याकूब 4:8 - ह्योल्‍मो

⁸ ख्‍याया़ किन्‍ज्‍यो पोहला स्‍यो, ओहले किन्‍ज्‍योॱआङ ख्‍या पोहला फेप नाङज्‍ये येह। ए तिहक्‍च्‍येम्‍बाया़! राहङ लाहक्‍पा ठी़दी चाङमा जे़दोङ। ए सेम ङ्यी़ च्‍याङगेनया़! राहङ सेम चाङमा जे़दोङ।

याकूब 4:8 ပူးပေါင်းရင်းမြစ်များ

मत्ती 12:33

या़हबु सेदो या़हज्‍येला तोहङबोॱआङ या़हबु ओहङ कोहकें। तोहङबोॱराङ या़हबु मे़हसीमानानी सेदोॱआङ या़हबु मेहयोहङगे! सेदो लाहमलेॱराङ तोहङबो ङोह स्‍य़ेगे।

मत्ती 15:2

“राहङगी स्‍याहप्‍च्‍यीया़गी ताहङबो आख्‍ये मे़हमेया़ यिहन्‍ज्‍यु ची़नाङ डुप्‍ती ओहङग्‍योगी पे-ठिमया़ च्‍यिबे मी़हचीएँ? खुङया़गी तो साहएँ म़ेदी तोहङले लाहक्‍पा ठुएँगी ठिम आङ मी़हचीएँ।”

मत्ती 27:24

पिलातसगी ता़ह च्‍यिॱआङ ला़ खाजे ल़ेहमु माहथोङ। “ता़ह ठू़स्‍यी-स्‍यिहङदाॱराङ डोएँ यिहम्‍बा छे दु” म़ेदी पिलातसगी मिह थाम्‍ज्‍यीगी दिनला लाहक्‍पा ठी़दी मासीन, “त़ेदोङ, दि मिह सेक्‍योगी ङ्य़ेहबा ङाहला माह फो़ज्‍यु, ख्‍याया़लाॱराङ फो़ज्‍यु!”

ल़ेह-पेन 15:9

किन्‍ज्‍योगी लेहमेन क्‍यिहपा दाङ ओहराङगी पाहरक्‍यीला ङ्येम्‍बा-ङ्य़ेहरी जे माहनाङ, ओहले खुङया़गी किन्‍ज्‍योला सेमले खाल्‍सीन ओहले मिहरोगी खुङया़गी यिहला चाङमा ज़ो नाङसीन।

२ कोरिन्‍थी 7:1

ओ़ह सोङबे ए ङाहगी च्‍याहम्‍बु रो़हया़, ओहराङ ङ्याम्‍बु दि ल़ेहमु ताहम्‍ज्‍याया़ येहकें सोङबे ज़ुबु दाङ यिहला मेहचाङा ज़ोएँगी यिहन्‍जे मिहन्‍जे से़हया़ ङो़ले ओहराङ था़-रिहङबुराङ तेहती राहङगी राहङला चाङमा ज़ो कोहएँ, ओहले किन्‍ज्‍योगी ज्‍यिक्‍पा खुर्ती ओहराङ नाम्‍पार-ताहक्‍पाकी लाहमला स्‍युह कोहएँ।

१ तिमोथी 2:8

ओ़ह सोङबे ग्‍या़ थाम्‍ज्‍यीला क्‍येप-ख्‍योवाया़गी टाहङबु लाहक्‍पा क्‍या़दी स्‍यिहताङ माहबेबा पेहती, सेमङेन माहच्‍याङबा पेहती सोल्‍वाङ ताप्‍च्‍यु माएँ ङाहगी सेमला येहबा।

हिब्रू 10:22

ता़ह ओहराङ किन्‍ज्‍योकी कुम्‍देनला डोएँमु च्‍याहङज्‍यु सेम्‍बा थो़दी, सेम तिहङ यिहन्‍ज्‍युराङ यिह छ्य़ेदी ओहले थाक ताङदे किन्‍ज्‍योगी दिनला डो। च्‍यिबेमाना नावा चोक्‍पा लाहमले मिहरोगी ओहराङगी सेमला चाङमा ज़ो नाङदी येह ओहले छ्यु चाङमागी ओहराङगी ज़ुबुला ठु नाङदी येह।

हिब्रू 7:19

च्‍यिबेमाना मोशागी तेरक्‍यो छ्य़े-ठिमगी सुलाॱआङ याहङ-ताहक्‍पा ज़ो मा़हखु। यिहॱनाङ ता़ह किन्‍ज्‍योगी ओहराङला ओ़ह म़ेदीॱआङ या़हबु रेहवा नाङदी येह, ओ़ह लाहमले पेहती ओहराङ किन्‍ज्‍यो पोहला लेप ख़ूएँ।

याकूब 1:8

च्‍यिबेमाना दि ल़ेहमु थेचुम पेहकेन दाङ सेम ङ्यी़ थो़क्‍यो मिहनी का़हन्‍दी ल़ेहलाॱआङ थिक-चि मेहयोहङगे।

याकूब 3:17

यिहॱनाङ याहर किन्‍ज्‍यो लाहमले ओहङग्‍योगी रिहक्‍स्‍यीनी तोहङस्‍यो क़ेह-चाङमा ओहङगे खोगी स्‍य़िहदेला यिह छ्य़ेएँ, ओ़ह रिहक्‍स्‍यी ज्‍योर्केन मिह थेका दाङ मिह थाम्‍ज्‍यी ङ्याम्‍बु थिन्‍गे, खो निङज्‍यीगी काहङग्‍यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्‍बा-ङ्य़ेहरी मेहबेकें, खो यिहन्‍दो तेन्‍गे मेहयोहङगे।

१ पत्रुस 1:22

ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।

१ पत्रुस 3:21

दि छ्युगी, बप्‍तिस्‍माकी पे तेन्‍गे दिगी ख्‍याला थार च्‍य़ूगे। दि ज़ुबुकी ङ्योक्‍पाया़ स्‍याल्‍ग्‍यो ल़ेहमु मिहम्‍बा यिहॱनाङ दि नावा चाङमा थो़दी किन्‍ज्‍यो ङ्याम्‍बु ज़्‍या़क्‍योगी ताहम्‍ज्‍या यिहम्‍बा। येशू मास्‍यीका टोहङग्‍योलेगी सोम्‍बो ज़्‍याङ नाङग्‍यो सोङबे बप्‍तिस्‍मागी ख्‍याला थार च्‍य़ूगे।

१ यूहन्‍ना 3:3

ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।