याकूब 1:4 - ह्योल्‍मो

⁴ ख्‍याला च्‍यि से़हदीॱआङ कोम्‍बु माहयोहङज्‍यु ओहले ख्‍या याहङ-ताहक्‍पा दाङ छाङबु डो ख़ूज्‍यु म़ेदी ना़स्‍यीङला खोती ल़ेह थाम्‍ज्‍यीराङ पेह च्‍य़ूदोङ।

याकूब 1:4 ပူးပေါင်းရင်းမြစ်များ

मत्ती 10:22

ङाहगी मिहनगी पेहती ख्‍याया़ला मिह थाम्‍ज्‍यीगी ङेन्‍ज्‍येन पेहच्‍ये येह। यिहॱनाङ तिङ थु ङाहला यिह-छ्य़े पेहती तेहकेन्‍दी थार्च्‍ये येह।

मत्ती 19:20

ओहले ओ़ह स्‍यारा मिहगी मासीन, “दि थाम्‍ज्‍यी काया़नी ङाहगी ची़देॱराङ ओहङदी येह। लेहमेन च्‍यि पेह कोहकें ले?” म़ेदी स्‍युहसीन।

मत्ती 5:48

ओ़ह सोङबे स्‍यिहङगामला ज़्‍य़ू नाङगेन्‍गी ख्‍याया़गी किन्‍ज्‍यो च्‍यिॱआङ क्‍येन म़ेहबा जेती ज़्‍य़ू नाङग्‍यो ल़ेहमुराङ ख्‍याया़ॱआङ ओ़ह ल़ेहमुराङ पेहती तेह कोहएँ” म़ेदी येशूगी सुङ नाङसीन।

मर्कूस 10:21

ओहले येशूगी खोला ज़ी़ नाङसीन ओहले च्‍याहम्‍बा जेती सुङ नाङसीन, “ता़ह ख्‍येगी राहङसा ल़ेह च्‍यी़ पेह कोहच्‍ये येहबा। काहल्‍दी राहङगी थाम्‍ज्‍यीराङ क्‍युह नोहरया़ चोङदी ओहङग्‍योगी टाङगा प्राङबुया़ला तेर ओहले ख्‍येगी स्‍यिहङगामला क्‍युह-नोहर ज्‍योर्च्‍ये येह ओहले ख्‍ये लोह ओहङदी ङाहला ताहदा क्‍याहप्‍ती स्‍यो।”

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

लूका 21:19

सेम माहङग्‍युर्पा पेहती तेहतोङ, ओहले ख्‍यागी तेहन्‍दामगी मिहली ज्‍योर्च्‍ये येह” म़ेदी येशूगी सुङ नाङसीन।

लूका 8:15

ओहले या़हबु साला लेप्‍क्‍योगी सेनगी तेहन्‍दादी च्‍यि यिहम्‍बा मासीमाना, लाहलागी किन्‍ज्‍योगी सुङदेन ङ्यिहन्‍दी सेमला ज़्‍या़एँ, ओहले सुङदेनगी सुङग्‍यो ल़ेहमुराङ ल़ेहया़ पेहकें ओहले ती़हजी लेप्‍केमु माहङबु म़ेदी माहङबु सेदो या़हगे” म़ेदी येशूगी स्‍याहप्‍च्‍यीया़ला ह्‍अ कोह च्‍य़ू नाङसीन।

यूहन्‍ना 17:23

ङाह खुङ ङ्याम्‍बु ओहले राहङ ङाह ङ्याम्‍बु ज़्‍य़ू नाङदी येह। दि ल़ेहमु पेहती खुङॱआङ छाङबु पेहती च्‍यी़राङ ओहङ ख़ूज्‍यु। ओहले राहङगी ङाहला ताङ नाङदी चेवा जे नाङग्‍यो ल़ेहमु खुङया़लाॱआङ चेवा जे नाङसीन माएँ ताम जाम्‍बुलीङगी ङोह स्‍य़े ख़ूज्‍यु।

१ कोरिन्‍थी 2:6

यिह-छ्य़ेला चार्ङ्यी तिहङ रिहङबु सू़ह सिहन्‍ग्‍योया़ ङ्याम्‍बु ङ्यिह रिहक्‍स्‍यीकी तामया़ प्रा साल्‍गे, यिहॱनाङ दि काल्‍बाकी रिहक्‍स्‍यी मिहम्‍बा। दि काल्‍बाला ओङ छ्येएँया़की रिहक्‍स्‍यीॱआङ मिहम्‍बा। दिया़नी ङ्यिहमा च्‍यी़ तोङदी डोज्‍ये येह।

गलाती 6:9

या़हबु ल़ेह पेहच्‍येकी तेहन्‍दाला ओहराङ नाहमॱआङ थाङ छ्येच्‍ये मेहयोहङगे च्‍यिबेमाना का़हलेॱआङ ओहराङ खोदा माहछ्येपा पेहती या़हबु ल़ेहया़ पेहतीराङ तेहसीन माना ती़हजी लेप फान्‍ज्‍योनी ओहराङगी राहङगी कामेया़ रु-ङ्युहङज्‍ये येह।

