यूहन्‍ना 1:39 - ह्योल्‍मो

³⁹ येशूगी खुङया़ला सुङ नाङसीन, “स्‍यो, ओहले ख्‍याया़गी थोङज्‍ये येह” खुङया़ काहल्‍सीन, ओहले खुङगी येशू ज़्‍य़ू नाङग्‍योकी ग्‍या़ थोङसीन। खुङ ओ़ह ङ्यिहमु येशू ङ्याम्‍बुराङ तेहसीन, च्‍यिबेमाना ओ़ह ती़हजीला कुहङॱसेगी छ्युजी ज़्‍यि काहल सिहन्‍दी येहकें।

यूहन्‍ना 1:39 ပူးပေါင်းရင်းမြစ်များ

लूका 24:29

ओहले खुङगी येशूला दि ल़ेहमु म़ेदी उर्चु पेहसीन, “ङ्यिह ङ्याम्‍बुराङ ज़्‍य़ू नाङदोङ, च्‍यिबेमाना नाहम से़ज्‍ये पेहसीन, ओहले ङ्यिहमा माहङबुराङ योहल सिहन्‍दी येह।” ओहले येशू खुङ ङ्याम्‍बुराङ ज़्‍य़ूज्‍येला खाङबा नाहङला स्‍य़ूह नाङसीन।

यूहन्‍ना 1:38

येशूगी क्‍याहप लो़हदी ज़ी़ नाङगेमु खुङ ङ्यी़ तिङदा तिङ ओहङग्‍यो ज़ी़दी खुङया़ला टी़ह नाङसीन, “ख्‍याया़ च्‍यि छोल्‍गेराङ येहबा?” ओहले खुङगी येशूला मासीन, “रब्‍बी, राहङ का़हला ज़्‍य़ू नाङगो येहबा ले?”

यूहन्‍ना 1:40

यूहन्‍नागी माक्‍योकी ताम ङ्यिहन्‍दी येशूगी तिङदा तिङ डोएँ मेहन्‍दा ङ्यी़ नाहङला च्‍यी़दी सिमोन-पत्रुसकी नो़ह अन्‍द्रियास यिहन्‍गे।

यूहन्‍ना 1:46

दि थे़दी नथानेलगी खोला मासीन, “नासरतलेगीॱआङ च्‍यिॱआङ या़हबु स़ेह ओहङ ख़ूएँ ले?” ओहले फिलिपकी मासीन, “ओहङदी ता स्‍यो नाह ले!”

यूहन्‍ना 4:40

ओ़ह सोङबे सामरिया येशूसाला ओहङसीन, ओहले खुङया़गी येशूला ङ्यिह ङ्याम्‍बु ज़्‍य़ू नाङदोङ म़ेदी ओहर-छ्य़े स्‍युहसीन, ओहले येशू खुङ ङ्याम्‍बु ङ्यिहमा ङ्यी़ ज़्‍य़ू नाङसीन।

यूहन्‍ना 6:37

याहपगी नाङगे थाम्‍ज्‍यी ङाहसाला ओहङज्‍ये येह, ओहले ङाहसाला ओहङगेनया़ला ङाहगी नाहमॱआङ लो़ ताङज्‍ये म़ेह।

ज्‍याल्‍गा 3:20

त़ेदोङ, ङाह कोहला लाहङदी कोह तुहङगेनॱराङ येह। सुज्‍यीगी ङाहगी क़े थे़दे कोह खा फे़ तेर्सीमाना ङाह नाहङला ओहङज्‍ये येह ओहले ङाह खो ङ्याम्‍बु डेन साहज्‍ये येह ओहले खोॱआङ ङाह ङ्याङबुराङ साहज्‍ये येह।