Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




याकूब 3:17 - ह्योल्‍मो

17 यिहॱनाङ याहर किन्‍ज्‍यो लाहमले ओहङग्‍योगी रिहक्‍स्‍यीनी तोहङस्‍यो क़ेह-चाङमा ओहङगे खोगी स्‍य़िहदेला यिह छ्य़ेएँ, ओ़ह रिहक्‍स्‍यी ज्‍योर्केन मिह थेका दाङ मिह थाम्‍ज्‍यी ङ्याम्‍बु थिन्‍गे, खो निङज्‍यीगी काहङग्‍यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्‍बा-ङ्य़ेहरी मेहबेकें, खो यिहन्‍दो तेन्‍गे मेहयोहङगे।

အခန်းကိုကြည့်ပါ။ ကော်ပီ




याकूब 3:17
63 ပူးပေါင်းရင်းမြစ်များ  

ओ़ह ल़ेहमुराङ पेहती फिले ताएँमु ख्‍याया़ मिहया़गी दिनला टाहङबु ल़ेहमुराङ थोङगे, यिहॱनाङ नाहङलादी यिहन्‍दो तेन्‍गे दाङ तिहक्‍पागी काहङग्‍यो ओहङगे।”


च्‍याहङज्‍यु सेम्‍बा येहकेनया़ काहजे सोनाम-साक्‍पु, च्‍यिबेमाना खुङया़गी किन्‍ज्‍योला थोङज्‍ये येह।


थिम्‍बु-जामु पेह च्‍य़ूगेया़ काहजे सोनाम-साक्‍पु च्‍यिबेमाना खुङया़ किन्‍ज्‍योगी पुह-पोहमो ओहङज्‍ये येह।


ङाहगीराङ ख्‍याला रिहक्‍स्‍यीगी काहङ च्‍य़ूदी मा कोहएँगी तामया़ ओ़हजेलाराङ ङोह स्‍य़े च्‍य़ूज्‍ये येह, ओहले ख्‍यागी टाहया़गी खाला खाप्‍ज्‍यु क्‍याहप्‍च्‍ये येह।


स्‍यिहङगामला ज़्‍यू़गेन ख्‍येगी याहप्‍च्‍येन आबागी निङज्‍यी जेकें ल़ेहमुराङ, ख्‍याॱआङ निङज्‍यी पेहकेन ओहङ कोहएँ” सुङदी येशूगी सुङ ख्‍येप्‍टा नाङसीन।


ओहले सुङगी मिहगी मिहली नोम्‍दी ङ्यिहगी पाहरक्‍यीला ज़्‍य़ू नाङसीन। मिहरो काटीन दाङ तेहन्‍दामकी काहङदे येहकें। ङ्यिहगी मिहरोगी ज़िज्‍यिद थोङसीन। ओहले ओ़ह ज़िज्‍यिदती याहपकी च्‍यिमे च्‍यी़राङ स़ेबुदी यिहन्‍गे।


येशूगी नथानेलला राहङ ङो़ले ओहङगेॱराङ पेहक्‍यो ज़ी़दी खोगी तेहन्‍दाला सुङ नाङसीन, “त़ेदोङ, खो तेहम्‍बा-तेहन्‍सुमॱराङ इस्राएली यिहन, खोला च्‍यिॱआङ क्‍येन म़ेह।”


बारनाबासदी नाम्‍पार-ताहक्‍पा थु दाङ यिह-छ्य़ेगी काहङग्‍यो ज्‍यिबुराङ मिह या़हबु येहकें, खोगी पेहती मिह माहङबुगी चो़वोला सेमले खाल्‍सीन।


योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।


ला़ खाजे मिह थाम्‍ज्‍यी ङ्याम्‍बु थिम्‍बु पेहती तेहतोङ।


ख्‍याया़गी निङज्‍यी पेहक्‍योदी मिहया़ला तेन्‍ज्‍येगी तेहन्‍दाला मिहम्‍बा यिहॱनाङ ओ़ह निङज्‍यी तेहन्‍दाम ओहङ कोहएँ। ल़ेह चोक्‍पाया़ क्‍युर्ती या़हबु ल़ेहला स्‍य़ूहदोङ।


