याकूब 5:20 - ह्योल्‍मो

²⁰ दि केच्‍या ख्‍याला क्‍यी़ह ओहङज्‍यु, का़हन्‍दीगी तिहक्‍च्‍येम्‍बा मेहन्‍दा च्‍यी़ला खोगी चोक्‍पा लाहमलेगी लो़दी ख्‍योङगे, ओ़ह मिहगी खोगी यिहला स्‍यिवालेगी थार च्‍य़ूज्‍ये येह, ओहले खोगी माहङबुराङ तिहक्‍पाया़ ता़हज्‍ये येह।

याकूब 5:20 ပူးပေါင်းရင်းမြစ်များ

यूहन्‍ना 5:24

“तेहम्‍बाराङ, ङाह ख्‍याया़ला माएँ, सुगी ङाहती ताम ङ्यिहन्‍गे ओहले ङाहला ताङ नाङगेन्‍दीला यिह-छ्य़े पेहकें, खो ङ्याम्‍बु नाहमॱआङ मिहस्‍यीएँगी मिहली ज़ाङबु ओहङगे। खोला ठिम ताङज्‍ये म़ेह, यिहॱनाङ खो स्‍यिवालेगी मिहलीला स्‍य़ूह सिहन्‍दी येह।

रोमी 11:14

दि ल़ेहगी पेहती ङाहती राहङदीराङ क्‍यिहपाकी मिहया़गीॱआङ ख्‍या ङ्याम्‍बु ठादो पेहती लाहला किन्‍ज्‍यो ङो़ले ग्‍युर्के गा यिहम्‍बानी माएँ ङाहला रेहवा येहबा।

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

१ कोरिन्‍थी 9:22

मा-फाम्‍बु मिहया़ला मास्‍यीकाला ख्‍योङ ख़ूज्‍यु म़ेदी ङाह राहङॱआङ मा-फाम्‍बु पेहती तेहसीन। काह-ठि पेहती यिहॱनाङ मिहया़ला मास्‍यीकाला थार च्‍य़ू ख़ूज्‍यु म़ेदी नामे नाजो छ्याप्‍स्‍यीया़ पेहती ङाहॱआङ खुङ ल़ेहमुराङ काहल्‍सीन।

१ तिमोथी 4:16

राहङगी तेहन्‍दाला ओहले राहङगी लुहङगी तेहन्‍दाला जेम्‍बु पेहती तेह। दि तामया़ला तिङ ङ्या़दीॱराङ तेह। दि ल़ेहमु पेहसीमाना ख्‍ये दाङ ख्‍येगी ताम ङ्यिहन्‍गे ख्‍या ङ्यिकागीराङ थार्पा ज्‍योर्च्‍ये येह।

फिलेमोन 1:19

ङाह पावल, राहङदीराङ लाहक्‍पागी दि प्रुहएँॱराङ येहबा। ओ़ह खोगी च्‍याल कोहएँगी पेहलेन ङाहगीराङ ख्‍येला च्‍याल तेर्कें। ख्‍येगी मास्‍यीकाला मिहली साम्‍बा ङाह ङो़लेराङ ज़्‍योरक्‍यो यिहम्‍बा म़ेदीनी म़े तेह मेहकोहटो।

याकूब 1:15

ओ़ह सोङबे राहङ सेमला चोक्‍पा-चोक्‍पा सेम्‍बाया़ ओहङ फान्‍ज्‍यो ओ़ह लाहमले तिहक्‍पा ठुङगे। ओहले तिहक्‍पा माहङदे काहल फान्‍ज्‍यो ओ़हगी मिहला स्‍यिवाला क्‍याल्‍गे।

याकूब 1:21

ओ़ह सोङबे ख्‍यागी दि रोहवा चोक्‍पा दाङ नाम्‍दो लाहङज्‍ये ल़ेहमु पेहताङया़ थाम्‍ज्‍यीराङ क्‍युर्तोङ। किन्‍ज्‍योगी राहङगी सुङ ख्‍यागी सेमला ज़्‍या़ नाङदी येहबा ओ़हदीला ख्‍यागी स्‍यिहवा पेहती लेहन्‍दोङ च्‍यिबेमाना दिगीॱराङ ख्‍याला थार च्‍य़ूएँ।

याकूब 5:15

तेहपा पेहती ताप्‍क्‍यो सोल्‍वाङगी नेहपा थार च्‍य़ूज्‍ये येह ओहले चो़वोगी खोला टा़ह च्‍य़ू नाङज्‍ये येह, ओहले का़हलेॱआङ खोगी तिहक्‍पा पेहक्‍यो येहसीमाना चो़वोगी खोला कोहङदा नाङज्‍ये येह।

याकूब 5:19

ङाहगी आदा-नो़ह दाङ आज्‍यी-नुहमुया़, ख्‍याया़ नाहङला सुज्‍यी तेहन्‍दामगी लाहमले क्‍यो़दी काहल्‍सीन माना खोला लो़दी ख्‍येर्स्‍यो।

१ पत्रुस 4:8

थाम्‍ज्‍यी म़ेदी छ्यिम्‍बु ताम, च्‍यी़गी च्‍यी़ला सेम तिहङ यिहन्‍ज्‍युराङ चेवा पेहतोङ च्‍यिबेमाना चेवागीॱराङ रेबेॱराङ तिहक्‍पाया़ला उप्‍के यिहम्‍बा।

ज्‍याल्‍गा 20:6

तोहङस्‍यो सोम्‍बो लो़हदी लाहङगेया़ काहजे सोनाम-साक्‍पु दाङ नाम्‍पार-ताहक्‍पा। खुङया़ला ङ्यिपा स्‍यिवागी च्‍यिॱआङ पेह मी़हखुएँ, यिहॱनाङ खुङ किन्‍ज्‍यो दाङ मास्‍यीकाकी पूजाहारी काहल्‍दी मिहरो ङ्याम्‍बु लो़ह तोङरा च्‍यी़ थु ओङ छ्य़े ङ्युहङज्‍ये येह।