याकूब 4:11 - ह्योल्मो11 ए ङाहगी आदा-नो़ह दाङ आज्यी-नुहमुया़, च्यी़गी च्यी़ला टाह पेहती चोक्पा ताम माहमा। का़हन्दीगी राहङ नो़हला टाह पेहती चोक्पा ताम माएँ ओहले ङ्य़ेहबा केन्गे, खोगी छ्य़े-ठिमला टाह पेहती ताम माक्यो यिहम्बा, खोगी छ्य़े-ठिमला ङ्य़ेहबा केन्ग्यो यिहम्बा म़ेदी तेन्गे। यिहॱनाङ ख्येगी छ्य़े-ठिमला क्येन तासीमानानी ख्येगी छ्य़े-ठिम ची़क्यो मिहम्बा, ख्येनी छ्य़े-ठिमला ठिम ताङगेन ठिम-पेन गा काहल्सीन लेह। အခန်းကိုကြည့်ပါ။ |
याकूब 4:11
24 ပူးပေါင်းရင်းမြစ်များ
ओ़हठी यिहन्सीमाना ता़ह ओहराङगी च्यि माज्ये? च्यि छ्य़े-ठिम तिहक्पा यिहम्बा? का़हला यिहन्ज्ये, मिहम्बा। का़हलेॱआङ छ्य़े-ठिम म़ेहबा यिहनानी ङाहगी तिहक्पा च्यि यिहम्बा म़ेदी ह्अॱराङ कोहच्ये म़ेहबा येहकें, च्यिबेमाना “ख्येगी ह्अम्बा माहबे” म़ेदी छ्य़े-ठिमगी मा़हमेबा यिहनानी ह्अम्बा पेहक्योदी तिहक्पा यिहम्बा माएँ ताम ङाहला क्यी़हराङ ज्योर्च्ये म़ेहबा येहकें।
ओ़ह सोङबे किन्ज्योकी ठाबे जे नाङग्योकी ती़हजी म़ेदी तोहङले ठिम माहताङ, चो़वो फेप नाङगे ती़हजी थु कू़हदोङ। मिहरोगी ना़-जुबेला यिहप्ती तेहक्योकी से़हया़ क्या-साङेला नोम फेन नाङज्ये येह, ओहले मिहकी सेम नाहङकी तामया़ छ्यिसाल-नाहङसाल पेहती तेन नाङज्ये येह। ओ़ह ती़हजीला मिह थाम्ज्यीगी राहङगी ज्योर कोहएँकी स्याबास किन्ज्यो लाहमले ज्योर्च्ये येह।
च्यिबेमाना ङाह ख्याला थु ओहङगेमु ङाहगी ने़क्यो ल़ेहमु ख्या मेहयोहङडो ओहले ख्यागी ने़क्यो ल़ेहमु ङाह मेहयोहङडो म़ेदी ङाहला ज्यी़सु येहकें। ख्याया़गी पाहरक्यीला ठ़ूस्यी, ठादो, स्यिहताङ, राहङदी च्यी़राङ ख्येप्साङ ताएँ, ख्येर क्याहप्कें, मिहदाम च्येहके, छ्य़ेन्दो तेन्गे दाङ मिहला गो़ थोम च्य़ूगेन्गी तामया़ॱआङ ओहङडो।
ओ़ह ल़ेहमुराङ पेहती क़ेहङगेनया़ला, किन्ज्योला क्याप्केन्गी पी़हमीया़गी काह-ठि पेहती राहङगी मिहजी ताङगे ओ़ह ल़ेहमुराङ पेहती ख्याया़गीॱआङ राहङगी मिहजी ताङ कोहकें, लेहमेन मिहला स्यिती काम्बुला फातुर च़ूज्ये मेहयोहङगे, छ्याङगी ज़िज्ये मेहयोहङगे, ओहले का़हन्दी या़हबु येहबा खुङया़गी मिहया़ला ओ़हदीॱराङ लोप्च्यु म़ेदी लोप्ताम क्याहप्तोङ।
ကြော်ငြာတွေ