आदा-नो़ह दाङ आज्‍यी-नुहमुया़, ख्‍याया़ ज्‍यिबुराङ या़हबु येहबा माएँ ताम ङाहला या़हबु पेहती क्‍यी़ह येह। ओहले ख्‍या येहन्‍देनगी काहङदी च्‍यी़गी च्‍यी़ला या़हबु पेहती लोप ख़ूएँगी ओङॱआङ ख्‍या ङ्याम्‍बु येहबा।


लाहलाला नाम्‍पार-ताहक्‍पा थु लाहमले रिहक्‍स्‍यीगी तामया़ माएँ, लाहलाला ओ़ह थु लाहमलेॱराङ येहन्‍देनगी तामया़ माएँ,


ङाह पावल, ख्‍याया़गी दिनलाती स्‍यिहवा पेहकु दु लो, ओहले था़-रिहङबु येहकेमुती ख्‍याया़ ङ्याम्‍बु सोहम्‍ग्‍याङ तेन्‍गु दु म़ेदी ख्‍या नाहङला ताम च्‍येहकु दु लो। यिहॱनाङ मास्‍यीकाकी स्‍यिहवा दाङ थुज्‍यी लाहमले ङाह ख्‍याया़ला ओहर-छ्य़े स्‍युहउ येह।


ङ्यिह राहङगी मिहजी नाहम माॱनाङ चाङमा ज़्‍या़गे, रिहक्‍स्‍यीला, ना़स्‍यीङ छ्यिम्‍बु पेहच्‍येला, निङज्‍यी पेहच्‍येला, नाम्‍पार-ताहक्‍पा थुला, तेहन्‍दामकी चेवाला,


ख्‍या थो़ला बाप्‍क्‍यो तुहक्‍पु लाहमले किन्‍ज्‍योगी च्‍यि जे नाङबा, टेहम्‍बा साल्‍दोङ, दि तुहक्‍पुगी ख्‍याया़ला तेहम्‍बा-तेहन्‍सुम ज़ोसीन, च्‍यिॱआङ क्‍येन म़ेह म़ेदी तेन्‍ज्‍येला सेमला मेह ती़ह च्‍य़ूसीन, ख्‍याया़ला काहन्‍डुमु स्‍यिहताङ लाहङ च्‍य़ूबा, ख्‍याला काह-ठि तुहङाल लाहङ च्‍य़ूबा, ख्‍याला काह-ठि नोम्‍साङ ताङ च्‍य़ूबा ओहले किन्‍ज्‍योला क्‍याप्‍च्‍येला काहन्‍डुमु सेम्‍बा क्‍ये च्‍य़ूबा। ख्‍याया़ नाहङला तिहक्‍पा पेहकेनया़ला ङ्य़ेहबा काल्‍गेन्‍गी सेमॱआङ क्‍येसीन। दि थाम्‍ज्‍यी लाहमले ख्‍याया़ला च्‍यिॱआङ क्‍येन मेह माएँ ताम क्‍यी़ह ज्‍योर्के।


ताप्‍केया़ला सेन ओहले साहज्‍येला तोप्‍च्‍या नाङगे किन्‍ज्‍योगी ख्‍याया़ला सेन नाङज्‍ये येह, ओहले ओ़हला माहङबु माहङबु जेती नाङज्‍ये येह, ओहले ख्‍याया़गी सेम ज़ाङबु पेहती ताप्‍क्‍यो सोङबे ओ़ह लाहमले याहगेन्‍गी सेदोया़ला किन्‍ज्‍योगी मेलाम माहङबुराङ नाङज्‍ये येह।


च्‍यिबेमाना क्‍या-साङेकी लाहमला डोएँ मिहया़गी नामे-नाजो ल़ेह या़हबुया़ पेहकें, खो टाहङदेन दाङ तेहन्‍दाम ओहङगे।


किन्‍ज्‍योकी ज़िज्‍यिद दाङ त़ेरा तेच्‍याकी तेहन्‍दाला येशू मास्‍यीका लाहमले ओहङगेन टाहङदेनकी सेदोगी ख्‍याया़ काहङदी तेहतोङ।


