याकूब 1:12 - ह्योल्मो12 तुहक्पु-काहबुगी ती़हजीलाॱआङ ना़दे थिर पेहती तेहकें मिह काहजे सोनाम-साक्पु। च्यिबेमाना किन्ज्योगी मिहरोला चेवा पेहकेनया़ला मिहलीगी च्याहगा तेर्के सुङदे ताहम्ज्या ज़्या़ नाङदी येह। ओ़ह च्याहगादी सु, तुहक्पुगी ती़हजीलाॱआङ थिर पेहती तेह ख़ूएँ खोगी ज्योर्च्ये येह। အခန်းကိုကြည့်ပါ။ |
याकूब 1:12
49 ပူးပေါင်းရင်းမြစ်များ
ना़स्यीङ छ्यिम्बु पेहती कू़हदी तेहकेनया़ काहजे सोनाम-साक्पु म़ेदी ओहराङगी माएँ। ख्याया़गी अय्यूब ना़स्यीङ छ्यिम्बु पेहती कू़हदे तेहक्योगी तेहन्दाला थे़दी येहबा। ज्युक्स्योलला चो़वोगी काह-ठि पेहती खोला बोलो-छ्योलो मेलाम नाङबा, ओ़हॱआङ ख्याला क्यी़हराङ येह। चो़वोगी मिहया़ला माहङबुराङ निङज्यी दाङ थुज्यी ज़ी़ नाङगे।
थाम्ज्यी काटीनकी किन्ज्योगी मास्यीकाला यिह-छ्य़े नाङदी राहङदी नाहमॱआङ मिहसीहन्गेन्गी ज़िज्यिद नाङज्येला ख्याया़ला क़े क्याहप नाङदी येह। ख्यागी ङ्यिहमा तोबाज्यी तुहक्पु खुर फान्ज्यो मिहरोगीॱराङ ख्याया़ला येहपाराङ साम्बा ज़ो नाङज्ये येह, ओहले ख्यागी सेम थिक-चिला ज़्या़दी ओङज्या छ्यिम्बु ज़ो नाङज्ये येह ओहले ब्राम सान्दी तिङग्यो ग्या़ला ज़्या़ नाङज्ये येह।
ता़ह ख्या थो़ला तुहक्पु बाप ओहङज्ये पेहती येह ओ़ह यिहन्ज्यु मा़हन्ज्यी। ती़ह गो-छ्येवागी ख्या नाहङला लाहलाला ङ्याहम च्येच्ये म़ेदी चोन-खाङला लू़ज्ये पेहती येह, ओहले ख्याला ङ्यिहमा च्यु थु च्यी़राङ तुहक्पु ओहङज्ये येह। स्यि कोहॱनाङ ङाहलेगी तेहपा मा़हलोह, ओहले क्याहल्दी ज्योर्केन्की च्याहगा था़ म़ेहबा मिहली ज़ाङबु ङाह ख्येला तेर्के।
ကြော်ငြာတွေ