Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




याकूब 3:6 - ह्योल्‍मो

6 च्‍येलेदी मेह ल़ेहमुराङ यिहम्‍बा। दि ज़ुबुगी ओङबुया़ नाहङला तिहक्‍पागी छाङॱराङ यिहम्‍बा। दिगी ज़ुबु थाम्‍ज्‍यीला क्‍येन फो़ च्‍य़ूएँ ओहले मिहगी मिहजीलाॱराङ मेह ती़ह च्‍य़ूगे ओहले ङ्याल्‍वाकी मेहला ओ़ह छी़गे।

အခန်းကိုကြည့်ပါ။ ကော်ပီ




याकूब 3:6
62 ပူးပေါင်းရင်းမြစ်များ  

दि ताम थे़दी फरिसीया़गी मासीन, “दि मिहगीनी ल्‍हेन्‍डीया़की क्‍याहल्‍बु बालजिबुलगी ओङगी पेहती गा ल्‍हेन्‍डीया़ला तेन्‍गे।”


यिहॱनाङ ङाह ख्‍याया़ला माएँ, का़हन्‍दीगी राहङगी नो़ह ङ्याम्‍बु स्‍यिहताङ पेहकें खो ङ्य़ेहबा खुर्च्‍ये सी़हएँ, ओहले का़हन्‍दीगी राहङगी नो़हला ङ्याप्‍च्‍यु पेहकें, खोगी छो़बा छ्यिम्‍बुगी दिनला ल़ेहन क्‍याहप कोहच्‍ये येह। यिहॱनाङ का़हन्‍दीगी राहङगी नो़हला ‘ख्‍ये उल्‍दुम्‍बा’ म़ेदी माएँ, खो ङ्याल्‍वागी मेहला छ्यिकेन्‍गी ज्‍यिक्‍पा ओहङज्‍ये येह।”


खाले पेहती मिह ज़ुबु नाहङला लेप्‍कें च्‍यि से़हज्‍यीगीॱआङ मिहला मेहचाङा ज़ो मी़हखुएँ, यिहॱनाङ मिहगी सेम नाहङले फिला थेन्‍गे से़हया़गी गा मिहला मेहचाङा ज़ोएँ।


ओहले खोगी क़े तेन्‍दी मासीन, ‘ओ़ याहप अब्राहाम, ङाहला निङज्‍यी जेती लाजरसला ङाहसाला ताङ नाङदोङ, ओहले खोगी लाहक्‍पा जुबी छ्युला लू़दे ङाहगी च्‍येलेला सिल्‍बु जे तेर्च्‍यु। ङाह दि म़ेह नाहङला बोल-तेहको येहबा।’


ओहले ख्‍याराङगी पाहरक्‍यीलेगीॱआङ चिहन क्‍याहप्‍ती लुहङ तेर्केन्‍गी मिहया़ थेन्‍ज्‍ये येह। खुङया़गी चो़वो छ्येवागी स्‍याहप्‍च्‍यीया़ला राहङगी चोक्‍पा लाहम ङो़ले ख्‍येर्च्‍ये छोल्‍ज्‍ये येह।


ओहजेला पत्रुसगी मासीन, “ए हननिया, नाम्‍पार-ताहक्‍पा थु ङ्याम्‍बु स्‍योप क्‍याहप्‍कें दाङ स्‍यिहङ चोङग्‍योगी टाङगा सिपाज्‍यी राहङ ङ्याम्‍बु ज़्‍या़गेन्‍गी ताम ती़ह गो-छ्येवागी काहन्‍डुमु पेहती ख्‍येगी सेमला काङ तेर्पा?


ओ़ह तिङले खुङगी स्‍तिफनासकी तेहन्‍दाला स्‍योप क्‍याहप्‍ती पाङबु तेर्के मिहया़ला ख्‍योङसीन। ओहले स्‍योप क्‍याहप्‍केन मिहया़गी, “दि मिहगीनी नाहम्‍माॱनाङ ङ्यिहगी नाम्‍पार-ताहक्‍पा छ्योखाङ दाङ मोशागी नाङग्‍यो छ्य़े-ठिमला टाह पेहती ताम माएँ” म़ेदी मासीन।