ज्‍युक्‍स्‍योलला आदा-नो़ह दाङ आज्‍यी-नुहमुया़, का़हन्‍दी ताम तेहम्‍बा येहबा ओहले चा़ पेहच्‍येला सी़हएँदी येहबा ओ़ह से़हला सेम ताङदोङ। का़हन्‍दी स़ेह ठिमला ते़बे या़हबु येहबा, चाङमा येहबा, चेवा पेहच्‍येला सी़हज्‍ये येहबा, चा़ छ्यिम्‍बु येहबा ओहले क्‍या़ज्‍येला सी़हज्‍ये येहबा ओ़ह से़हया़ला सेम ताङदोङ।


ओहले ख्‍याया़गी चो़वोला थु ङ्ये़एँगी मिहजी ताङदी नाहम-माना मिहरोला क़ेहनाङ लाहङ च्‍य़ू ख़ूज्‍यु ओहले थाम्‍ज्‍यी या़हबु ल़ेहया़ला सेदो या़ह च्‍य़ूगेनॱराङ किन्‍ज्‍योकी येहन्‍देनला याहरक्‍यी पेहती डो ख़ूज्‍यु।


यिहॱनाङ येशू मास्‍यीकागी ङ्यिहला दाम्‍दी ल़ेह-पेन ज़ो नाङग्‍यो सोङगोराङ राहङगी पेहजाया़ला चारा पेहकें आमा ल़ेहमुराङ ङ्यिह ख्‍या फ़ेबे-म़ेहमेया़गी पाहरक्‍यीला ङ्येम्‍बु काहल्‍सीन।


ङाह ख्‍येला किन्‍ज्‍यो, मास्‍यीका येशू दाङ दाम्‍ग्‍योकी स्‍यिहङगामकी स्‍याहप्‍च्‍यीया़गी दिनला दि लुहङ ची़दोङ म़ेदी का तेर्को येह। ओहले ख्‍येगी सुॱलाङ ङ्येम्‍बा-ङ्य़ेहरी माहबेबा पेहती दि ठिमया़ ची़दोङ।


चो़वोला स्‍याहप्‍तो स्‍युहएँ मिहनी जिङज्‍ये मेहयोहङगे, खो मिह थाम्‍ज्‍यीला निङज्‍यी पेहकेन, लोप ख़ूएँ ओहले ना थाम्‍ज्‍यीला ना़स्‍यीङ छ्यिम्‍बु पेह ख़ूएँदी ओहङ कोहकें।


चाङमा मिहया़गी तेहन्‍दाला थाम्‍ज्‍यी से़हया़ चाङमाॱराङ येह। यिहॱनाङ मेहचाङा दाङ यिह मे़हछ्येगेया़गी तेहन्‍दालानी च्‍यि से़हॱआङ चाङमा म़ेह च्‍यिबेमाना खुङया़गी सेम दाङ नावा ङ्यिकाराङ चाङमा म़ेह


ओहले खुङया़गी सुलाॱआङ आब्रु तेन्‍गेन्‍गी ल़ेहया़ माहबेच्‍यु ओहले सु ङ्याम्‍बुॱआङ ठ़ूस्‍यी सिहङदा माहबेच्‍यु, मिह थाम्‍ज्‍यी ङ्याम्‍बु ङ्येम्‍ज्‍युङ दाङ छ्याप्‍स्‍यी या़हबु पेहच्‍यु।


किन्‍ज्‍योगी ओहराङला च्‍युर नाङगेमु ओ़ह ती़हजीला क्‍यिपु म़ेदी माहङबु तुहक्‍पु ओहङगे। यिहॱनाङ ओहराङ टिहला तेहती च्‍याहङदार पेह सिहन्‍ग्‍योया़गी तेहन्‍दाला ओ़हगी तिङले टाहङदेनकी स्‍य़िहदे ओहङ च्‍य़ूएँगी सेदो या़ह च्‍य़ूगे।


मिह थाम्‍ज्‍यी ङ्याम्‍बु थिन्‍दी तेहच्‍येला ओहले नाम्‍पार-ताहक्‍पा मिहजी ताङज्‍येला स्‍युक पेहतोङ च्‍यिबेमाना नाम्‍पार-ताहक्‍पा माहकाहल थु सुगीॱआङ चो़वोला थोङ मी़हखुएँ,


