याकूब 3:1 - ह्योल्‍मो

¹ ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, ख्‍याया़ नाहङला मिह माहङबु लोबेन डोज्‍ये माहछोल, च्‍यिबेमाना लेहमेन मिहया़ला म़ेदी ङ्यिह लुहङ तेर्केया़ला ठिम छान्‍दी जेती ज़ी़ नाङज्‍ये येह माएँदी ख्‍याला क्‍यी़ह येह।

याकूब 3:1 ပူးပေါင်းရင်းမြစ်များ

मत्ती 10:24

“स्‍याहप्‍च्‍यी लोबेन म़ेदी छ्यिम्‍बु दाङ योक्‍पु राहङगी ताहक्‍पु म़ेदी छ्यिम्‍बु ओहङ मी़हखुएँ।

मत्ती 23:13

“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ला काहजे छा़ तुहवा! ख्‍याया़गी स्‍यिहङगामगी क्‍याहल्‍सीगी कोहला कोहल्‍ज्‍या क्‍याहप्‍ती येह। ओहले ख्‍याया़ राहङॱआङ नाहङला मी़हस्‍युहएँ ओहले नाहङला स्‍य़ूहज्‍ये छोल्‍गेनया़ॱलाङ स्‍य़ूह मी़हच्‍युएँ।”

मत्ती 23:14

[“ए यिहन्‍दो तेन्‍गे छ्य़े-ठिमकी लोबेनया़ दाङ फरिसीया़! ख्‍याया़ काहजे छा़ तुहवा! ख्‍याया़गी ह्‍युग्‍मोया़गी खाङबा स्‍यिहङया़ फ्रो़गे ओहले मिहया़ला तेन्‍ज्‍येला रिहङबु-रिहङबु सोल्‍वाङ ताप्‍के। ओ़ह सोङबे किन्‍ज्‍योगी ख्‍याया़ला ज्‍यिबुराङ छ्यिम्‍बु ङ्य़ेहबा काल नाङज्‍ये येह।”]

मत्ती 9:11

दि थोङदी फरिसीया़गी येशूगी स्‍याहप्‍च्‍यीया़ला, “च्‍यिबे ख्‍याया़गी लोबेन ठाल तुहएँ मिहया़ दाङ लेहमेन तिहक्‍च्‍येम्‍बा मिहया़ ङ्याम्‍बु ज़्‍य़ूदी सोल छ्येके?” म़ेदी टी़हसीन।

लूका 16:2

ओहले छ्युक्‍पु मिहगी ओ़ह गोबाला क़े क्‍याहप्‍ती टी़हसीन, ‘ङाहगी ख्‍येगी तेहन्‍दाला च्‍यि थे़गेनराङ येहबा? ख्‍येगी थाम्‍ज्‍यीराङ चिदुङ ङाहला चि क्‍याहप स्‍यो! ता़ह यिहन्‍ज्‍यो ख्‍ये गोबा ओहङ मी़हखुएँ।’

लूका 6:37

“ओहले लो़हलो मिहया़ला ठिम माहताङ, ओहले किन्‍ज्‍योगी ख्‍याॱलाङ ठिम ताङ नाङज्‍ये म़ेह। राहङसा मिहया़ला क्‍येन माहता, ओहले किन्‍ज्‍योगी ख्‍याॱलाङ क्‍येन ता़ नाङज्‍ये म़ेह। लो़हलो मिहया़ला कोहङदा तेर, ओहले किन्‍ज्‍योगी ख्‍याॱलाङ कोहङदा नाङज्‍ये येह।

यूहन्‍ना 3:10

येशूगी खोला सुङ नाङसीन, “ख्‍येनी इस्राएलीया़गी लोबेन यिहन, यिहॱनाङ दि केच्‍याया़ ङोह मे़हस्‍ये दु?

ल़ेह-पेन 13:1

एन्‍टिओखिया क्‍याहसागी छेन्‍छोकला लुहङतेम्‍बाया़ दाङ लोप्‍च्‍युङ तेर्केन मिहया़ माहङबुराङ येहकें। खुङया़ बारनाबास, आफ्रिकागी शिमियोन, कुरेनीगी लुकियस, क्‍याहल्‍बु हेरोद ङ्याम्‍बुराङ छारक्‍योगी मनेन दाङ शाऊल यिहन्‍गे।

