19 यरूशलेमकी यहूदी गोबाया़गी पूजाहारीया़ दाङ लेवीया़ला “यूहन्ना सु यिहम्बा नि?” म़ेदी टी़हज्येला खोसाला ताङसीन।
खो लाहमले मिह थाम्ज्यीगी यिह-छ्य़े ख़ूज्यु म़ेदी ओ़ह येहसेरकी तेहन्दाला प्रा-साल्ज्येला खो पाङबु पेहती ओहङसीन।
ओहले यहूदीया़गी येशूगी कोर ग्यिले जोम्दी मासीन, “ङ्यिहला नाहम थु राहङगी यिहमे-छ्यिमे पेहती ज़्या़ नाङगे? राहङ तेहम्बाराङ मास्यीका यिहन्सीमानानी ङ्यिहला थेका सिरे सुङ नाङदोङ।”
ओहले येहपाराङ यहूदीया़गी येशूला क्याहप्च्ये म़ेदी तोह तुहसीन।
यहूदी मिहया़ माहङबुराङ, मरियम दाङ मार्था साला नो़ह स्यिक्योगी तुहक्पुला सेम सो ओहङदी येहकें।
ओहले यहूदी गोबाया़गी येशूला मासीन, “च्यि राहङला दि ल़ेहमु छ्या़ले जेच्येला ओङ येहबा ले? येहसीमाना ङ्यिहला याहम्जेन छ्येवागी ताक्छेन च्यी़ तेन नाङ ख़ूएँ ले?”
ओहले यहूदीया़गी मासीन, “दि छ्योखाङ ज़ोज्येलानी लोह स्येह-टू़ह थो़क्यो येहकें!, ओहले च्यि राहङगी ङ्यिहमा सुमलाराङ दिला ज़ो थुप नाङगेन ले?”
ओ़ह सोङबे यहूदी गोबाया़गी ओ़ह टा़हक्यो मिहला मासीन, “तिहरीङनी थाङ सोएँगी ङ्यिहमा यिहम्बा, ख्येगी तेङगो खुर मिहङ्युहङगे।”
राहङला टा़ह च्य़ू नाङगेन मिहनी येशूॱराङ गा यिहम्बा दुबा म़ेदी खोगी काहल्दी यहूदीया़ला स्य़े तेर्सीन।
ओ़ह सोङबे यहूदीया़गी येशूला तुहक्पु तेर्च्ये छ़ूसीन, च्यिबेमाना येशूगी दि छ्या़ले थाङ सोएँ ङ्यिहमाला जे नाङग्यो येहकें।
ओ़ह सोङबे यहूदीया़गी येशूला सेच्ये म़ेदी माहङबुराङ स्युक पेहसीन, च्यिबेमाना मिहरोगी थाङ सोएँ ङ्यिहमागी ठिम च्यी़राङ माहगोम, यिहॱनाङ येशूगी किन्ज्योला याहप सुङदी राहङला किन्ज्यो ङ्याम्बा ज़ो नाङग्यो येहकें।
ओ़ह सोङबे यहूदीया़गी येशूला टा़ह पेहती राहङ नाहङदोङ ताम माज्ये छ़ूसीन, च्यिबेमाना येशूगी सुङ नाङसीन, “स्यिहङगामले ओहङग्योगी खुरा ङाहराङ यिहन।”
दि केच्या थे़दे यहूदीया़ राहङ नाहङदोङराङ ठाक-ठाक ठुक-ठुक काहल्सीन। खुङया़गी मासीन, “दि मिहगी ओहराङला काह-ठि पेहती राहङगी ज़ुबु साहज्येला तेर ख़ूएँ ले?”
ओ़ह तिङले येशू गालील साने़लाराङ कोरा क्याहप नाङसीन, येशू यहूदीयाला फेप्च्ये थु जे माहनाङ, च्यिबेमाना यहूदीया़गी येशूला सेच्ये छोल्गो येहकें।
छ्येपाला यहूदी गोबाया़गी येशूला छोल्गेराङ येहकें। “येशू का़हला येहबा?” म़ेदी खुङया़गी टी़हगेनॱराङ येहकें।
ओहले यहूदी गोबाया़गी ज्यिबुराङ ह्अ ल़ेहदी मासीन, “दि मिहगी टा़हॱआङ मा़हटाहबा पेहती दि रोहवा काह-ठि पेहती स्य़ेगे काहल्ग्यो यिहम्बा?”
ओहले दि थे़दे यहूदी गोबाया़गी राहङ नाहङदुङ मासीन, “दि च्यि माक्यो यिहम्बा नि? खो का़हला डोएँ, ओ़ह ग्या़ला ओहराङ लेप मी़हखु माउ दु! दि खो राहङराङ स्यिज्ये छोल्ग्यो यिहम्बा नि च्यि यिहम्बा?”
ओहले यहूदीया़गी येशूला मासीन, “ख्ये सामरी यिहन ओहले ख्येला ल्हेन्डी स्य़ूहदी येह म़ेदी ङ्यिहगी माक्यो ताम च्यि ठाबे मिहम्बा ले?”
ओहले यहूदीया़गी मासीन, “ता़हनी ङ्यिहगी तेहम्बाराङ ङोह स्य़ेसीन, ख्येलानी ल्हेन्डीराङ स्य़ूहक्यो दुबा! अब्राहाम स्यिसीन, लुहङतेम्बाया़ॱआङ स्यिसीन, यिहॱनाङ ख्येगी माएँ, ‘ङाहगी सुङदेन ङ्यिहन्गेया़ नाहमॱआङ स्यि कोहज्ये म़ेह।’
ओ़ह सोङबे यहूदीया़गी येशूला मासीन, “ख्ये लोह ङाप्च्युॱआङ माहकाहल्बाला काह-ठि पेहती अब्राहामला थोङबा ले?”
राहङगी ल़ेह सिहन्दा च्येच्ये पेहकें ती़हजीला यूहन्नागी मासीन, ‘ख्यागी ङाहला सु यिहम्बा ने़उ दुबा? ङाहनी ख्याया़गी कू़हदी तेहक्योगी मिह मिहन। ङाह तिङले मेहन्दा च्यी़ फेप नाङज्ये येह, ङाहनी मिहरोगी स्याहपगी लेकाम स्युज्येॱलाङ सी़हज्ये म़ेह।’
ओहले पावलगी मासीन, “यूहन्नागी लोप्क्योगी बप्तिस्मादी सेमगी स्या़बा पेहती तिहक्पागी ल़ेह पाङज्येला यिहम्बा। खो तिङले फेप नाङगेन्दीलाती यिह-छ्य़े पेहतोङ म़ेदी यूहन्नागी मिहया़ला स्येको येहकें।”
ता़ह ङ्यिहगी किन्ज्योकी स़ेबु येशू लाहमले थे़क्योकी लेहङगु ख्याया़ला प्रा साल्गो येह, ओ़ह दिराङ यिहम्बा– किन्ज्योॱराङ येहसेर यिहम्बा, किन्ज्यो ङ्याम्बु ना़-जुबे माएँदी सिपाज्यीॱआङ म़ेह।