ना थाम्‍ज्‍यी या़हबु दाङ याहङ-ताहक्‍पा काबाप स्‍यिहङगामलेगी ओहङगे। नामला येहकेन्‍गी रेबेॱराङ येहसेरया़ छ्या़ च्‍य़ू नाङगे किन्‍ज्‍यो याहप लाहमलेॱराङ दि काबापया़ ओहङगे यिहम्‍बा। मिहरो नाहमॱआङ ग्‍युर मेहनाङगे ओहले मिहरोगी लो़हदे येहपाराङ ना़-जुबे ज़ो मेहनाङगे।


ओहले ख्‍याया़ नाहङला सुलाॱआङ रिहक्‍स्‍यीती कोम्‍बु येहसीमाना किन्‍ज्‍यो ङ्याम्‍बु लाङदोङ ओहले ख्‍येगी रिहक्‍स्‍यी ज्‍योर्च्‍ये येह च्‍यिबेमाना किन्‍ज्‍योगी थु ज़ाङबु जेती थाम्‍ज्‍यीलाराङ बोलो-छ्योलो नाङज्‍ये येह।


निङज्‍यी मेहबेकें मिहला किन्‍ज्‍योगी थुज्‍यी ज़ी़ माहनाङबा जेती ठिम ताङ नाङज्‍ये म़ेह। चेवागी ठिमला क्‍याहल ख़ूएँ।


च्‍यि ख्‍यागी राहङ नाहङदोङराङ ङ्येम्‍बा-ङ्य़ेहरी माहबे ले? च्‍यि ख्‍या सेम चोक्‍पा थो़दी फिच्‍र्या ठिम ताङगेन्‍गी ठिम-पेनया़ माहकाहल ले?


दि ल़ेहमु रिहक्‍स्‍यीनी याहर किन्‍ज्‍यो लाहमले ओहङग्‍यो मिहम्‍बा, दिनी जाम्‍बुलीङ दाङ मिह ज़ुबुले ओहले ती़ह गो-छ्येवा लाहमले थेन्‍ग्‍योगी रिहक्‍स्‍यी यिहम्‍बा।


ख्‍याया़ किन्‍ज्‍यो पोहला स्‍यो, ओहले किन्‍ज्‍योॱआङ ख्‍या पोहला फेप नाङज्‍ये येह। ए तिहक्‍च्‍येम्‍बाया़! राहङ लाहक्‍पा ठी़दी चाङमा जे़दोङ। ए सेम ङ्यी़ च्‍याङगेनया़! राहङ सेम चाङमा जे़दोङ।


ता़ह तेहन्‍दामकी स्‍याहलला ची़दे ख्‍याया़गी राहङलाराङ चाङमा ज़ोक्‍यो सोङबे राहङगी आदा-नो़हया़ला च्‍याहङज्‍यु सेम्‍बा थो़दी चेवा पेहतोङ, ओहले सेम तिहङ यिहन्‍ज्‍युराङ च्‍यी़गी च्‍यी़ला चेवा पेहतोङ।


ओ़ह सोङबे ख्‍यागी ना थाम्‍ज्‍यीगी ल़ेह चोक्‍पाया़ क्‍युर्तोङ, चिहन माहक्‍याहप, यिहन्‍दो माहतेन, ठादो माहतेन ओहले मिह ताम च्‍येहकेन्‍गी तामया़ माहलाप।


योक्‍पु-यो़मुया़, राहङ ताहक्‍पुया़ला ची़नाङ पेहती खुङया़गी ओङ चो़ला ज्‍युल्‍दी तेहतोङ। ख्‍याया़ला चेवा पेहकें दाङ खा साल्‍बु पेहती ताम माएँ ताहक्‍पुया़दी च्‍यी़राङ ओङ चो़ला ज्‍युल्‍दी तेहकें मिहम्‍बा, यिहॱनाङ ताहक्‍पु ठोक्‍पुया़ॱलाङ ची़नाङ पेहतोङ।


ए ङाहगी पेहजाया़! ओहराङ खा दाङ तामगी ज्‍यीॱराङ चेवा पेहच्‍ये मेहयोहङगे, ओहराङगी चेवादी तेहन्‍दामदी ओहङ कोहएँ। दि ल़ेहमु चेवाती ल़ेह लाहमले च्‍यी़राङ थोङगे यिहम्‍बा।


ओहले मास्‍यीकाला दि ल़ेहमु रेहवा पेहकेनया़गी राहङला मास्‍यीकाला ल़ेहमुराङ चाङमा पेहती ज़्‍या़गे।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