याकूब 5:11 - ह्योल्‍मो

¹¹ ना़स्‍यीङ छ्यिम्‍बु पेहती कू़हदी तेहकेनया़ काहजे सोनाम-साक्‍पु म़ेदी ओहराङगी माएँ। ख्‍याया़गी अय्‍यूब ना़स्‍यीङ छ्यिम्‍बु पेहती कू़हदे तेहक्‍योगी तेहन्‍दाला थे़दी येहबा। ज्‍युक्‍स्‍योलला चो़वोगी काह-ठि पेहती खोला बोलो-छ्योलो मेलाम नाङबा, ओ़हॱआङ ख्‍याला क्‍यी़हराङ येह। चो़वोगी मिहया़ला माहङबुराङ निङज्‍यी दाङ थुज्‍यी ज़ी़ नाङगे।

याकूब 5:11 ပူးပေါင်းရင်းမြစ်များ

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

लूका 1:50

ओहले किन्‍ज्‍योला ची़नाङ पेहकेनया़ला किन्‍ज्‍योगी तोहङमागी आख्‍ये मे़हमेया़की मिहदो यिहन्‍ज्‍यु तिङले ओहङगेन्‍गी मिहदो थु थुज्‍यी ज़ी़ नाङदी येह।

लूका 11:10

च्‍यिबे मासीमाना लाङगेन्‍दीगी ज्‍योर्च्‍ये येह, छोल्‍गेन्‍दीगी च्‍य़ेह सिहन्‍ज्‍ये येह, ओहले कोहला तुहङदी क़े क्‍याहप्‍केन्‍दीला कोह खा फे़ तेर्च्‍ये येह।

लूका 6:36

स्‍यिहङगामला ज़्‍यू़गेन ख्‍येगी याहप्‍च्‍येन आबागी निङज्‍यी जेकें ल़ेहमुराङ, ख्‍याॱआङ निङज्‍यी पेहकेन ओहङ कोहएँ” सुङदी येशूगी सुङ ख्‍येप्‍टा नाङसीन।

रोमी 2:4

किन्‍ज्‍योगी ख्‍येला माहङबुराङ थुज्‍यी ज़ी़ नाङसीन ओहले मिहरोगी ख्‍येला ना़स्‍यीङ छ्यिम्‍बु जेती माहङबुराङ कू़हदी ज़्‍य़ू नाङसीन ता़ह ख्‍ये च्‍यि किन्‍ज्‍योला क्‍युक्‍टो पेहकें? किन्‍ज्‍योकी थुज्‍यीगी तिहक्‍पा पाङ च्‍य़ूदी स्‍या़बा पेह च्‍य़ूगे माएँ ताम च्‍यि ख्‍येला क्‍यी़ह म़ेहबा?

एफिसी 1:6

ओहजे छ्यिम्‍बु काटीनगी तेहन्‍दाला ओहराङ किन्‍ज्‍योला थुज्‍यी-छ्ये़ फुल्‍दोङ। मिहरोगी राहङगी चेवा जे नाङग्‍योकी स़ेबु ओहराङला आहन्‍डाराङ फुल नाङसीन।

एफिसी 2:4

यिहॱनाङ थुज्‍यी ज़ी़ नाङज्‍येला छ्युक्‍पु ज़्‍य़ू नाङगे किन्‍ज्‍योगी राहङगी चेवा छ्यिम्‍बु लाहमले ओहराङला माहङबुराङ चेवा जे नाङसीन।

हिब्रू 10:39

यिहॱनाङ ओहराङनी तेहपा लो़हदी तोङदी डोएँया़ नाहङदी मिहम्‍बा, यिहॱनाङ ओहराङनी यिह-छ्य़े पेहती थार्क्‍योया़ नाहङदी गा यिहम्‍बा।

हिब्रू 3:14

तोहङस्‍यो ओहराङगी मास्‍यीकाला यिह छ्य़ेगेमु पेहक्‍योगी म़ेहबा तिङ थुराङ सान्‍दी पेहती ज़ुङदी ज़्‍या़सीन माना, ओहराङ मास्‍यीका ङ्याम्‍बु च्‍यी़ काहल्‍दी येह।

हिब्रू 3:6

यिहॱनाङ मास्‍यीकाती किन्‍ज्‍योगी ज़िम्‍गाङला यिह-छ्य़ेबु स़ेबु येहकें। ओहराङगी रेहवाला ओहराङगी तिङ थुराङ स्‍युक छ्यिम्‍बु दाङ म़ेहबा पेहसीनमाना ओहराङ किन्‍ज्‍योगी ज़िम्‍गाङ यिहम्‍बा।

याकूब 1:12

तुहक्‍पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्‍पु। च्‍यिबेमाना किन्‍ज्‍योगी मिहरोला चेवा पेहकेनया़ला मिहलीगी च्‍याहगा तेर्के सुङदे ताहम्‍ज्‍या ज़्‍या़ नाङदी येह। ओ़ह च्‍याहगादी सु, तुहक्‍पुगी ती़हजीलाॱआङ थिर पेहती तेह ख़ूएँ खोगी ज्‍योर्च्‍ये येह।

याकूब 1:2

ए ङाहगी आदा-नो़ह दाङ आज्‍यी-नुहमुया़, नामे-नाजो तुहक्‍पु-तुहङालया़ ओहङगेमु सेम काहसो पेहतोङ।

१ पत्रुस 1:13

ओ़ह सोङबे ल़ेह पेहच्‍येकी तेहन्‍दाला ख्‍यागी सेम ठाबे ओहङ कोहएँ ओहले राहङगी सेम थिक-चिला ज़्‍या़ कोहएँ। येशू मास्‍यीका फेप नाङगेमु ज्‍योर्केन्‍गी काटीनलाॱराङ ख्‍या सेम तिहङ यिहन्‍ज्‍यु म़ेहबा पेहती तेहतोङ।

१ पत्रुस 3:14

यिहॱनाङ ल़ेह या़हबु पेहके पेहकेंमुॱआङ तुहक्‍पु खुर कोहसीनमाना ख्‍याया़ काहजे सोनाम-साक्‍पु। खुङया़गी ज्‍यी़-ङोर तेन्‍सीन म़ेदी ख्‍या मा़हन्‍ज्‍यी, ओहले का माहक्‍याहल।

२ पत्रुस 2:9

दि ल़ेहमु जेती टाहङबु मिहला ङ्याहम्‍छेलेगी थार च्‍य़ूज्‍ये दाङ तिहक्‍च्‍येम्‍बा मिहया़ला ठिम ताङ नाङगे ङ्यिहमा थु सी़दे ज़्‍या़ नाङज्‍येला चो़वोगी ङोह ख्‍येन्‍गे।