याकूब 5:6 - ह्योल्‍मो

⁶ ख्‍याला टाह मेहबेकें टाहङदेन मिहलाॱआङ ख्‍यागी ङ्य़ेहबा केन्‍दी सेसीन।

याकूब 5:6 ပူးပေါင်းရင်းမြစ်များ

मत्ती 21:38

यिहॱनाङ ओहले स्‍यिहङ फेताप क्‍याहप्‍कें मिहया़गी पुहदीला थोङदी राहङ नाहङदुङ मासीन, ‘लो खोनी स्‍यिहङ ताहक्‍पुदीॱराङ पुह यिहम्‍बा। स्‍यो, ता़हनी खोला सेकें, खोगी क्‍युह ओहराङॱराङ ज़्‍या़गे!’

मत्ती 27:20

यिहॱनाङ पूजाहारी छ्यिम्‍बुया़ दाङ यहूदीया़गी एल्‍डरया़गीदी मिह मिह-माहङला क्‍या़दी दि ल़ेहमु मा च्‍य़ूसीन, “येशूला से नाङदोङ, बारब्‍बालादी ताङ नाङदोङ।”

मत्ती 5:39

यिहॱनाङ ङाह ख्‍याया़ला माएँ, ख्‍याया़गी सु ङ्याम्‍बुॱआङ क्‍यिम्‍बा माहलेहन। का़हलेॱआङ सुज्‍यीगी ख्‍येगी योबा डाम्‍बाला क्‍याहप्‍सीमाना योमा डाम्‍बाॱआङ सेहतेर।

ल़ेह-पेन 22:14

ओहले हननियागी मासीन, ‘ओहराङगी आख्‍ये मे़हमेया़गी किन्‍ज्‍योगी थुला ठुङग्‍योगी स्‍याहलया़ ङोह स्‍य़े ख़ूज्‍यु म़ेदी किन्‍ज्‍योगी ख्‍येला दाम नाङग्‍यो यिहन। ख्‍येगी टाहङबु स्‍याहप्‍तो स्‍युह नाङगेन येशूला थोङ ङ्युहङसीन ओहले मिहरोगी स्‍याहलले सुङ नाङग्‍योकी स्‍याहलया़ ङ्यिहन ङ्युहङसीन।

ल़ेह-पेन 7:52

च्‍यि राहङ फे़बेया़गी आख्‍ये मे़हमेया़गी तुहक्‍पु माहतेर्पा सुज्‍यीॱआङ लुहङतेम्‍बा येहबा ले? किन्‍ज्‍योगी नाम्‍पार-ताहक्‍पा स्‍याहप्‍च्‍यी फेप्‍केराङ येह म़ेदी लेहङगु स्‍येकें लुहङतेम्‍बाया़ॱलाङ खुङया़गी सेसीन। राहङ फ़ेबेॱयागीदी फेप नाङग्‍योकी नाम्‍पार-ताहक्‍पा स्‍याहप्‍च्‍यीॱलाङ क्‍येन ता़दी से नाङसीन।

ल़ेह-पेन 8:32

ओ़ह मिहगी टा़हदी तेहक्‍योगी सुङराप दि ल़ेहमु येहकें, “मिहरो सेच्‍येला ख्‍येरक्‍योकी ल़ूह स्‍ये़बु ल़ेहमु ज़्‍य़ू नाङदी येहकें, पाहल प्रा़हगेमु खाजुम पेहती तेहकेन्‍गी ल़ूह ल़ेहमुराङ मिहरोगी राहङगी स्‍याहल खा फे़ माहनाङ।

हिब्रू 10:38

यिहॱनाङ ङाहती टाहङदेनगी मिहया़दी यिह-छ्य़े लाहमलेॱराङ थार्च्‍ये येह, ओहले ओ़हया़ नाहङला सुज्‍यीॱआङ तेहपा लो़हदी डोउ दु मासीमाना ङाह खो ङ्याम्‍बु क़ेहनाङ लाहङज्‍ये म़ेह।”

याकूब 2:6

यिहॱनाङ ख्‍याया़गीनी प्राङबुया़ला स्‍ये़हन्‍डील पेहसीन। च्‍यि छ्युक्‍पुया़गी ख्‍याला ङ्येन्‍ज्‍येन मेहबेकें ले? च्‍यि ख्‍याला ठिम-खाङला ख्‍येर्केन्‍दीॱआङ खुङया़ॱराङ मिहन ले?

याकूब 4:2

ख्‍यागी सेम्‍बानी पेहकें, यिहॱनाङ मेहन्‍ज्‍योर्कें। ओ़ह सोङबे ख्‍यागी से-से तुप-तुप पेहकें। ख्‍यागी ठादो पेहकें यिहॱनाङ च्‍यिॱआङ मेहन्‍ज्‍योर्कें ओ़ह सोङबे ख्‍या ठाक-ठाक ठुक-ठुक पेहकें ओहले जिङगे। ख्‍यागी किन्‍ज्‍योला मेहलाङगे सोङगोराङ ख्‍यागी च्‍यिॱआङ मेहन्‍ज्‍योर्कें।

१ पत्रुस 4:18

छ्य़ेगी दि ल़ेहमु सुङ नाङदी येह, “टाहङबु मिहला थार च्‍य़ूज्‍येलानी काहजे का़हबु ओहङगे मासीमानानी जेन किन्‍ज्‍योलाॱराङ मी़हचीगेन तिहक्‍च्‍येम्‍बा मिहया़गी गादीनी च्‍यि ओहङडो?”