला स्‍याहप्‍तो डुप्‍सीन।

मत्ती 8:20

येशूगी खोला ल़ेहन क्‍याहप नाङसीन, “ते़, लिहन्‍दीया़दी यिहप्‍केन्‍गी फुक्‍पा येह, च्‍याह-च्‍यिहवाया़दी छाङ येह, यिहॱनाङ मिहगी स़ेबुदीनी गो़ ज़्‍या़सा ग्‍या़ च्‍यिॱआङ म़ेह!”

मत्ती 9:6

यिहॱनाङ त़ेदोङ, दि जाम्‍बुलीङला मिहगी स़ेबुला मिहगी तिहक्‍पा ता़ह च्‍य़ूज्‍येला ओङ थोप्‍ती येह।” ओहले येशूगी ओ़ह नेहपाला सुङ नाङसीन, “ता़ह लाहङदोङ, राहङगी तेङगो खुर्ती खाङबाला सोङ।”

मर्कूस 1:10

ओहले छ्युलेगी फिला थेन फेप-लुहङ मे़हबाराङ स्‍यिहङगाम खा फ़ेसीन ओहले नाम्‍पार-ताहक्‍पा थु दुङगुकुर ल़ेहमु जेती राहङ थो़ला फेप नाङगेराङ जेक्‍यो येशूगी ज़ी़ नाङसीन।

मर्कूस 14:62

ओहले येशूगी सुङ नाङसीन, “यिहम्‍बा, ङाह यिहम्‍बा ओहले ङ्यिहमा च्‍यी़ ख्‍या फे़बेया़गी मिहगी स़ेबुला थाम्‍ज्‍यी म़ेदी ओङ छ्यिम्‍बु किन्‍ज्‍योगी योबा ङो़गी ज़्‍य़ू-ठिला तेहक्‍यो दाङ स्‍यिहङगामले माहर मुक्‍पाला ओहङगेॱराङ पेहक्‍यो थोङज्‍ये येह!”

लूका 2:13

ओहले याहङमे-याहङराङ ओ़ह स्‍यिहङगामकी स्‍याहप्‍च्‍यी ङ्याम्‍बु राहङसा क्‍याहक्‍चेराङ स्‍यिहङगामकी स्‍याहप्‍च्‍यीया़ थोङसीन ओहले किन्‍ज्‍योला दि ल़ेहमु पेहती त़ेरा फुल्‍सीन,

लूका 2:9

ओहले ल़ूह-कोहरोवाया़गी स्‍यिहङगामकी स्‍याहप्‍च्‍यी च्‍यी़ थोङसीन ओहले चो़वो छ्येवागी येहसेर खुङगी छ्यो़ ज़्‍यिलाराङ क्‍याहप्‍सीन। ओहले कोहरोवाया़ ज्‍यी़दी दार्सीन।

लूका 22:43

[सोल्‍वाङ ताप-ताप्‍पा काहङला स्‍यिहङगामकी स्‍याहप्‍च्‍यी च्‍यी़ ओहङदी येशूला तुहक्‍पु ना़ थुप्‍केन्‍गी ओङ नाङसीन।

लूका 22:69

यिहॱनाङ, ता़ह यिहन्‍ज्‍यु किन्‍ज्‍योगी ताङ नाङग्‍योकी मिह ओङज्‍या छ्यिम्‍बु नोम्‍गेन्‍गी किन्‍ज्‍योगी योबा ङो़गी टाहलगी थो़स्‍योला तेहच्‍ये येह!” म़ेदी येशूगी सुङ नाङसीन।

लूका 24:4

ओहले खुङया़ दिगी तेहन्‍दाला थामा थोमे पेहती तेहकेमु याहङमे-याहङलाराङ येहपा छ्याएँ थुगी नाहम्‍सा नोम्‍ग्‍योगी क्‍येप-ख्‍योवा ङ्यी़ खुङया़गी पोहला ज़्‍याङग्‍यो थोङसीन।

