यूहन्‍ना 1:27 - ह्योल्‍मो

²⁷ ङाह तिङले फेप नाङगेन्‍दी मिह-रो़हराङ यिहम्‍बा। ओहले ङाह मिहरोगी स्‍याहप्‍चेनगी थाक्‍पा स्‍यी़ज्‍येॱआङ सी़हज्‍ये म़ेह।”

यूहन्‍ना 1:27 ပူးပေါင်းရင်းမြစ်များ

मत्ती 3:11

तेहम्‍बाराङ, ख्‍याया़ राहङ-राहङगी सेमगी स्‍या़बा पेहती ता़ह तिहक्‍पा पाङज्‍येला ठाबे काहल्‍ग्‍यो यिहन म़ेदी तेन्‍ज्‍येला ङाह ख्‍याया़ला छ्युगी बप्‍तिस्‍मा तेर्को येह, यिहॱनाङ ङाह म़ेदी तिङले फेप नाङगेन्‍दीगी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। मिहरोनी ङाह म़ेदी ज्‍यिबुराङ ओङ छ्यिम्‍बु येहबा। ङाहनी मिहरोगी स्‍याहप्‍चेन थो़ज्‍येलाॱआङ सी़हज्‍ये म़ेह।

मर्कूस 1:7

ओहले खोगी मिहया़ला दि ल़ेहमु म़ेदी स्‍येको येहकें, “ङाह म़ेदी तिङले मेहन्‍दा च्‍यी़ फेप नाङगेराङ येहबा, मिहरो ङाह म़ेदीॱआङ ओङ छ्यिम्‍बु येहबा। ङाहनी मिहरोगी स्‍याहप्‍चेनगी थाक्‍पा स्‍यी़ज्‍ये च्‍यिॱआङ सी़हज्‍ये म़ेह।

लूका 3:16

ओहले यूहन्‍नागी थाम्‍ज्‍यीलाराङ मासीन, “ङाहगीनी ख्‍याला छ्युगी बप्‍तिस्‍मा तेर्को येह। ङाह म़ेदी वाङज्‍या छ्यिम्‍बु येहकेन्‍गी मेहन्‍दा च्‍यी़ फेप नाङगेराङ येहबा। ङाहनी मिहरोगी स्‍याहप्‍चेनगी थाक्‍पा स्‍युज्‍ये च्‍यिॱआङ सी़हज्‍ये म़ेह। मिहरोगीनी ख्‍याया़ला नाम्‍पार-ताहक्‍पा थु दाङ मेहगी बप्‍तिस्‍मा नाङज्‍ये येह। त़ेदोङ, डु टाप्‍च्‍येला मिहरोगी छ्या़ला लोमा नोम्‍दी येह।

यूहन्‍ना 1:15

यूहन्‍नागी मिहरोगी तेहन्‍दाला मिहया़ला प्रा साल्‍गेनॱराङ क़े छ्यिम्‍बु तेन्‍दी मासीन, “ङाह म़ेदी तिङले फेप नाङगेन्‍दी ङाह म़ेदी चा़ छ्यिम्‍बु ज़्‍य़ू नाङदी येह, च्‍यिबेमाना मिहरो ङाह क्‍येएँ म़ेदी तोहङ यिहन्‍ज्‍युराङ ज़्‍य़ू नाङदी येहकें। ‘ङाहगी माक्‍योकी दि तामया़ मिहरोगी तेहन्‍दालाराङ यिहम्‍बा’।”

यूहन्‍ना 1:30

मिहरोगी तेहन्‍दालाराङ ङाहगी माक्‍यो येहकें, ‘ङाह तिङले मेहन्‍दा च्‍यी़ फेप नाङगेराङ येहबा, मिहरो ङाह म़ेदी चा़ छ्यिम्‍बु येहबा च्‍यिबेमाना मिहरो ङाह क्‍येएँ म़ेदी तोहङ यिहन्‍ज्‍युराङ ज़्‍य़ू नाङदी येहकें।’

यूहन्‍ना 10:41

ओहले मिह माहङबुराङ येशूसाला ओहङसीन। ओहले खुङया़गी मासीन, “यूहन्‍नागीनी च्‍यिॱआङ ओङ छ्यिम्‍बुकी छ्या़लेया़ जे माहनाङ, यिहॱनाङ, खोगी येशूगी तेहन्‍दाला सुङ नाङग्‍योकी स्‍याहलया़ थाम्‍ज्‍यीराङ तेहन्‍दा डुप्‍सीन।”

ल़ेह-पेन 13:25

राहङगी ल़ेह सिहन्‍दा च्‍येच्‍ये पेहकें ती़हजीला यूहन्‍नागी मासीन, ‘ख्‍यागी ङाहला सु यिहम्‍बा ने़उ दुबा? ङाहनी ख्‍याया़गी कू़हदी तेहक्‍योगी मिह मिहन। ङाह तिङले मेहन्‍दा च्‍यी़ फेप नाङज्‍ये येह, ङाहनी मिहरोगी स्‍याहपगी लेकाम स्‍युज्‍येॱलाङ सी़हज्‍ये म़ेह।’

ल़ेह-पेन 19:4

ओहले पावलगी मासीन, “यूहन्‍नागी लोप्‍क्‍योगी बप्‍तिस्‍मादी सेमगी स्‍या़बा पेहती तिहक्‍पागी ल़ेह पाङज्‍येला यिहम्‍बा। खो तिङले फेप नाङगेन्‍दीलाती यिह-छ्य़े पेहतोङ म़ेदी यूहन्‍नागी मिहया़ला स्‍येको येहकें।”