यूहन्‍ना 1:44 - ह्योल्‍मो

⁴⁴ अन्‍द्रियास दाङ पत्रुस ल़ेहमुराङ फिलिपॱआङ बेथसेदा क्‍याहसादी यिहन्‍गे।

यूहन्‍ना 1:44 ပူးပေါင်းရင်းမြစ်များ

मत्ती 10:3

फिलिप दाङ बारथोलोमाइ, थोमा दाङ ठाल तुहएँगी मत्ती, अल्‍फयसकी पुह याकूब दाङ थेदियस,

मत्ती 11:21

“ए खोराजीन दाङ बेथसेदागी मिहया़, ख्‍याया़ काहजे छा़ तुहवा! ख्‍याया़गी पाहरक्‍यीला पेहक्‍योगी याहम्‍जेन छ्येवागी ल़ेहया़ टुरोस दाङ सीदोन लुहङबाला पेहपा यिहनानी खुङया़गी तोहङलेराङ फाजीगी काप्‍च्‍या केहन्‍दी थाला की़दी सेमगी स्‍या़बा पेहती तिहक्‍पा पाङज्‍ये येहकें।

मर्कूस 3:18

ओहले अन्‍द्रियास, फिलिप, बारथोलोमाइ, मत्ती, थोमा, अल्‍फयसकी पुह याकूब, थेदियस, सिमोन कनानी,

मर्कूस 6:45

ओहले येशूगी लाहम्‍साङराङ स्‍याहप्‍च्‍यीया़ला टुह-छ्युङला जा़दी छोगी फार्केन देपकी बेथसेदा माएँ युहलला ताङ चाहङ नाङसीन। येशू राहङदी मिहया़ला कोहङबा नाङज्‍येला ओ़हलाराङ ज़्‍य़ू नाङसीन।

मर्कूस 8:22

खुङ फ़ेबेॱया बेथसेदा युहलला लेप नाङगेमु मिहया़गी मी़ मेहथोङगेन मिह च्‍यी़ ख्‍योङदी, “खोला राहङगी छ्या़गी दे़ नाङदोङ लाह” म़ेदी येशूला स्‍युहसीन।

लूका 10:13

“ए खोराजीन दाङ बेथसेदा क्‍याहसाकी मिहया़, ख्‍या काहजे छा़ तुहवा! च्‍यिबेमाना ख्‍यागी पाहरक्‍यीला पेहक्‍योगी याहम्‍जेन छ्येवाया़गी ल़ेहया़ टुरोस दाङ सीदोन क्‍याहसाला पेहपा यिहनानी, ओ़ह क्‍याहसाकी मिहया़गी सेमगी स्‍या़बा पेहती तिहक्‍पा पाङज्‍ये येहकें। ओहले फाजी केहन्‍दी गो़ला थाला कुज्‍ये येहकें।

लूका 6:14

ल़ेह-पेनया़गी मिहन दिया़राङ यिहम्‍बा– येशूगी सिमोनला पत्रुस माएँ मिहन ज़्‍या़ नाङसीन ओहले पत्रुसकी नो़ह अन्‍द्रियास, याकूब, यूहन्‍ना, फिलिप, बारथोलोमाइ,

लूका 9:10

ल़ेह-पेनया़ या़हबु लेहङगु स्‍येती लो़ह ओहङसीम्‍बाराङ खुङगी च्‍यि च्‍यि पेहपा ओ़हदी येशूला स्‍येसीन। ओहले येशूगी खुङया़ला बेथसेदा क्‍याहसाला नोम फेप नाङसीन।

यूहन्‍ना 1:43

नाहङबार च्‍युङ येशू गालील साने़ला फेप्‍च्‍ये म़ेदी थेन फेप्‍सीन। ओहले येशूगी फिलिपला थु नाङसीन ओहले सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 1:45

फिलिपगी नथानेलला थू़दी मासीन, “छ्य़े-ठिमला मोशा दाङ लुहङतेम्‍बाया़गी का़हन्‍दी मिहगी तेहन्‍दाला प्री़हदी येहकें, मिहरोला ङ्यिहगी ज्‍याल्‍सीन। मिहरो नि नासरत युहलला ज़्‍यू़गेन्‍गी योसेफकी पुह येशू गा यिहन्‍गे दुबा।”

यूहन्‍ना 1:46

दि थे़दी नथानेलगी खोला मासीन, “नासरतलेगीॱआङ च्‍यिॱआङ या़हबु स़ेह ओहङ ख़ूएँ ले?” ओहले फिलिपकी मासीन, “ओहङदी ता स्‍यो नाह ले!”

यूहन्‍ना 1:48

ओहले नथानेलगी टी़हसीन “ङाहला राहङगी काह-ठि पेहती ङोह ख्‍येन्‍बा ले?” ओहले येशूगी खोला ल़ेहन क्‍याहप्‍ते सुङ नाङसीन, “फिलिपगी ख्‍येला क़े क्‍याहप्‍केन म़ेदी तोहङले ङाहगी ख्‍येला को़स्‍यीङ तोहङबो चो़ला थोङग्‍यो येहकें।”

यूहन्‍ना 12:21

खुङगी गालील साने़की बेथसेदा माएँ युहलले ओहङग्‍योकी फिलिप साला ओहङदी मासीन, “लाहसो लाह, ङ्यिह येशूला ज्‍याल्‍ज्‍ये म़ेदी ओहङग्‍यो यिहम्‍बा।”

यूहन्‍ना 12:22

फिलिपगी काहल्‍दी अन्‍द्रियासला मासीन, ओहले अन्‍द्रियास दाङ फिलिप काहल्‍दी ओ़ह ताम येशूला स्‍युहसीन।

यूहन्‍ना 6:5

येशूगी मिह मिह-माहङ छ्यिम्‍बुच्‍यी राहङ ङो़ले ओहङ तेहक्‍यो ज़ी़दी फिलिपला टी़ह नाङसीन, “दि मिहया़ला साहज्‍ये तेर्च्‍येला ओहराङगी का़हलेगी खुरा ङ्ये़हदी ख्‍योङज्‍ये ता़ह?”

यूहन्‍ना 6:7

ओहले फिलिपगी येशूला स्‍युहसीन, “ओहराङगी ङुल-टाङ ङ्यिहक्‍यागी खुरा ङ्योहॱनाङ दि मिहया़ला सिपी रे़ह-रे़हॱआङ ख्‍येप च्‍य़ू मी़हखुएँ।”

ल़ेह-पेन 1:13

ओहले यरूशलेम क्‍याहसाला लेप्‍ती खुङ राहङ तेहकेन्‍गी खाङबागी थो़मे तेङला काहल्‍सीन। खुङ फ़ेबेॱया मेहन्‍दा च्‍यू़ज्‍यी येहके– पत्रुस, यूहन्‍ना, याकूब, अन्‍द्रियास, फिलिप, थोमा, बारथोलोमाइ, मत्ती, अल्‍फयसकी पुह याकूब, देशभक्त माएँगी सिमोन दाङ याकूबकी पुह यहूदा येहकें।