कलस्‍सी 4:12

ख्‍या नाहङदीॱराङ नो़ह मास्‍यीका येशूगी योक्‍पु इपाफ्रासगीॱआङ ख्‍याया़ला टास्‍यी-देले ताङदे येह। खोगी नाहम्‍माॱनाङ ख्‍याला सोल्‍वाङला टेहम्‍बा साल्‍दी ख्‍या किन्‍ज्‍योला सान्‍दी डो ख़ूज्‍यु, यिह-छ्य़ेला च्‍यिप्‍क्‍यो ओहङ ख़ूज्‍यु ओहले काया़ ची़ ख़ूज्‍यु म़ेदी कादुप च्‍येती सोल्‍वाङ ताप्‍को येह।

१ थेसलोनिकी 5:23

स्‍य़िहदेकी किन्‍ज्‍यो राहङगीराङ ख्‍या फ़ेबे-म़ेहमेया़ला सेम तिहङ यिहन्‍ज्‍युराङ चाङमा ज़ो नाङज्‍यु, ओहले ख्‍या फे़बे मे़हमेया़की थाम्‍ज्‍यी सेम, सो दाङ ली़ह ओहराङकी चो़वो येशू मास्‍यीका फेप नाङगे ङ्यिहमा थु च्‍यिॱआङ क्‍येन म़ेहबा पेहती ज़्‍या़ नाङज्‍यु।

२ तिमोथी 3:17

किन्‍ज्‍योकी मिहया़गी थाम्‍ज्‍यीराङ या़हबु ल़ेहया़ या़हबु पेहती ठीक-ठीक ङ्या़ह-ङ्या़ह पेहती पेह ख़ूज्‍यु म़ेदीराङ छ्य़े नाङग्‍यो यिहम्‍बा।

हिब्रू 13:21

ख्‍याया़ला नामे-नाजो या़हबु गीनया़गी छाङबु ज़ो नाङज्‍यु, ओहले ख्‍याया़गी मिहरोगी थु-सेम तेहन्‍दा डुप च्‍य़ू ख़ूज्‍यु। ख्‍याया़गी मिहरोला थु ङ्ये़एँगी ल़ेह पेह ख़ूज्‍यु म़ेदी येशू मास्‍यीका लाहमले मिहरोगी ख्‍याया़गी सेमला छ्या़ले जे नाङज्‍यु। नाहम्‍स्‍यी किन्‍दु येशू मास्‍यीकाकी ज़िज्‍यिद ओहङज्‍यु।

याकूब 1:5

ओहले ख्‍याया़ नाहङला सुलाॱआङ रिहक्‍स्‍यीती कोम्‍बु येहसीमाना किन्‍ज्‍यो ङ्याम्‍बु लाङदोङ ओहले ख्‍येगी रिहक्‍स्‍यी ज्‍योर्च्‍ये येह च्‍यिबेमाना किन्‍ज्‍योगी थु ज़ाङबु जेती थाम्‍ज्‍यीलाराङ बोलो-छ्योलो नाङज्‍ये येह।

याकूब 3:2

च्‍यिबेमाना ओहराङ थाम्‍ज्‍यीगी जोल्‍गे। का़हन्‍दी मिहगी ताम माएँमु मेहजोल्‍गे खो तेहम्‍बाराङ याहङ-ताहक्‍पा मिह यिहम्‍बा। ओ़ह ल़ेहमु मिहगीराङ राहङ ज़ुबुला टिहला ज़्‍या़ ख़ूएँ।

१ पत्रुस 5:10

थाम्‍ज्‍यी काटीनकी किन्‍ज्‍योगी मास्‍यीकाला यिह-छ्य़े नाङदी राहङदी नाहमॱआङ मिहसीहन्‍गेन्‍गी ज़िज्‍यिद नाङज्‍येला ख्‍याया़ला क़े क्‍याहप नाङदी येह। ख्‍यागी ङ्यिहमा तोबाज्‍यी तुहक्‍पु खुर फान्‍ज्‍यो मिहरोगीॱराङ ख्‍याया़ला येहपाराङ साम्‍बा ज़ो नाङज्‍ये येह, ओहले ख्‍यागी सेम थिक-चिला ज़्‍या़दी ओङज्‍या छ्यिम्‍बु ज़ो नाङज्‍ये येह ओहले ब्राम सान्‍दी तिङग्‍यो ग्‍या़ला ज़्‍या़ नाङज्‍ये येह।

२ पत्रुस 1:9

ओहले का़हन्‍दी मिहया़ ङ्याम्‍बु दि गीनया़ म़ेहबा खुङगी था़-रिहङबुगी से़हया़ थोङज्‍ये म़ेह ओ़ह सोङबे खुङ मी़ मेहथोङगेन्‍गी मिहया़ ल़ेहमुराङ यिहम्‍बा। खुङगी राहङगी तिहक्‍पा ता़हक्‍योगी तामया़ॱआङ टेहम्‍बा च्‍येह सिहन्‍ग्‍यो ओहङगे।