यूहन्‍ना 1:43 - ह्योल्‍मो

⁴³ नाहङबार च्‍युङ येशू गालील साने़ला फेप्‍च्‍ये म़ेदी थेन फेप्‍सीन। ओहले येशूगी फिलिपला थु नाङसीन ओहले सुङ नाङसीन, “ख्‍ये ङाहगी तिङदा तिङ स्‍यो।”

यूहन्‍ना 1:43 ပူးပေါင်းရင်းမြစ်များ

मत्ती 10:3

फिलिप दाङ बारथोलोमाइ, थोमा दाङ ठाल तुहएँगी मत्ती, अल्‍फयसकी पुह याकूब दाङ थेदियस,

मत्ती 4:12

यूहन्‍ना चोन-खाङला छ्यिसीन दु माएँ ताम थे़दी येशू गालील ङो़ले फेप नाङसीन।

मत्ती 8:22

यिहॱनाङ येशूगी खोला सुङ नाङसीन, “रोहगीॱराङ खो राहङगी रोह तो़हज्‍यु, ख्‍येदी ङाहला ताहदा क्‍याहप्‍ती स्‍यो!” म़ेदी सुङ नाङसीन।

मत्ती 9:9

येशू ओहलेगी फेप नाङगेमु मत्ती माएँ मिह च्‍यी़ला ठाल तुहएँगी खाङबाला तेहक्‍यो ज़ी़ नाङसीन, ओहले खोला येशूगी सुङ नाङसीन, “ङाहला ताहदा क्‍याहप्‍ती स्‍यो।” ओहजेला मत्ती लाहङदी येशूला ताहदा क्‍याहप्‍ती काहल्‍सीन।

लूका 19:10

ङाह मिहगी स़ेबु तोरक्‍यो मिहया़लाॱराङ छोल्‍ज्‍ये दाङ थार्पा तेर्च्‍ये म़ेदी ओहङग्‍यो यिहम्‍बा” म़ेदी येशूगी सुङ नाङसीन।

यूहन्‍ना 1:28

दि केच्‍या यूहन्‍नागी बप्‍तिस्‍मा तेर्केॱराङ पेहक्‍योकी यर्दन चाङबुगी फार्केन देपला येहकेन्‍गी बेथानिया युहलला काहल्‍ग्‍यो येहकें।

यूहन्‍ना 1:29

नाहङबार च्‍युङ यूहन्‍नागी येशूला राहङ ङो़ले फेप्‍केनॱराङ जेक्‍यो थोङदी मासीन, “त़ेदोङ, जाम्‍बुलीङकी तिहक्‍पा क्‍या़दी नोम फेप नाङगे किन्‍ज्‍योकी ल़ूह स्‍ये़बु!

यूहन्‍ना 1:35

नाहङबार च्‍युङ येहपाराङ यूहन्‍ना राहङगी स्‍याहप्‍च्‍यी ङ्यी़ ङ्याम्‍बु ओ़ह ग्‍या़लाराङ लाहङदी तेहती येहकें।

यूहन्‍ना 1:37

यूहन्‍नागी माक्‍यो दि ताम थे़सीम्‍बाराङ ओ़ह स्‍याहप्‍च्‍यी ङ्यी़ येशूगी तिङदा तिङ काहल्‍सीन।

यूहन्‍ना 1:44

अन्‍द्रियास दाङ पत्रुस ल़ेहमुराङ फिलिपॱआङ बेथसेदा क्‍याहसादी यिहन्‍गे।

यूहन्‍ना 12:21

खुङगी गालील साने़की बेथसेदा माएँ युहलले ओहङग्‍योकी फिलिप साला ओहङदी मासीन, “लाहसो लाह, ङ्यिह येशूला ज्‍याल्‍ज्‍ये म़ेदी ओहङग्‍यो यिहम्‍बा।”

यूहन्‍ना 14:8

फिलिपगी येशूला स्‍युहसीन, “ओ़ चो़वो, ङ्यिहला याहप तेन नाङदोङ नाह, ओहजे येहना ङ्यिहला दाङगे।”

यूहन्‍ना 2:11

मिहरोगी याहम्‍जेन छ्येवागी ताक्‍छेनया़ नाहङला दि तोहङस्‍यो ताक्‍छेन यिहम्‍बा। दि येशूगी गालील साने़की काना माएँ क्‍याहसाला जे नाङसीन। दि ल़ेहमु जेती मिहरोगी राहङगी ज़िज्‍यिद तेन नाङसीन, ओहले मिहरोकी स्‍याहप्‍च्‍यीया़गी मिहरो थो़ला यिह छ्य़ेसीन।

यूहन्‍ना 6:5

येशूगी मिह मिह-माहङ छ्यिम्‍बुच्‍यी राहङ ङो़ले ओहङ तेहक्‍यो ज़ी़दी फिलिपला टी़ह नाङसीन, “दि मिहया़ला साहज्‍ये तेर्च्‍येला ओहराङगी का़हलेगी खुरा ङ्ये़हदी ख्‍योङज्‍ये ता़ह?”

यूहन्‍ना 6:7

ओहले फिलिपगी येशूला स्‍युहसीन, “ओहराङगी ङुल-टाङ ङ्यिहक्‍यागी खुरा ङ्योहॱनाङ दि मिहया़ला सिपी रे़ह-रे़हॱआङ ख्‍येप च्‍य़ू मी़हखुएँ।”

फिलिप्‍पी 3:12

ङाहगी दि से़हया़ तोहङलेराङ ज्‍योर सिहन्‍दी येह, ङाह तोहङलेराङ याहङ-ताहक्‍पा काहल सिहन्‍दी येह म़ेदीनी मिहम्‍बा, यिहॱनाङ ओ़ह से़हया़ला ज़ुङज्‍येकी तेहन्‍दाला ङाह तोहङदा-तोहङ स्‍युक पेहती छ्योङगेराङ येह ओ़ह से़हया़गी तेहन्‍दालाराङ मास्‍यीकागी ङाहला ज़ुङ नाङसीन।

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।