लूका 3:21

ओहले मिह थाम्‍ज्‍यीगी बप्‍तिस्‍मा लेहन्‍सीन, ओहले येशूगीॱआङ बप्‍तिस्‍मा नोम्‍दी सोल्‍वाङ ताप्‍ती ज़्‍य़ू नाङगेमु स्‍यिहङगाम खा फ़ेसीन,

यूहन्‍ना 1:50

ओहले येशूगी खोला ल़ेहन क्‍याप नाङसीन, “ङाहगी ख्‍येला को़स्‍यीङ तोहङबो चो़ला थोङग्‍यो माक्‍यो सुङगोराङ च्‍यि ख्‍येगी यिह छ्य़ेक्‍यो यिहम्‍बा? ख्‍येगी दि म़ेदीॱआङ छ्यिम्‍बु से़हया़ थोङज्‍ये येह।”

यूहन्‍ना 10:1

“तेहम्‍बाराङ ङाह ख्‍याया़ला माएँ, ल़ूह कोहरेकी कोहलेगी मा़हस्‍युहबा पेहती कोहरेकी तेङ थो़ले स्‍य़ूहगेन्‍दी कुमेन दाङ च्‍याहक्‍पा यिहम्‍बा।

यूहन्‍ना 10:7

ओ़ह सोङबे येशूगी खुङया़ला येहपाराङ सुङ नाङसीन, “तेहम्‍बाराङ, ङाह ख्‍याया़ला माएँ, ल़ूहया़गी कोह ङाहराङ यिहम्‍बा।

यूहन्‍ना 13:16

तेहम्‍बाराङ ङाह ख्‍याया़ला माएँ, योक्‍पु राहङगी ताहक्‍पु म़ेदी छ्यिम्‍बु ओहङ मी़हखुएँ, ओहले लेहङगु ख्‍येर्केनया़ लेहङगु ताङगे मिह म़ेदी छ्यिम्‍बु ओहङ मी़हखुएँ।

यूहन्‍ना 13:38

ओहले येशूगी सुङ नाङसीन, “च्‍यि ख्‍ये ङाहगी तेहन्‍दाला स्‍यि कोहॱनाङ स्‍यि ख़ूएँ ले? तेहम्‍बाराङ ङाह ख्‍येला माएँ, ख्‍येगी ङाहला लेहमा सुम मा-लोक माहबे थु च्‍याहबु पेहच्‍ये म़ेह।”

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

यूहन्‍ना 16:20

तेहम्‍बाराङ, ङाह ख्‍याला माएँ, ख्‍या ङी़हदी ङुहप्रा तिहङरा पेहच्‍ये येह, यिहॱनाङ जाम्‍बुलीङ क़ेहनाङ पेहच्‍ये येह। ख्‍याया़गी ङ्याहङेन पेहॱनाङ ख्‍यागी ङ्याहङेन क़ेहनाङला ग्‍युर्च्‍ये येह।

यूहन्‍ना 16:23

ओ़ह ती़हजीला ख्‍याया़गी ङाहला च्‍यिॱआङ टी़हज्‍ये म़ेह। तेहम्‍बाराङ ङाह ख्‍याला माएँ, ख्‍यागी ङाहती मिहनला याहप ङ्याम्‍बु च्‍यि लाङगे, ओ़ह मिहरोगी ख्‍याला नाङज्‍ये येह।

यूहन्‍ना 21:18

तेहम्‍बाराङ ङाह ख्‍येला माएँ, ख्‍ये स्‍यारा येहकेंमु राहङगी कारा राहङगीराङ च्‍यिङगो येहकें, ओहले का़हला सेम थेप्‍कें ओ़हलाराङ डोउ येहकें। यिहॱनाङ केहपु काहल फान्‍ज्‍यो ख्‍येगी राहङगी लाहक्‍पा क्‍याङज्‍ये येह, ओहले लेहमेन मिहगी ख्‍येला कारा च्‍यिङ तेर्च्‍ये येह, ओहले ख्‍येला सेम मेहथेप्‍केन ग्‍या़ला ख्‍येर्च्‍ये येह।”

