यूहन्ना 1:17 - ह्योल्मो17 च्यिबेमाना मोशा लाहमले ओहराङगी छ्य़े-ठिम ज्योर्ती येहकें, यिहॱनाङ येशू मास्यीका लाहमले ओहराङगी किन्ज्योकी काटीन दाङ तेहन्दाम ज्योर्ती येह। အခန်းကိုကြည့်ပါ။ |
यूहन्ना 1:17
37 ပူးပေါင်းရင်းမြစ်များ
ओहले पिलातसगी येशूला टी़हसीन, “च्यि ख्ये क्याहल्बुराङ यिहम्बा ले?” ओहले येशूगी ल़ेहन क्याहप नाङसीन, “ङाह क्याहल्बु यिहन म़ेदीनी राहङगीराङ सुङ नाङगु दु। ङाह दिगी तेहन्दालाराङ क्येक्यो यिहम्बा, ओहले दिगी तेहन्दालाराङ तेहन्दामकी पाङबु तेर्च्येला ङाह दि जाम्बुलीङला ओहङग्यो यिहम्बा। तेहन्दामला यिह छ्य़ेगे थाम्ज्यीगी ङाहती ताम ङ्यिहन्गे।”
ओ़ह तिङले खुङया़गी पावलगी ताम ङ्यिहन्ज्येला छ्येतेन ज़्या़सीन। ओहले छ्येतेन ज़्या़क्योगी ङ्यिहमाला माहङबुराङ यहूदीया़ जोम्दी पावल तेहक्यो खाङबाला ओहङसीन। ओ़ह ङ्यिहमु पावलगी ङाटु यिहन्ज्यु से-रुप थु किन्ज्योगी क्याहल्सीगी तेहन्दाला लोप्च्युङ तेर्सीन। सुङरापला मोशा दाङ लुहङतेम्बाया़गी प्रुहक्योगी ताम म़ेदी पावलगी येशूगी तेहन्दाला प्रा साल्गेनॱराङ खुङया़ला यिह-छ्य़े च्य़ूज्ये छोल्सीन।
ङाहगी माज्ये छोल्ग्योकी ताम दि ल़ेहमु यिहम्बा, राहङगी ज़्या़ नाङग्यो तोहदामकी स्याहलला किन्ज्योगी थे़जी क्याहप नाङ सिहन्दी येह। यिहॱनाङ लोह ज्य़िप्क्या सुम-च्यु तिङले ओहङग्यो छ्य़े-ठिमगी ताहम्ज्याला च्ये मी़हखुएँ, का़हलेॱआङ छ्य़े-ठिमगी ताहम्ज्याला च्येक्यो येहसीमानानी किन्ज्योगी तोहदाम स्यिती काम्बुती डोज्ये येहकें।
ကြော်ငြာတွေ