हिब्रू 7:19 - ह्योल्मो19 च्यिबेमाना मोशागी तेरक्यो छ्य़े-ठिमगी सुलाॱआङ याहङ-ताहक्पा ज़ो मा़हखु। यिहॱनाङ ता़ह किन्ज्योगी ओहराङला ओ़ह म़ेदीॱआङ या़हबु रेहवा नाङदी येह, ओ़ह लाहमले पेहती ओहराङ किन्ज्यो पोहला लेप ख़ूएँ। အခန်းကိုကြည့်ပါ။ |
हिब्रू 7:19
29 ပူးပေါင်းရင်းမြစ်များ
ओ़हठी यिहन्सीमाना ता़ह ओहराङगी च्यि माज्ये? च्यि छ्य़े-ठिम तिहक्पा यिहम्बा? का़हला यिहन्ज्ये, मिहम्बा। का़हलेॱआङ छ्य़े-ठिम म़ेहबा यिहनानी ङाहगी तिहक्पा च्यि यिहम्बा म़ेदी ह्अॱराङ कोहच्ये म़ेहबा येहकें, च्यिबेमाना “ख्येगी ह्अम्बा माहबे” म़ेदी छ्य़े-ठिमगी मा़हमेबा यिहनानी ह्अम्बा पेहक्योदी तिहक्पा यिहम्बा माएँ ताम ङाहला क्यी़हराङ ज्योर्च्ये म़ेहबा येहकें।
तिहक्पागी पेहताङगी काहङग्यो ज़ुबुगी मिहला ज्यिबुराङ मा-फाम्बु ज़ोक्यो सोङबे छ्य़े-ठिमगी पेह मी़हखुएँ ल़ेह किन्ज्योगी जे नाङसीन। काह-ठि पेहती माना, मिहरोगी राहङगी स़ेबु च्यिमे च्यी़ला दि जाम्बुलीङला ताङ नाङसीन। ओहले स़ेबु तिहक्च्येम्बा मिह ल़ेहमुराङ जेती मिहगी कुसो नोम्दी ठुङ नाङसीन ओहले मिह थाम्ज्यीगी पेहक्यो तिहक्पाकी तेहन्दाला किन्ज्योगी स़ेबुला क्याहङस्यीङला मार्च्ये फुल नाङसीन। दि ल़ेहमु जेती स़ेबुगी कुसो लाहमले किन्ज्योगी तिहक्पाकी ओङला दुल नाङसीन।
यिहॱनाङ, दि केच्या ङ्यिहगी ङोह स्ये़सीन– येशू मास्यीकाला तेहपा पेहना मिहम्बा, छ्य़े-ठिम ची़देनी मिह किन्ज्योगी दिनला टाहङबु सी़ह मी़हखुएँ। ओ़ह सोङबे ओहराङ छ्य़े-ठिम लाहमले मिहम्बा यिहॱनाङ मास्यीका थो़ला पेहक्योकी यिह-छ्य़े लाहमले टाहङबु सी़ह ख़ूज्यु म़ेदीराङ ओहराङगीॱआङ ओहराङगी तेहपा मास्यीका येशू थो़ला ज़्या़क्यो यिहम्बा, च्यिबेमाना छ्य़े-ठिम लाहमले सुज्यीॱआङ टाहङबु सी़ह मी़हखुएँ।
किन्ज्योगी येशूला नाङग्यो पूजाहारीगी छ्या़ले ओ़ह लेहमेन गो-छ्येवा पूजाहारीगी छ्या़ले म़ेदीॱआङ जेन चा़ छ्यिम्बु येह। ओ़हठीॱराङ पेहती किन्ज्यो दाङ मिहरोगी मिहया़गी पाहरक्यीला येशूगी लाहम्बा जे नाङग्योकी साम्बा ताहम्ज्याॱआङ तोहङले ज़्या़ नाङग्योकी ताहम्ज्या म़ेदी चा़ छ्यिम्बु येह च्यिबेमाना दि ताहम्ज्यागी ब्राम या़हबु ताहम्ज्याया़ थो़ला छ्या़दे येहबा।
ကြော်ငြာတွေ