यूहन्‍ना 3:3

ओहले येशूगी खोला सुङ नाङसीन, “तेहम्‍बाराङ ङाह ख्‍येला माएँ, साम्‍बा पेहती माहक्‍ये थु सुज्‍यीगीॱआङ किन्‍ज्‍योगी क्‍याहल्‍सी थोङ मी़हखुएँ।”

यूहन्‍ना 3:5

येशूगी ल़ेहन क्‍याहप नाङसीन, “तेहम्‍बाराङ ङाह ख्‍येला माएँ, छ्यु दाङ थु लाहमले माहक्‍ये थु सुज्‍यीॱआङ किन्‍ज्‍योगी क्‍याहल्‍सीला स्‍य़ूह ख़ूज्‍ये म़ेह।

यूहन्‍ना 5:19

येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, स़ेबु राहङगीनी च्‍यिॱआङ पेह मी़हखुएँ, यिहॱनाङ याहपगी च्‍यि जे नाङग्‍यो थोङगे ओ़ह च्‍यी़राङ पेहकें, च्‍यिबेमाना याहपगी च्‍यि जे नाङगे, स़ेबुगीॱआङ ओहराङ पेहकें।

यूहन्‍ना 5:27

ओहले खोला ठिम आप्‍ता च्‍येकेन्‍गी ओङ नाङदी येहबा, च्‍यिबेमाना खो मिहगी स़ेबु यिहम्‍बा।

यूहन्‍ना 6:26

ओहले येशूगी खुङया़ला सुङ नाङसीन, “तेहम्‍बाराङ ङाह ख्‍याया़ला माएँ, ख्‍यागी ताक्‍छेनया़ थोङग्‍यो सोङबे मिहम्‍बा, यिहॱनाङ साह ख़ूएँ थु खुरा साहक्‍यो सोङबे गा ख्‍यागी ङाहला छोल्‍ग्‍यो यिहन।

यूहन्‍ना 6:32

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍याया़ला स्‍यिहङगामलेगी खुरा तेर्केन्‍दी मोशागी मिहन, यिहॱनाङ स्‍यिहङगामलेगी ख्‍याया़ला तेहन्‍दामगी खुरा नाङगेन्‍दी ङाहगी याहप यिहम्‍बा।

यूहन्‍ना 6:47

तेहम्‍बाराङ ङाह ख्‍याया़ला माएँ, का़हन्‍दीगी ङाहला यिह छ्य़ेगे खो ङ्याम्‍बु था़ म़ेहबा मिहली ज़ाङबु येह।

यूहन्‍ना 6:53

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, ख्‍यागी मिहगी स़ेबुदी ज़ुबु मेहसाहसीमाना ओहले खोगी ठा़ मिहथुङसीन माना, ख्‍याया़ ङ्याम्‍बु मिहली मेहयोहङगे।

यूहन्‍ना 8:34

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, तिहक्‍पा पेहकेन मिह थाम्‍ज्‍यी तिहक्‍पागी योक्‍पु यिहम्‍बा।

यूहन्‍ना 8:51

तेहम्‍बाराङ ङाह ख्‍याया़ला माएँ, ङाहगी सुङदेन ङ्यिहन्‍गेया़ नाहमॱआङ स्‍यि कोहज्‍ये म़ेह।”

यूहन्‍ना 8:58

येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, अब्राहाम क्‍येएँ म़ेदी तोहङलेराङ ङाह येहकें।”

ल़ेह-पेन 10:11

ओहले खोगी स्‍यिहङगाम खा फ़ेदी स्‍यिहङगामले माहर सुहर ज़्‍यिला ताहम्‍ग्‍योगी गार्क्‍याङ छ्यिम्‍बु च्‍यी़ जाम्‍बुलीङ ङो़ले चाहर तेहक्‍यो थोङसीन।

ल़ेह-पेन 7:56

ओहले खोगी मासीन, “त़ेदोङ, ङाहगी स्‍यिहङगाम खा फे़क्‍यो थोङसीन, ओहले मिहगी स़ेबुला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।”