१ कोरिन्‍थी 12:28

किन्‍ज्‍योगी छेन्‍छोकला तोहङस्‍यो ल़ेह-पेनया़, ङ्यिपाला लुहङतेम्‍बाया़, सुम्‍बाला लोबेनया़, याहम्‍जेम्‍बागी छ्या़ले पेहकेनया़, नेहपाया़ला टा़ह च्‍य़ूगेन्‍गी काबाप ज्‍योरक्‍योया़, रो़हराम पेहकेनया़, गोबाया़, नामे नाजो ताम साम्‍बा माएँगी काबाप ज़्‍योरक्‍यो मिहया़ ज़्‍या़ नाङदी येहबा।

२ कोरिन्‍थी 5:10

च्‍यिबेमाना ङ्यिहमा च्‍यी़ ओहराङ थाम्‍ज्‍यीला मास्‍यीकागी ठिम ताङ नाङज्‍ये येह ओ़ह ती़हजीला ओहराङ थाम्‍ज्‍यी मास्‍यीकागी दिनला लाहङ कोहच्‍ये येह। ओहराङगी दि मिहजीला ल़ेह या़हबु, चोक्‍पा च्‍यि च्‍यि पेहक्‍यो येहबा ओ़हला ते़बे सेदो ज्‍योर्च्‍ये येह।

एफिसी 4:11

ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

१ तिमोथी 1:7

खुङ छ्य़े-ठिम लोप्‍केन्‍गी लोबेन डोज्‍ये छोल्‍गे, यिहॱनाङ खुङ राहङगी दिराङ तेहन्‍दाम यिहम्‍बा म़ेदी माक्‍योगी ताम खुङ राहङगीराङ ह्‍अ मेहकोहएँ।

१ तिमोथी 2:7

ओ़ह सोङबे ङाहगी लेहमेन क्‍यिहपागी मिहया़ला तेहपा दाङ तेहन्‍दामला लुहङ प्रा-साल्‍ज्‍येला चो़वोगी ङाहला ल़ेह-पेन दाङ लोबेन ज़ो नाङसीन। ङाहगी तेहम्‍बाराङ माक्‍यो यिहम्‍बा, स्‍योप क्‍याहप्‍ती म़ेह।

२ तिमोथी 1:11

ओ़ह या़हबु लेहङगु स्‍येच्‍येलाॱराङ किन्‍ज्‍योगी ङाहला या़हबु लेहङगु स्‍येकेन्‍गी मिह, ल़ेह-पेन दाङ लोबेन ज़ो नाङसीन।

हिब्रू 13:17

ख्‍या गोबाया़गी माक्‍योगी ताम ङ्यिहन्‍दोङ। ओहले खुङगी ओङ चो़ला तेहतोङ। च्‍यिबेमाना चिदुङ तेर कोहएँ माएँ ताम ङोह स्‍य़ेदीॱराङ खुङया़गी ख्‍याती नाम्‍स्‍यीदी कुहर्ची पेहकें। दि ल़ेह खुङया़गी सेम काहसो पेहती पेहच्‍यु। तुहक्‍पु ने़दी मिहम्‍बा, मिहन्‍सीमाना ओहलेगी ख्‍याया़ला च्‍यिॱआङ खेप्‍साङ मेहयोहङगे।

याकूब 1:16

ङाहगी निङज्‍यी पेहक्‍योगी आदा-नो़हया़ दाङ आज्‍यी-नुहमुया़, ख्‍या राहङगी राहङला गो़-कोहर मा़हच्‍यु

याकूब 1:19

ए ङाहगी निङज्‍यी पेहक्‍योगी आदा-नो़ह दाङ आज्‍यी-नुहमुया़, दि केच्‍या टेहम्‍बा साल्‍दी ज़्‍या़दोङ। ख्‍या ङ्यिहन्‍ज्‍येला ग्‍यो़बा ओहले ताम माज्‍ये दाङ स्‍यिहताङ पेहच्‍येलाती कुहल्‍बा ओहङ कोहएँ।

याकूब 3:10

खा च्‍यी़लेगीराङ मेलामॱआङ थेन्‍गे ओहले मे़मुॱआङ थेन्‍गे। ए ङाहगी आदा-नो़ह दाङ आज्‍यी-नुहमुया़, दि ल़ेहमु ओहङ मेहकोहच्‍ये येहकें।

१ पत्रुस 5:3

ख्‍यागी जिम्‍माला येहकेनया़ थो़ला ओङ छ्य़ेगे मिहम्‍बा यिहॱनाङ ल़ेह या़हबु पेहती खुङया़गी दिनला पे या़हबु तेन्‍दोङ।