यूहन्‍ना 1:41 - ह्योल्‍मो

⁴¹ खोगी थाम्‍ज्‍यी म़ेदी तोहङले राहङगी आदा सिमोनला थू़दी मासीन, “ङ्यिहगी मसीहला थ़ूसीन।” (हिब्रू तामला “मसीहकी” तेहन्‍दाती ग्रीक तामला “ख्रीष्‍ट” ओहङगेमाना प़ेह तामलादी मास्‍यीका ओहङगे।)

यूहन्‍ना 1:41 ပူးပေါင်းရင်းမြစ်များ

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

लूका 2:17

ल़ेनु स़ेबुला थोङदी ल़ूह-कोहरोवाया़गी स्‍यिहङगामकी स्‍याहप्‍च्‍यीगी स़ेबुगी तेहन्‍दाला च्‍यि च्‍यि मे़बा ओ़ह थाम्‍ज्‍यीराङ स्‍येसीन।

लूका 2:38

ओ़ह ती़हजीला मोहॱआङ मरियम दाङ योसेफगी पोहला ओहङदी किन्‍ज्‍योला थुज्‍यी-छ्ये़ फुल्‍सीन। ओहले किन्‍ज्‍योगी यरूशलेम दाङ इस्राएलगी मिहया़ला थार च्‍य़ू नाङगेन म़ेदी क़ूह तेहक्‍यो मिहया़ला येशूगी तेहन्‍दाला मोहगी स्‍येसीन।

यूहन्‍ना 1:45

फिलिपगी नथानेलला थू़दी मासीन, “छ्य़े-ठिमला मोशा दाङ लुहङतेम्‍बाया़गी का़हन्‍दी मिहगी तेहन्‍दाला प्री़हदी येहकें, मिहरोला ङ्यिहगी ज्‍याल्‍सीन। मिहरो नि नासरत युहलला ज़्‍यू़गेन्‍गी योसेफकी पुह येशू गा यिहन्‍गे दुबा।”

यूहन्‍ना 4:25

ओहले ओ़ह पी़हमीगी स्‍युहसीन, “ङाहला क्‍यी़ह येह, थार्पा नाङगेन्‍गी मास्‍यीका फेप नाङज्‍ये येह, ओहले मिहरो फेप फान्‍ज्‍यो मिहरोगीॱराङ ङ्यिहला थाम्‍ज्‍यीराङ केच्‍याया़ स्‍य़े नाङज्‍ये येह।”

ल़ेह-पेन 10:38

किन्‍ज्‍योगी नासरतगी येशूला राहङगी नाम्‍पार-ताहक्‍पा थु दाङ स्‍युक नाङसीन। ओहले किन्‍ज्‍यो येशू ङ्याम्‍बु ज़्‍य़ू नाङग्‍यो सोङबे येशूगी छ्या़ले या़हबुया़ जे नाङसीन। ओहले ती़ह स्‍युहक्‍यो मिहया़ला टा़ह च्‍य़ू नाङगेराङ थाम्‍ज्‍यी ग्‍या़या़ला फेप नाङसीन।

ल़ेह-पेन 4:27

“तेहम्‍बाराङ राहङगी दाम नाङग्‍यो, राहङगी नाम्‍पार-ताहक्‍पा स्‍याहप्‍च्‍यी येशूला टा़ह पेहती हेरोद दाङ पन्तियस पिलातस खुङ ङ्यी़, ओहले लेहमेन क्‍यिहपा दाङ इस्राएलीया़ ङ्याम्‍बु दि क्‍याहसाला जोम्‍दी येहकें।

१ यूहन्‍ना 1:3

ओहले ख्‍यागीॱआङ ङ्यिह ङ्याम्‍बुराङ छोक्‍पा पेहच्‍यु म़ेदी ङ्यिहगी च्‍यि थोङबा ओहले च्‍यि थे़बा, ओ़ह ख्‍याला स्‍येको येहबा। ङ्यिहगी छोक्‍पाती किन्‍ज्‍यो याहप दाङ मिह-रो़हगी स़ेबु येशू मास्‍यीका ङ्याम्‍बु येहबा।