याकूब 4:4 - ह्योल्‍मो

⁴ ए छ्येउ-छ्येंमु पेहकेन मिहया़! जाम्‍बुलीङला निङज्‍यी पेहकें मिह किन्‍ज्‍योकी टाह ओहङगे माएँ ताम च्‍यि ख्‍याला क्‍यी़ह म़ेहबा? ओ़ह सोङबे जाम्‍बुलीङला रोह ज़ोज्‍ये छोल्‍गेन्‍दीगी किन्‍ज्‍योला राहङगी टाह ज़ोएँ।

याकूब 4:4 ပူးပေါင်းရင်းမြစ်များ

मत्ती 12:39

येशूगी खुङया़ला सुङ नाङसीन, “दाङ-तिहरीङगी मिहया़ काहजे ङ्येहम्‍बा ओहले छ्येउ-छ्येंमुवा दु! खुङया़ ओङ छ्यिम्‍बुगी ताक्‍छेनया़ ताज्‍ये छोल्‍गे। यिहॱनाङ लुहङतेम्‍बा योनागी ताक्‍छेन मिहम्‍बा लेहमेन खुङया़गी च्‍यी़ॱआङ ताक्‍छेन थोङ ङ्युहङज्‍ये म़ेह।

मत्ती 16:4

दाङ-तिहरीङगी दि मिहया़ काहजे ङ्येहम्‍बा दाङ छ्येउ-छ्येंमुवा दु। खुङया़ ओङ छ्यिम्‍बुगी ताक्‍छेनया़ ताज्‍ये छोल्‍गे। यिहॱनाङ खुङया़गी योनाकी ताक्‍छेनया़ म़ेदी लेहमेन च्‍यिॱआङ ताक्‍छेनया़ थोङ ङ्युहङज्‍ये म़ेह।” ओ़ह तिङले येशू खुङया़ला क्‍युर ज़्‍या़दी ओ़ह ग्‍या़लेगी फेप नाङसीन।

मत्ती 6:24

“सुज्‍यीगीॱआङ ताहक्‍पु ङ्यी़ला स्‍याहप्‍तो स्‍युह मी़हखुएँ। च्‍यिबेमाना खोगी च्‍यी़ला चोक्‍पा पेहच्‍ये येह ओहले राहङसाला या़हबु पेहच्‍ये येह च्‍यिबे मासीमाना च्‍यी़गी माक्‍योगी ताम खोगी ङ्यिहन्‍ज्‍ये येह ओहले लेहमेनदीला ची़नाङ पेहच्‍ये म़ेह। ओ़ह ल़ेहमुराङ ख्‍याया़गीॱआङ किन्‍ज्‍यो दाङ क्‍युह ङ्यिकालाराङ स्‍याहप्‍तो स्‍युह मी़हखुएँ।”

लूका 19:27

“ता़हनी ङाहला टाह पेहती क्‍याहल्‍बु पेह मिहङ्युहङ माएँ मिहया़ला देला ख्‍योङदी ङाहगी दिनलाराङ सेतोङ!” म़ेदी ओ़ह क्‍याहल्‍बुगी मासीन।

यूहन्‍ना 15:19

ख्‍या दि जाम्‍बुलीङदी यिहन्‍गे यिहनानी खुङगी ख्‍याला राहङदीराङ ने़दी चेवा पेहच्‍ये येहकें। यिहॱनाङ ख्‍या दि जाम्‍बुलीङदी मिहन। ख्‍याला ङाहगी जाम्‍बुलीङ यिहन्‍ज्‍यु दाम्‍सीन ओ़ह सोङबे जाम्‍बुलीङगी ख्‍याला ङ्येन्‍ज्‍येन पेहकें।

यूहन्‍ना 17:14

ङाहगी खुङया़ला राहङती सुङदेन तेर्सीन, यिहॱनाङ जाम्‍बुलीङगी खुङया़ला ङ्येन्‍ज्‍येन पेहसीन, च्‍यिबेमाना ङाह ल़ेहमुराङ खुङॱआङ दि जाम्‍बुलीङदी मिहन।

यूहन्‍ना 7:7

जाम्‍बुलीङगी मिहया़गी ख्‍याला ङेन्‍ज्‍येन पेह मी़हखुएँ, यिहॱनाङ ङाहलादी ङेन्‍ज्‍येन पेहकें, च्‍यिबेमाना ङाहगी जाम्‍बुलीङगी मिहया़ती डोलु-तेहलुया़ चोक्‍पा येह म़ेदी पाङबु तेर्के।

रोमी 5:10

च्‍यिबेमाना ओहराङ किन्‍ज्‍योगी टाह येहकेमुराङ मिहरोगी स़ेबु ओहराङगी तेहन्‍दाला टोहङ नाङसीन ओहले मास्‍यीकाकी स्‍यिवा लाहमले किन्‍ज्‍योगी ओहराङला राहङदीराङ रो़ह ज़ो नाङदी येह मासीमाना, ता़ह ओहराङ तोहरोङ माहङबु किन्‍ज्‍यो ङ्याम्‍बुराङ डी़क्‍यो सोङबे मास्‍यीकाकी मिहली लाहमले किन्‍ज्‍योगी ओहराङला थार च्‍य़ू नाङज्‍ये येह।

रोमी 8:7

च्‍यिबेमाना ज़ुबु लाहमले पेहकेन तिहक्‍पाकी पेहताङया़ थो़ला सेम ताङगे मिह किन्‍ज्‍योगी टाह यिहम्‍बा। खो किन्‍ज्‍योकी छ्य़े-ठिमगी ओङ चो़ला तेह मी़हखुएँ ओहले खोगी छ्य़े-ठिमॱआङ ची़ मी़हखुएँ।

१ कोरिन्‍थी 1:20

रिहक्‍स्‍यी छ्यिम्‍बु येहकेनया़ का़हला येहबा? छ्य़ेकी खेम्‍बुया़ का़हला येहबा? दि काल्‍बाकी तेहन्‍दाला स्‍येपा तुहर्केया़ का़हला येहबा? च्‍यि किन्‍ज्‍योगी दि जाम्‍बुलीङकी रिहक्‍स्‍यीला उल्‍दुम्‍बा ज़ो माहनाङ ले?

१ कोरिन्‍थी 1:21

जाम्‍बुलीङगी रिहक्‍पा-रिहक्‍स्‍यी लाहमले मिहया़गी किन्‍ज्‍योला ङोह स्‍य़े मी़हखुएँ म़ेदी मिहरोला थुयी़ येहकें ओ़ह सोङबे ङ्यिहगी प्रा साल्‍ग्‍यो या़हबु लेहङगुकी उल्‍दुम्‍बा ताम लाहमलेॱराङ यिह छ्य़ेगेया़ला थार च्‍य़ूज्‍ये सुङदी किन्‍ज्‍योगी थु-सेम जे नाङसीन।

गलाती 1:10

ङाहगी मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहनॱराङ मिहन ङाहगीनी किन्‍ज्‍योकी थु गा काहसो डो च्‍य़ूज्‍ये छोल्‍ग्‍यो यिहम्‍बा। का़हलेॱआङ ङाहगी तोहरोङॱआङ मिहया़ला क़ेहनाङ लाहङ च्‍य़ूज्‍ये छोल्‍ग्‍यो यिहन्‍सीन मानानी ङाह मास्‍यीकाकी लाबु डोज्‍ये म़ेहबा येहकें।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।