२ थेसलोनिकी 1:7

ओहले ख्‍या तुहक्‍पु ङ्युहङगेनया़ला ङ्यिह ङ्याम्‍बुराङ मिहरोगी थाङ सो च्‍य़ू नाङज्‍ये येह। ओहले दि थाम्‍ज्‍यी मिहरोगी चो़वो येशू ओङ छ्यिम्‍बुकी स्‍यिहङगामकी स्‍याहप्‍च्‍यीया़ ङ्याम्‍बु स्‍यिहङगामले माहर फेप नाङगेमु जे नाङज्‍ये येह।

२ थेसलोनिकी 1:9

ओहले खुङया़ला था़ म़ेहबा तोङदी डोएँगी ङ्य़ेहबा फो़ज्‍ये येह, ओहले चो़वो ङ्याम्‍बुकी छोक्‍पा दाङ मिहरोकी ओङ छ्यिम्‍बु ज़िज्‍यिद लाहमले खा फ़ेदी तेह कोहच्‍ये येह।

१ तिमोथी 3:16

तेहम्‍बाराङ किन्‍ज्‍योला क्‍याप्‍केन्‍गी तेहन्‍दा ङोहॱराङ स्‍ये मी़हखुएँगी नाहङ-ताम काहजे छ्यिम्‍बु येहबा? मास्‍यीका मिहगी पी़नाङ नोम्‍दी फेप नाङसीन, नाम्‍पार-ताहक्‍पा थुगी मिहरोला टाहङबु यिहम्‍बा म़ेदी तेन नाङसीन ओहले मिहरोला स्‍यिहङगामकी स्‍याहप्‍च्‍यीया़गीॱआङ थोङसीन। ओहले मिहरोकी तेहन्‍दाला लुहङबा लुहङबागी मिहया़गी थ़ेसीन, जाम्‍बुलीङला मिहरोला मिहया़गी यिह-छ्य़े पेहसीन ओहले किन्‍ज्‍योगी मिहरोला येहपाराङ स्‍यिहङगामला ज्‍यिबुराङ चा़ जेती नोम फेप्‍सीन!

हिब्रू 1:14

च्‍यि ओ़ह थाम्‍ज्‍यी स्‍यिहङगामकी स्‍याहप्‍च्‍यीया़ थार्पा ज्‍योर्केया़गी तेहन्‍दाला स्‍याहप्‍तो स्‍य़ूहज्‍येला ताङग्‍यो स्‍याहप्‍तो स्‍युहएँकी नाम्‍स्‍यीया़ मिहम्‍बा ले?

यहूदा 1:14

आदमकी मिहदो तिहन हनोकगीॱआङ दि मिहया़गी तेहन्‍दाला तिङले ओहङगेन्‍गी तामया़ तोहङलेराङ दि ल़ेहमु जेती सुङ नाङग्‍यो येहकें, “त़ेदोङ चो़वो, टाहङमाराङ क्‍याहप मी़हखुएँगी राहङगी नाम्‍पार-ताहक्‍पा मिहया़ ङ्याम्‍बु फेप नाङगेराङ येह,

ज्‍याल्‍गा 19:11

ओहले ङाहगी स्‍यिहङगाम खा फे़क्‍यो थोङसीन ओहले ओ़हला ताबु कार्पु च्‍यी़ थोङसीन। ओ़ह ताबु खाला स्‍येहन नाङग्‍योगी छेनदी “यिह-छ्य़ेबु दाङ तेहन्‍दाम” दुबा। मिहरोगी टाहङदेनला ठिम दाङ मा़ क्‍याहप नाङगे।

ज्‍याल्‍गा 4:1

दि तिङले ङाहगी तासीन, ओहले स्‍यिहङगामला खा फे़क्‍यो कोह च्‍यी़ थोङसीन। ङाहगी तोहङले थे़क्‍यो क़ेदी रोहवा-लीङगी क़े ल़ेहमु येहकें ओहले ओ़ह क़े लाहमलेॱराङ ङाह ङ्याम्‍बु दि ल़ेहमु जेती स्‍याहल सुङ नाङगेराङ येहकें, “याहर जा़दे स्‍यो ओहले दि तिङले ओहङगेन्‍गी केच्‍याया़ ङाहगी ख्‍येला तेन्‍ज्‍ये येह।”