खुङगी खाला खास्‍यो माहक्‍याहप्‍पा मेहयोहङगे, च्‍यिबे मासीमाना खुङया़गीनी लोप्‍च्‍येराङ मे़हयोहङगेन्‍गी तामया़ लोप्‍ती खाङबा मे़हमेया़ थाम्‍ज्‍यीला ठू़ च्‍य़ूदी येह। टाङगा ज़ो़ज्‍येगी तेहन्‍दाला च्‍यी़राङ खुङया़गी दि ल़ेहमु पेहक्‍यो यिहम्‍बा।


ख्‍याया़लानी किन्‍ज्‍योगी येशू मास्‍यीकाकी छेनला क़े क्‍याहप नाङग्‍यो यिहम्‍बा, ओहले ता़ह येशू मास्‍यीकाकी छेन या़हबुला स्‍ये़हन्‍डील पेहकेन्‍दीॱआङ खुङया़ॱराङ मिहम्‍बा ले?


नामे-नाजो रिहदाया़, च्‍याह-च्‍यिहवाया़, साला स्‍युहर्ती डोएँगी सेम्‍ज्‍येनया़ ओहले छो-क्‍याहम्‍जोकी सेम्‍ज्‍येनया़ला टिहला ज़्‍या़ ख़ूएँ, ओहले मिहगीराङ दिया़ला टिहला ज़्‍या़दी येहबा।


थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,


ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।


दि ल़ेहमु पेहते ओ़ह डुक, खो ताहङबोकी प्रुहल यिहन्‍गे, खो थाम्‍ज्‍यी जाम्‍बुलीङला गो़ कोर च्‍य़ूएँगी दियाबलस दाङ ती़ह गो-छ्येवा यिहम्‍बा। खो दाङ खोगी स्‍याहप्‍च्‍यीया़ला स्‍यिहङगामले माहर जाम्‍बुलीङला क्‍युर ज़ाङग्‍यो येहकें।


ओ़ह तोहङस्‍यो सेम्‍ज्‍येनकी छापला दि ल़ेहमु याहम्‍जेम्‍बाकी ताक्‍छेनया़ तेन्‍गेन्‍गी स्‍युक खोला तेर्ते येहकें। दिगी पेहतीराङ खोगी जाम्‍बुलीङकी मिह थाम्‍ज्‍यीला गो़ कोर च्‍य़ूसीन। पादाङगी नाहन्‍दी काहल्‍देॱआङ थारक्‍यो ओ़ह सेम्‍ज्‍येनला ची़नाङ पेहच्‍येला थाम्‍ज्‍यीगी खोगी कु जे़दोङ म़ेदी ओ़ह ङ्यिपा सेम्‍ज्‍येनगी मिहया़ला कुल्‍सीन।


लोकी क्‍या-साङे ता़ह यिहन्‍ज्‍यु ख्‍येला येहपा छ्या़ज्‍ये म़ेह ओहले माहक्‍पा साम्‍बा दाङ नामा साम्‍बाकी क़े ख्‍येला थे़ज्‍ये म़ेह। च्‍यिबेमाना ख्‍येगी छोङबाया़ जाम्‍बुलीङगी छ्यिम्‍बु-छ्यिम्‍बु मिहया़ येहकें, ओहले ख्‍येगी ङ्येहन क्‍याहप्‍ती क्‍यिहपा-क्‍यिहपागी मिहया़ला गो़ कोर च्‍य़ूसीन!”


ओहले ओ़ह सेम्‍ज्‍येन दाङ खोगी छापला याहम्‍जेम्‍बाकी ताक्‍छेनया़ तेन्‍गे ओ़ह चिहन क्‍याहप्‍के लुहङतेम्‍बालाॱआङ ज़ुङसीन। दि याहम्‍जेम्‍बागी ल़ेहया़ लाहमले ओ़ह चिहन क्‍याहप्‍कें लुहङतेम्‍बागी ओ़ह सेम्‍ज्‍येनगी पार क्‍याहप्‍कें दाङ खोगी कुला छ्येपा फुल्‍गे थाम्‍ज्‍यीला गो़ कोर च्‍य़ूदी येहकें। ओ़ह ङ्यिकालाराङ ती़हदी तेहक्‍यो मेहबुङगी छो नाहङला सोम्‍बोराङ क्‍युर चाहङसीन।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