हिब्रू 7:8 - ह्योल्‍मो

⁸ मिहया़ ङ्याम्‍बु बो च्‍युला बो च्‍यी़ फी़ तुहएँगी पूजाहारीया़ स्‍यिदी डोएँ यिहॱनाङ छ्य़ेगी मल्‍कीसेदेकती सोम्‍बोराङ ज़्‍य़ू नाङदी येह म़ेदी सुङ नाङगे।

हिब्रू 7:8 ပူးပေါင်းရင်းမြစ်များ

यूहन्‍ना 14:19

ता़ह ङ्यिहमा तोबा तिङले जाम्‍बुलीङगी ङाहला नाहमॱआङ थोङज्‍ये म़ेह, यिहॱनाङ ख्‍याया़गी ङाहला थोङज्‍ये येह। ङाह सोम्‍बो यिहन्‍गे सोङबे ख्‍याया़ॱआङ सोम्‍बो ओहङज्‍ये येह।

यूहन्‍ना 14:6

ओहले येशूगी खोला सुङ नाङसीन, “लाहम, तेहन्‍दाम दाङ मिहली ङाहराङ यिहन। ङाह लाहमले पेहती मिहम्‍बानी सुज्‍यीॱआङ याहप्‍च्‍येन आबासाला लेप मी़हखुएँ।

हिब्रू 3:16

थे़गेनया़ सु येहकें, खुङगी थे़दीॱआङ टाह पेहसीन? मोशागी मिश्र क्‍याहल-खापलेगी तेन्‍दी ख्‍योङग्‍यो मिहया़राङ यिहन्‍गे मिहम्‍बा ले?

हिब्रू 5:6

ओहले लेहमेन ग्‍या़ला किन्‍ज्‍योगी दि ल़ेहमु सुङ नाङदी येह, “ख्‍ये मल्‍कीसेदेक ल़ेहमुराङ नाहम्‍स्‍यी किन्‍दु पूजाहारी यिहन।”

हिब्रू 6:20

ओहराङगी तेहन्‍दाला येशू ओहराङ म़ेदी तोहङलेराङ ओ़ह ग्‍या़ला फेप्‍ती ज़्‍य़ू नाङदी येह। मल्‍कीसेदेक पूजाहारी ल़ेहमुराङ मिहरो नाहम-माना लिहकेन्‍गी गो-छ्येवा पूजाहारी काहल्‍दी येह।

हिब्रू 7:23

ओहले लेहमेन ख्‍येपार च्‍यि येहबा माना, तोहङमा पूजाहारीया़ टाहङजीला माहङबु येहकें, च्‍यिबेमाना खुङ स्‍यिदी डोएँगी मिहया़ यिहन्‍गे सोङबे खुङगी पूजाहारीगी ल़ेह पेहती तेह मा़हखु।

हिब्रू 7:7

दिला लोहङटी पेह कोहएँगी ताम च्‍यिॱआङ म़ेह, मिह फेमागी मिह छ्यिम्‍बु लाहमले मेलाम ज्‍योर्के।

हिब्रू 7:9

सुज्‍यीगी दि ल़ेहमुॱआङ मारो, बो च्‍युला बो च्‍यी़ फी़ तुहएँ लेवीया़गीॱआङ राहङगी चावा अब्राहाम लाहमले मल्‍कीसेदेकला बो च्‍युला बो च्‍यी़ फी़ फुल्‍सीन।

हिब्रू 9:27

मिह लेहमा च्‍यी़ स्‍यिएँ ओहले स्‍यि फान्‍ज्‍यो किन्‍ज्‍योगी खोला ठिम ज़ी़ नाङगे।

ज्‍याल्‍गा 1:18

ओहले सोम्‍बो येहकेन्‍दीॱआङ ङाहराङ यिहन। ङाह स्‍यिक्‍यो येहकें, यिहॱनाङ ता़ह त़ेदोङ, ङाह नाहम्‍स्‍यी किन्‍दुॱराङ सोम्‍बो काहल्‍दी येह, स्‍यिवा दाङ साप्‍स्‍यी तिहङकी दिमीया़ ङाह ङ्याम्‍बु येहबा।