यूहन्‍ना 1:32 - ह्योल्‍मो

³² यूहन्‍नागी दि ल़ेहमु म़ेदी पाङबु तेर्सीन, “ङाहगी नाम्‍पार-ताहक्‍पा थुला दुङगुकुर ल़ेहमु जेती स्‍यिहङगामले माहर फेप्‍ते मिहरो थो़ला ज़्‍य़ू नाङग्‍यो थोङसीन।

यूहन्‍ना 1:32 ပူးပေါင်းရင်းမြစ်များ

मत्ती 3:16

बप्‍तिस्‍मा नोम छार फान्‍ज्‍यो येशू छ्युलेगी थेन फेप्‍सीन। ओ़हजेलाराङ स्‍यिहङगाम खा फ़ेसीन, ओहले येशूगी किन्‍ज्‍योगी थु दुङगुकुर ल़ेहमुराङ जेती राहङ थो़ला फेप नाङग्‍यो ज़ी़ नाङसीन।

मर्कूस 1:10

ओहले छ्युलेगी फिला थेन फेप-लुहङ मे़हबाराङ स्‍यिहङगाम खा फ़ेसीन ओहले नाम्‍पार-ताहक्‍पा थु दुङगुकुर ल़ेहमु जेती राहङ थो़ला फेप नाङगेराङ जेक्‍यो येशूगी ज़ी़ नाङसीन।

लूका 3:22

ओहले नाम्‍पार-ताहक्‍पा थु दुङगुकुरगी ङ्य़ेहरीला येशू थो़ला फेप नाङसीन ओहले स्‍यिहङगामले माहर दि ल़ेहमु सुङ-क़े च्‍यी़ थ़ेसीन, “ख्‍ये ङाहगी च्‍याहम्‍बु पेहक्‍योगी स़ेबु यिहम्‍बा, ख्‍ये ङ्याम्‍बु ङाह ज्‍यिबुराङ सेम काहसो येह।”

यूहन्‍ना 1:31

ङाह राहङगीॱआङ मिहरो मास्‍यीका यिहम्‍बा म़ेदी ङोह स्‍य़ेदी म़ेहबा येहकें, यिहॱनाङ मिहरोला इस्राएली मिहया़की पाहरक्‍यीला ङोहस्‍यी ताङज्‍येलाॱराङ ङाहगी बप्‍तिस्‍मा तेर्ते ओहङग्‍यो यिहम्‍बा।”

यूहन्‍ना 1:7

खो लाहमले मिह थाम्‍ज्‍यीगी यिह-छ्य़े ख़ूज्‍यु म़ेदी ओ़ह येहसेरकी तेहन्‍दाला प्रा-साल्‍ज्‍येला खो पाङबु पेहती ओहङसीन।

यूहन्‍ना 5:32

ङाहती तेहन्‍दाला पाङबु नाङगेन्‍दी लेहमेनॱराङ ज़्‍य़ू नाङदी येह, ओहले ङाहला क्‍यी़ह येहबा, ङाहगी तेहन्‍दाला मिहरोगी च्‍यि पाङबु नाङगे, ओ़ह ठाबे सी़हगे।”