हिब्रू 9:12 - ह्योल्मो12 राह दाङ पिहउ पी़हरुया़की ठा़गी मिहम्बा, यिहॱनाङ राहङदीराङ ठा़ लाहमले नाहमॱआङ मिहस्यीएँगी मिहली नाङज्येला नाहम मानागी तेहन्दाला लेहमा च्यी़लाॱराङ मिहरो चा़ छ्येस्यो नाम्पार-ताहक्पा ग्या़ नाहङला स्य़ूह नाङसीन। အခန်းကိုကြည့်ပါ။ |
हिब्रू 9:12
32 ပူးပေါင်းရင်းမြစ်များ
ओहले स्यिहङगामले माहर फेप नाङज्ये येह म़ेदी लाहम क़ूह तेहकेन किन्ज्योगी स़ेबुला किन्ज्योगीॱराङ टोङग्यो ग्या़लेगी सोम्बो ज़्याङ च्य़ू नाङसीन। ओ़ह स़ेबुराङ येशू यिहम्बा, ओहले ताहन्दा राहङया़गी क़ूह तेहक्योदीॱआङ मिह-रो़हलाॱराङ यिहम्बा। ओहले ओहराङ थो़ला ओहङज्ये पेहक्योगी किन्ज्योकी थुयाल ङो़ले थार च्य़ू नाङगेन्दीॱआङ मिह-रो़हराङ यिहम्बा।
मास्यीकागी किन्ज्योकी ज़िज्यिदकी क्या-साङे तेन नाङगे ओहले मास्यीकाॱराङ किन्ज्योकी तेहम्बा-तेहन्सुम ङ्य़ेहरी यिहम्बा। ओहले मिहरोगी वाङज्या छ्यिम्बु सुङलाॱराङ रेबेॱराङ से़हया़ छ्या़दे येहबा। मिहया़ला तिहक्पालेगी कोहङदा नाङगेन्गी छ्या़ले छार फान्ज्यो मिहरो वाङज्या छ्यिम्बु नोम्गेन किन्ज्योकी योबा ङो़ले ज़्य़ू नाङसीन।
मास्यीकाकी ठा़गीनी जेन माहङबु ख्यागी नोम्साङला तिहक्पाकी ल़ेहया़लेगी चाङमा ज़ोज्ये येह, ओहले ख्यागी सोम्बो ज़्य़ू नाङगेन किन्ज्योला स्याहप्तो स्युह ख़ूज्ये येह। च्यिबेमाना मिहरोगी नाहम्स्यी किन्दु ज़्य़ू नाङगे किन्ज्योगी थु लाहमले च्यिॱआङ क्येन म़ेहबा पेहती राहङगी राहङला किन्ज्योला मार्च्ये फुल नाङसीन।
किन्ज्योगी ताहम्ज्या ज़्या़ नाङग्यो नाहम्स्यी किन्दु लिहकेन्गी मेलामया़ मास्यीका लाहमले क़े क्याहप नाङग्यो मिहया़गी ज्योर ख़ूज्यु म़ेदी दि साम्बा ताहम्ज्या ङ्याम्बु लाहम्बा जे नाङगेन्दी मास्यीकाॱराङ यिहम्बा। तोहङस्यो ताहम्ज्याकी ती़हजीला मिहया़गी पेहक्यो तिहक्पालेगी खुङया़ला खा फे़ नाङज्येला मास्यीका टोहङ नाङसीन।
ओ़हठीॱराङ पेहती मिह माहङबुगी तिहक्पाया़ खुर नाङज्येला मास्यीकागी लेहमा च्यी़ राहङगी राहङला मार्च्ये फुल नाङसीन। ओहले मास्यीका येहपाराङॱआङ लेहमा च्यी़ फेप नाङज्ये येह। ओहजे काहङला मिहया़गी तिहक्पाया़ ता़ह च्य़ू नाङज्येला मिहम्बा यिहॱनाङ सेम काहसो पेहती मिहरो फेप नाङगेन्गी फेप-लाहम कू़हदी तेहकेनया़ला थार्पा नाङज्येला फेप नाङज्ये येह।
यिहॱनाङ नाहङ ङो़ले येहकेन्की चा़ छ्येस्यो नाम्पार-ताहक्पा ग्या़लादी लोहला लेहमा च्यी़ गो-छ्येवा पूजाहारी च्यी़राङ डो ङ्युहङगो येहकें ओ़हदीॱआङ ठा़ माहख्येर्पा पेहती डो मिहङ्युहङ येहकें। ओ़ह ठा़दी खो राहङगी पेहक्योगी तिहक्पा दाङ मिहया़गी ङोह मा़हस्येबा पेहती पेहक्यो तिहक्पाकी तेहन्दाला फुल्गो येहकें।
ओहले यिह-छ्य़ेबु पाङबु दाङ टोहङग्योलेगी सोम्बो ज़्याङ नाङगेया़ला तोहङस्यो ज़्याङ नाङगे जाम्बुलीङकी क्याहल्बुया़गी क्याहल्बु, येशू मास्यीका लाहमलेॱआङ ख्याया़ला काटीन दाङ स्य़िहदे ओहङज्यु। ओहराङला चेवा जे नाङगे येशू मास्यीकागी मिहरो राहङगी ठा़ लाहमले ओहराङला तिहक्पालेगी खा फे़ नाङदी येह।
ကြော်ငြာတွေ