याकूब 3:13 - ह्योल्मो13 ख्या नाहङला ख्येम्बा-ताहक्पु दाङ येहन्देन माहङबु येहकेन्दीगी राहङगी डोलु-तेहलुया़ या़हबु पेहच्यु ओहले रिहक्स्यीला ङ्येम्ज्युङ पेहती ल़ेह पेहच्यु। အခန်းကိုကြည့်ပါ။ |
याकूब 3:13
46 ပူးပေါင်းရင်းမြစ်များ
आदा-नो़ह दाङ आज्यी-नुहमुया़, सुज्यीगी तिहक्पाकी ल़ेहया़ पेह तेहक्यो च्य़ेह सिहन्सीमाना नाम्पार-ताहक्पा थु लाहमले राहङगी डोलु-तेहलु पेहकेन मिहया़गी स्यिहवा पेहती खोला लोप्ताम क्याहप्ती लाहम या़हबुला ख्योङ कोहएँ। ओहले ख्या राहङगी तेहन्दालाॱआङ या़हबु जेम्बु पेहतोङ मिहन्सीमानानी ख्याया़ॱआङ ङ्याहम्छेला छ्यिच्ये येह।
चा़ छ्यिम्बु ताम दिराङ यिहम्बा, काहन्डुमु पेहती यिहॱनाङ ख्यागी डोलु-तेहलुया़ मास्यीकाकी लेहङगुला पे-सी़हएँदी ओहङज्यु। ओ़ह सोङबे ङाहगी ख्याया़ला थ़ू ख़ूॱनाङ मी़हखुॱनाङ ख्याया़ ताम च्यी़ला डी़दी थिक-चि पेहती सेम च्यी़ थो़दी या़हबु लेहङगुकी तेहपाकी तेहन्दाला तुहक्पु पेहकेनॱराङ दु लो माएँ ताम ङाहगी थ़े ङ्युहङज्यु।
यिहॱनाङ याहर किन्ज्यो लाहमले ओहङग्योगी रिहक्स्यीनी तोहङस्यो क़ेह-चाङमा ओहङगे खोगी स्य़िहदेला यिह छ्य़ेएँ, ओ़ह रिहक्स्यी ज्योर्केन मिह थेका दाङ मिह थाम्ज्यी ङ्याम्बु थिन्गे, खो निङज्यीगी काहङग्यो ओहङगे, खोगी नाहम-माना या़हबु ल़ेह पेहकें, खोगी सुलाॱआङ ङ्येम्बा-ङ्य़ेहरी मेहबेकें, खो यिहन्दो तेन्गे मेहयोहङगे।
किन्ज्योला यिह-छ्य़े माहबेबाकी मिहया़गी पाहरक्यीला ख्याया़गी डोलु-तेहलु या़हबु ओहङज्यु। सुज्यीगीॱआङ ख्याया़ला मिह चोक्पा म़ेदी ख्याला टाह पेहसीनमाॱनाङ खुङया़गी ख्यागी पेहक्योगी ल़ेह या़हबुया़ थोङज्यु, ओहले किन्ज्योगी ठिम ताङ नाङगेन ङ्यिहमाला खुङया़गी किन्ज्योला त़ेरा तेच्या फुल्ज्यु।
यिहॱनाङ ख्याया़नी दाम्ग्योगी मिहया़, क्याहल्बुला स्याहप्तो स्युहएँगी पूजाहारी, नाम्पार-ताहक्पा क्यिहपाया़, किन्ज्योगी राहङदीराङ मिहया़ यिहम्बा। मिहरोगी ख्याया़ला ना़-जुबेलेगी याहम्जेन छ्येवा जेती क्या-साङेला नोम फेन नाङसीन च्यिबेमाना ख्याया़गी किन्ज्योकी याहम्जेन छ्येवागी छ्या़लेया़ मिहया़ला स्युक छ्यिम्बु पेहती स्ये ख़ूज्यु म़ेदी यिहम्बा।
ကြော်ငြာတွေ