याकूब 2:9 - ह्योल्‍मो

⁹ यिहॱनाङ ख्‍यागी फिगी ज़ोप्‍ता त़ेदी मिहया़ला ङ्येम्‍बा-ङ्य़ेहरी पेहसीनमाना ओ़ह ख्‍यागी तिहक्‍पा पेहक्‍यो यिहम्‍बा ओहले ख्‍यागी छ्य़े-ठिम गोम्‍ग्‍यो सोङबे ख्‍याला ङ्य़ेहबा फोएँ।

याकूब 2:9 ပူးပေါင်းရင်းမြစ်များ

यूहन्‍ना 16:8

ओहले मिहरो फेप फान्‍ज्‍यो मिहरोगी दि जाम्‍बुलीङला तिहक्‍पा, तेहन्‍दाम दाङ किन्‍ज्‍योकी ठिमकी तेहन्‍दाला खुङया़गी ल़ेह नोहर च्‍य़ूगेनॱराङ येह म़ेदी तेन नाङज्‍ये येह।

यूहन्‍ना 8:46

ख्‍या नाहङले सुगी ङाहला तिहक्‍पागी फातुर च़ू ख़ूएँ? ङाहगी तेहन्‍दामगी ताम माएँमु च्‍यिबे ङाहला ख्‍यागी यिह मे़हछ्येएँ?

यूहन्‍ना 8:9

दि स्‍याहल थे़दे खुङया़ तोहङस्‍यो के़हङगेनया़ यिहन्‍ज्‍यु छ़ूदी पेहजाया़ थु राहप-ताङ रिहम्‍बा पेहती ओ़ह ग्‍या़ले थेन्‍दी काहल्‍सीन। ओहले येशू दाङ ओ़ह पी़हमी च्‍यी़राङ ओ़हला लिहसीन, ओहले ओ़ह पी़हमी येशूगी दिनला लाहङदी तेहसीन।

ल़ेह-पेन 10:34

ओहले पत्रुसगी ताम माज्‍ये छ़ूसीन, “दि ताम तेहम्‍बाराङ यिहम्‍बा दु किन्‍ज्‍योगी सुॱलाङ ङ्येम्‍बा-ङ्य़ेहरी जे मेहनाङगे।

रोमी 3:20

ओ़ह सोङबे छ्य़े-ठिमला ची़दी सुज्‍यीॱआङ किन्‍ज्‍योगी दिनला टाहङबु सी़ह मी़हखुएँ, च्‍यिबेमाना छ्य़े-ठिमगीनी मिहगी पेहक्‍योगी तिहक्‍पाला ङोह स्‍य़े च्‍यी़राङ च्‍य़ूगे।

१ कोरिन्‍थी 14:24

यिहॱनाङ थाम्‍ज्‍यीगी लुहङदेन स्‍ये तेहक्‍यो ती़हजीला लाहला मास्‍यीकाला यिह मा़हछ्येबाकी मिह दाङ फिगी मिहया़ ओहङसीमाना खोगी ओ़ह लाहमले राहङगी तिहक्‍पाया़ ङोह स्‍ये़ज्‍ये येह ओहले ख्‍यागी लुहङदेन स्‍य़ेक्‍यो लाहमले खुङगी राहङला या़हबु पेहती ङ्याहम च्‍येच्‍ये येह।

गलाती 2:19

च्‍यिबेमाना किन्‍ज्‍योकी तेहन्‍दाला थार ख़ूज्‍यु म़ेदीराङ ङाह छ्य़े-ठिम लाहमले छ्य़े-ठिमकी तेहन्‍दाला मास्‍यीका ङ्याम्‍बुराङ क्‍याहङस्‍यीङला स्‍यि सिहन्‍दी येह।

१ यूहन्‍ना 3:4

तिहक्‍पा पेहकेनया़गी छ्य़े-ठिम गोम्‍गे। च्‍यिबेमाना छ्य़े-ठिम मी़हचीगेन्‍दीराङ तिहक्‍पा यिहम्‍बा।

यहूदा 1:15

मिहरोगी मिह थाम्‍ज्‍यीला ठिम ताङ नाङज्‍ये येह ओहले खुङया़गी प़ेह ज़्‍या़क्‍योगी ना थाम्‍ज्‍यी चोक्‍पा ल़ेहया़ ओहले चो़वोला टाह पेहती माक्‍यो तामया़गी तेहन्‍दाला ङ्य़ेहबा काल नाङज्‍ये येह।”